எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

சனி, 30 ஜூலை, 2011

ஈழப்பிரச்சனையில் பொது வாக்கெடுப்பு நடத்த வேண்டும் - கிருஷ்ணசாமி!

"இலங்கை தமிழ் ஈழப்பிரச்சனையில் பொது வாக்கெடுப்பு நடத்தப்பட வேண்டும்" என புதிய தமிழகம் கட்சியின் தலைவரும் சட்டமன்ற உறுப்பினருமான டாக்டர் கிருஷ்ணசாமி கோரிக்கை விடுத்துள்ளார்.

இன்று புதிய தமிழகம் கட்சியின் தலைவர் டாக்டர் க.கிருஷ்ணசாமி M.D,M.L.A., அவர்கள் செய்தியாளர்களுக்கு அளித்த பேட்டியளித்தார். அப்போது அவர் கூறியதாவது:
தமிழகத்தின் ஜீவநதிகளாக இருந்த வைகை, பாலாறு, தென்பெண்ணை வறண்டு போனது. காவிரி, தாமிரபரணி போன்ற நதிகள் நீர் ஆதரமின்றி பல்வேறு காரணங்களால் தமிழ்நாட்டின் நீர்நிலைகள் சுருங்கி வருகின்ற காரணத்தால் விவசாயம் குறைந்து வருகின்றது. அடுத்த பத்தாண்டுகளில் உணவு தட்டுப்பாடு ஏற்படுவது தவிர்க்க முடியாதது.
வட மாநிலங்களான உ.பி, மத்தியபிரதேசம் போன்ற மாநிலங்களில் பெரிய நதிகளில் வெள்ளப்பெருக்கு ஆவதும் விவசாய நிலங்கள் பாதிக்கப்படுவதும் தொடர்ந்து நடைபெறுகிறது. இதைத் தவிர்க்கும் பொருட்டு கங்கை காவிரி இணைப்பு திட்டத்தை நிறைவேற்ற கடந்த ஐம்பது ஆண்டுகளுக்கும் மேலாக விவசாயிகள் குரல் கொடுத்து வருகின்றனர். ஆனால் வடக்கிலிருந்து கங்கை காவிரியை இணைக்க பல்வேறு தொழில்நுட்ப சிக்கல்கள் இருப்பதால் சிறுசிறு நதிகளை இணைத்து கங்கை காவிரி இணைப்பு திட்டத்தை நிறைவேற்றும் திட்டம் அரசின் பரிசீலனையில் உள்ளது.
'தென்மாவட்டங்களின் நீர் ஆதாரத்தைப் பெருக்குவதற்கு காவிரி, அக்னியாறு, தெற்கு வெள்ளாறு, பாம்பாறு, மணிமுத்தாறு, குண்டாறு மற்றும் வைகை ஆறுகளை இணைத்தும், வைப்பாறு மற்றும் மலட்டாறு போன்றவைகளை இணைப்பதன் மூலமும் தென் தமிழகம் நீர் ஆதரங்களில் மேம்பட்டு விவசாயிகள் பயன்பெறுவர்' என்பதை நேற்று தமிழக முதல்வரைச் சந்திக்கும் போது வலியுறுத்தினேன்.
நிலம், நீர், காற்று மாசுபடாமல் பாதுகாக்க உரிய நடவடிக்கை எடுக்கவில்லை. இதன்காரணமாக உலக வெப்பமயமாதலால் நிலத்தடி நீர் வறண்டு போகின்றது. நிலங்கள் அனைத்தும் தொழிற்மயமாகின்ற காரணத்தால் அதிலிருந்து வெளிவரும் புகை, வாயு காரணமாக காற்று மாசுபடாமல் தடுக்கும் பொருட்டு மக்களிடையே விழிப்புணர்வு ஏற்படுத்த ஆகஸ்டு 15ம் தேதி புதியதமிழகம் மற்றும் பிறந்தமண் அறக்கட்டளையின் சார்பாக தமிழகம் முழுவதும் அனைத்து ஒன்றிய அளவில் விழிப்புணர்வு சைக்கிள் பேரணி நடத்தப்படும்.
இலங்கை இனப்பிரச்சனை என்பது உலகளவில் முக்கியத்துவம் வாய்ந்த பிரச்சனை ஆகும். அண்மையில் தெற்கு சூடான் இன அடிப்படையில் தனி நாடானது. இதற்காக பொதுவாக்கெடுப்பு நடத்தப்பட்டது. அது போல இலங்கை தமிழர் பிரச்சனையிலும் பொதுவாக்கெடுப்பு நடத்தப்பட வேண்டும். இங்கிலாந்து நாட்டிலிருந்து வெளியாகும் சானல்4 தொலைக்காட்சி செய்தியை அடிப்படையாக வைத்து அமெரிக்கா இலங்கைமீது பொருளாதார தடை விதித்தது. அமெரிக்கா தனது தோழமை நாடுகளையும் இலங்கைமீது பொருளாதார தடை விதிக்க கேட்டுக்கொள்ள வேண்டும். பொதுவாக்கெடுப்புக்கு முன்பாக ராஜபக்சே குற்றவாளிக்கூண்டில் நிறுத்தி தண்டிக்க ஐநா மற்றும் உலக நாடுகளை அமெரிக்கா வலியுத்த வேண்டும்.
10,000 மைல்களுக்கு அப்பால் உள்ள இங்கிலாந்து நாடு இலங்கை தமிழர் பிரச்சனையில் இரக்கம் காட்டுகிறது. பல்லாயிரம் மைல்களுக்கு அப்பால் உள்ள அமெரிக்கா பொருளாதார தடை விதிக்கிறது. ஆனால் இந்திய அரசு மட்டும் செவிடன் காதில் சங்கு ஊதியது போல் உள்ளது. இலங்கை ராணுவத்துக்கு இந்திய மண்ணில் பயிற்சி அளிப்பதும், தளவாடங்கள் கொடுப்பதும் ஏற்றுக்கொள்ளக்கூடியது அல்ல; இது கண்டனத்துக்கு உரியதும் ஆகும்.
2006 முதல் 2011 வரை நடைபெற்ற திமுக ஆட்சியில் ஏழை எளிய மக்களிடம் பறிக்கப்பட்ட விவசாய நிலங்களை இந்த அரசு மீட்டெடுப்பது பாராட்டுக்குறியது. எனினும் பன்னாட்டு நிறுவனங்களால் போலிப்பத்திரம் மூலம் ஆயிரக்கணக்கான ஏக்கர் நிலங்கள் பறிக்கப்பட்டுள்ளது. மேலமருதூர், சில்லாங்குளம், இளவேலங்கால், தருவைக்குளம் போன்ற ஊர்களில் போலிப்பத்திரம் மூலம் இந்து பாரத், ஈஸ்ட் கோஸ்ட் எனர்ஜி நிறுவனங்களின் மூலம் விவசாய நிலங்கள் இந்து கோவில்கள், மயானங்கள், குளங்கள், நடைபாதைகள் போன்றவற்றை அபகரித்து வைத்துள்ளனர். இதைபற்றி காவல்துறையினர் உரிய நடவடிக்கை எடுக்க வேண்டுகிறேன்." என்று அவர் கூறினார்.
பேட்டியின் போது மாநிலஅமைப்புச்செயலாளர் வே.க.அய்யர், நிலக்கோட்டை சட்டமன்ற உறுப்பினர் திரு ஆ.ராமசாமி அவர்கள் மற்றும் தலைமை நிலையச் செயலாளர் கிறிஸ்டோபர், மாநில இளைஞரணி செயலாளர் பாஸ்கர் மதுரம், ஆகியோர் உடனிருந்தனர்

நிலத்தடி நீரை பாதுகாக்க ஆகஸ்டு - 15 விழிப்புணர்வு சைக்கிள் பேரணி- டாக்டர்.க.கிருஷ்ணசாமி அவர்கள் அறிவிப்பு.

 

தமிழகத்தின் ஜீவநதிகளாக இருந்த வைகை, பாலாறு, தென்பென்னை வறண்டுபோனது காவிரி, தாமிரபரணி போன்ற நதிகள் நீர் ஆதரமின்றி பல்வேறு காரணங்களால் தமிழ்நாட்டின் நீர்நிலைகள் சுருங்கி வருகின்ற காரணத்தால் விவசாயம் குறைந்து வருகின்றது அடுத்த பத்தாண்டுகளில் உணவு தட்டுப்பாடு ஏற்படுவது தவிர்க்க முடியாதது, வட மாநிலங்களான உ.பி, மத்தியபிரதேசம் போன்ற மாநிலங்களில் பெரிய நதிகளில் வெள்ளப்பெருக்கு ஆவதும் விவசாய நிலங்கள் பாதிக்கப்படுவதும் தொடர்ந்து நடைபெறுகிறது இதை தவிர்க்கும் பொருட்டு கங்கை காவிரி இணைப்பு திட்ட்த்தை நிறைவேற்ற கடந்த ஐம்பது ஆண்டுகளுக்கு மேலாக விவசாயிகள் குரல் கொடுத்து வருகின்றனர், ஆனால் வடக்கிலிருந்து கங்கை காவிரியை இணைக்க பல்வேறு தொழில்நுட்ப சிக்கல்கள் இருப்பதால் சிறுசிறு நதிகளை இணைத்து கங்கை காவிரி இணைப்பு திட்டத்தை நிறைவேற்றும் திட்டம் அரசின் பரிசீலனையில் உள்ளது. தென்மாவட்டங்களின் நீர் ஆதாரத்தை பெருக்குவதற்கு காவிரி, அக்னியாறு, தெற்குவெள்ளாறு, பாம்பாறு, மணிமுத்தாறு, குண்டாறு மற்றும் வைகைஆறுகளை இணைத்தும், வைப்பாறு மற்றும் மலட்டாறு போன்றவைகளை இணைப்பதன்மூலமும் தென் தமிழகம் நீர் ஆதரங்களில் மேம்பட்டு விவசாயிகள் பயன்பெறுவர் என்பதை நேற்று தமிழக முதல்வரை சந்திக்கும் போது வலியுறுத்தினேன்.

நிலம், நீர், காற்று ஆகியவற்றை பாதுகாக்க உரிய நடவடிக்கை எடுக்கவில்லை இதன்காரணமாக உலகவெப்பமயமாதலால் நிலத்தடி நீர் வறண்டு போகின்றது நிலங்கள் அனைத்தும் தொழில் மயமாகின்ற காரணத்தால் அதிலிருந்து வெளிவரும் புகை, வாயு காரணமாக காற்று மாசுபடாமல் தடுக்கும் பொருட்டு மக்களிடையே விழிப்புணர்வு ஏற்படுத்த ஆகஸ்டு 15ம் தேதி புதியதமிழகம் மற்றும் பிறந்தமண் அறக்கட்டளையின் சார்பாக தமிழகம் முழுவதும் அனைத்து ஒன்றிய அளவில் விழிப்புணர்வு சைக்கிள் பேரணி நட்த்தப்படும்.

இலங்கை இனப்பிரச்சனை என்பது உலகளவில் முக்கியத்துவம் வாய்ந்த பிரச்சனை ஆகும். அண்மையில் தெற்கு சூடான் இன அடிப்படையில் தனி நாடானது இதற்காக பொதுவாக்கெடுப்பு நட்த்தப்பட்ட்து அது போல இலங்கை தமிழர் பிரச்சனையிலும் பொதுவாக்கெடுப்பு நட்த்தப்பட வேண்டும். இங்கிலாந்து நாட்டிலிருந்து வெளியாகும் சானல்4 தொலைக்காட்சி செய்தியை வைத்து அமெரிக்கா பொருளாதார தடை விதித்த்து. அமெரிக்கா தனது தோழமை நாடுகளையும் பொருளாதார தடை விதிக்க கேட்டுக்கொள்ள வேண்டும். பொதுவாக்கெடுப்பு முன்பாக ராஜபக்சே குற்றவாளிக்கூண்டில் நிறுத்தி தண்டிக்க ஐநா மற்றும் உலக நாடுகளை அமெரிக்கா வலியுத்த வேண்டும்.

10,000 மைல்களுக்கு அப்பால் உள்ள இங்கிலாந்து நாடு இலங்கை தமிழர் பிரச்சனையில் இரக்கம் காட்டுகிறது பல்லாயிரம் மைல்களுக்கு அப்பால் உள்ள அமெரிக்கா பொருளாதார தடை விதிக்கிறது, ஆனால் இந்திய அரசு மட்டும் செவிடன் காதில் சங்கு ஊதியது போல் உள்ளது. இலங்கை ராணுவத்துக்கு இந்திய மண்ணில் பயிற்சி அளிப்பதும், தளவாடங்கள் கொடுப்பதும் ஏற்றுக்கொள்ளக்கூடியது அல்ல இது கண்டனத்துக்கு உரியதும் ஆகும்.
        
 2006 முதல் 2011 வரை நடைபெற்ற திமுக ஆட்சியில் ஏழை எளிய மக்களிடம் பறிக்கப்பட்ட விவசாய நிலங்களை இந்த அரசு மீட்டெடுப்பது பாராட்டுக்குறியது எனினும் பண்ணாட்டுக் கம்பெனிகளால் போலிப்பத்திரம் மூலம் ஆயிரக்கணக்கான ஏக்கர் நிலங்கள் பறிக்கப்பட்டுள்ளது மேலமருதூர், சில்லாங்குளம், இளவேலங்கால், தருவைக்குளம் போன்ற ஊர்களில் போலிப்பத்திரம் மூலம் இந்து பாரத், ஈஸ்ட் கோஸ்ட் எனர்ஜி கம்பெனிகளின் மூலம் விவசாய நிலங்கள் இந்து கோவில்கள், மாயானங்கள், குளங்கள், நடைபாதைகள் போன்றவற்றை அபகரித்து வைத்துள்ளனர். இதைபற்றி காவல்துறையினர் உரிய நடவடிக்கை எடுக்க வேண்டுகிறேன்

செவ்வாய், 26 ஜூலை, 2011

மாஞ்சோலை தோட்ட தேயிலை நிலங்களை 5 ஏக்கர் வீதம் பிரித்துக்கொடுக்க வேண்டும் : எம்எல்ஏ.,கிருஷ்ணசாமி

 


திருநெல்வேலி : மாஞ்சோலை தோட்ட தேயிலையின் நிலங்களை 5 ஏக்கர் வீதம் தொழிலாளர்களுக்கு பிரித்து கொடுக்கவேண்டும் என புதிய தமிழகம் நிறுவன தலைவர் எம்எல்ஏ.,கிருஷ்ணசாமி கூறினார்.தாமிரபரணியில் உயிர்நீத்தவர்களுக்கு அஞ்சலி செலுத்திய பின், புதிய தமிழகம் நிறுவன தலைவர் கிருஷ்ணசாமி நிருபர்களிடம் கூறியதாவது:கடந்த 1999ம் ஆண்டு 5 மாவட்ட தோட்ட தேயிலை தொழிலாளர்கள் கலெக்டரிடம் மனு அளிக்க வந்தோம். அப்போது திமுக ஆட்சியின் அடக்கு முறையால் போலீசார் எங்கள் மீது லத்தியால் தாக்கினர்.

 
இதில் ஒரு வயது குழந்தை உட்பட 17 பேர் ஆற்றில் மூழ்கி இறந்தனர். அவர்களின் நினைவு தினத்தை ஆண்டு தோறும் கடைபிடித்து வருகிறோம். தாமிபரணியில் உயிர்நீத்தவர்களுக்கு நினைவுத்தூண் அமைக்க வேண்டும் என பலமுறை கோரிக்கை வைத்துள்ளோம். இந்த ஆண்டாவது எங்களது கோரிக்கைகளை அரசு நிறைவேற்ற வேண்டும். மாஞ்சோலை தேயிலை நிறுவனத்தின் குத்தகை காலம் முடிந்துவிட்டது. எனவே அந்த நிலங்களை தலா 5 ஏக்கர் வீதம் அங்குள்ள தொழிலாளர்களுக்கு பிரித்துக் கொடுக்க அரசு நடவடிக்கை எடுக்கவேண்டும்.இவ்வாறு கிருஷ்ணசாமி கூறினார்

டாக்டர்.க.கிருஷ்ணசாமி அவர்கள் தமிழக முதலமைச்சரை சந்தித்தார்

திங்கள், 25 ஜூலை, 2011

நெல்லை தாமிரபரணி ஆற்றில் அனைத்துக் கட்சியினர் அஞ்சலி!

நெல்லை: நெல்லை தாமிரபரணி ஆற்றில் உயிர் நீத்தவர்களின் நினைவு தினத்தையொட்டி இன்று அனைத்துக் கட்சியினர் அஞ்சலி செலுத்தினர். இதையடுத்து 300 போலீசார் பாதுகாப்பு பணியில் ஈடுபட்டுள்ளனர். மாஞ்சோலை தேயிலை தோட்ட தொழிலாளர்கள் கடந்த 1999ம் ஆண்டு ஜூலை 23ம் தேதி சம்பள உயர்வு உள்ளிட்ட கோரிக்கைகளை வலியுறுத்தி நெல்லை கலெக்டர் அலுவலகத்திற்கு பேரணியாக வந்தனர். அவர்கள் மீது போலீசார் தடியடி நடத்தினர். போலீசாரின் தாக்குதலுக்கு பயந்து ஆற்றுக்குள் குதித்ததில் 17 பேர் இறந்தனர்.

இதனை நினைவு கூறும் வகையில் ஆண்டுதோறும் பல்வேறு அரசியல் கட்சிகள் சார்பில் நெல்லை தாமிரபரணி ஆற்றில் அஞ்சலி செலுத்தப்படுகிறது.
 தாமிரபரணியில் உயிர்நீத்தவர்களின் நினைவு தினத்தையொட்டி இன்று புதிய தமிழகம் கட்சி நிறுவனர் டாக்டர் கிருஷ்ணசாமி, தமிழக மக்கள் முன்னேற்ற கழக தலைவர் ஜான்பாண்டியன்,  மற்றும் கம்யூனிஸ்ட் கட்சிகள், பாமக, பாஜ உள்ளிட்ட பல்வேறு தாழ்த்தப்பட்ட அமைப்புகளை சேர்ந்தவர்கள் திரண்டு வந்து, அஞ்சலி செலுத்தினர். மாலையில் விடுதலை சிறுத்தைகள் கட்சித் தலைவர் தொல். திருமாவளவன் அஞ்சலி செலுத்துகிறார்.

ஒவ்வொரு கட்சியினருக்கும் குறிப்பிட்ட நேரம் ஒதுக்கப்பட்டிருந்தது. சட்டம் ஒழுங்கிற்கு இடையூறு ஏற்படாத வகையில் அனைவரும்  நடந்து கொள்ள வேண்டும் என்று போலீசார் அறிவுறுத்தியுள்ளனர். புதிய தமிழகம் கட்சித் தலைவர் கிருஷ்ணசாமி மதியம் 1 மணிக்கு நெல்லை சந்திப்பு ரயில் நிலையத்திலிருந்து ஊர்வலமாக வந்து தாமிரபரணி ஆற்றில் அஞ்சலி செலுத்தினார்.  தமிழக மக்கள் முன்னேற்றக் கழகத் தலைவர் ஜான்பாண்டியன் பகல் 12 மணிக்கு வண்ணார்பேட்டையிலிருந்து ஊர்வலமாக வந்து அஞ்சலி செலுத்தினார்.

பல்வேறு அரசியல் கட்சியினர் ஒரே இடத்தில் குவிந்துள்ளதையடுத்து நெல்லையில் 300க்கும் மேற்பட்ட போலீசார் பாதுகாப்பு பணியில் ஈடுபட்டுள்ளனர். நெல்லை மாநகர போலீஸ் கமிஷனர் வரதராஜூ உத்தரவின் பேரில் துணை கமிஷனர் மார்ஷ்டன்லியோ மேற்பார்வையில் உதவி கமிஷனர்கள் லயோலா இக்னேஷியஸ், ஸ்டாலின், ராஜ்மோகன் ஆகியோர் தலைமையில் தாமிரபரணி ஆற்றங்கரையோரம், ஆற்றுப்பாலம் மற்றும் ரயில்நிலையம், வண்ணார்பேட்டை, கொக்கிரகுளம் ஆகிய பகுதிகளில் போலீஸ் பாதுகாப்பு போடப்பட்டுள்ளது. அதிரடிப்படை மற்றும் கமாண்டோ படையினரும் பாதுகாப்பு பணியில்ஈடுபடுத்தப் பட்டுள்ளனர்.

தாமிரபரணியில் உயிர்நீத்த 17 பேருக்கு வீரவணக்க பேரணி ( படங்கள் )

 








மாஞ்சோலை தோட்ட தொழிலாளர் நினைவு நாள்:நெல்லை ஆற்றில் கட்சிகள், இயக்கத்தினர் அஞ்சலி

திருநெல்வேலி:நெல்லையில் மாஞ்சோலை தேயிலைத்தோட்ட தொழிலாளர்களின் 11ம்ஆண்டு நினைவுநாளையொட்டி புதிய தமிழகம், விடுதலை சிறுத்தைகள், பா.ம.க., கம்யூ., உள்ளிட்ட கட்சிகள், அமைப்புக்களை சேர்ந்தவர்கள் ஆற்றில் அஞ்சலி செலுத்தினர்.கடந்த 99ம்ஆண்டு ஜூலை 23ம்தேதி கூலிஉயர்வு கேட்டு போராடி சிறையில் அடைக்கப்பட்ட மாஞ்சோலை தேயிலை தோட்ட தொழிலாளர்களை விடுவிக்க வலியுறுத்தி நெல்லையில் கலெக்டரிடம் கோரிக்கை மனு அளிக்க தோட்ட தொழிலாளர்கள் ஊர்வலமாக சென்ற போது கலவரம் ஏற்பட்டது.

போலீசார் தடியடி நடத்தினர். 17 பேர் தாமிரபரணி ஆற்றில் மூழ்கி இறந்தனர்.ஆண்டுதோறும் ஜூலை 23ம்தேதி ஆற்றில் மூழ்கி இறந்தவர்களுக்கு பல்வேறு அரசியல்கட்சியினர், அமைப்பினர் அஞ்சலி செலுத்திவருகின்றனர். 11ம்ஆண்டு நினைவுநாளையொட்டி நேற்று 19 கட்சிகள், அமைப்புக்களை சேர்ந்தவர்கள் அவரவர்க்கு ஒதுக்கப்பட்ட நேரத்தில் ஆற்றில் அஞ்சலி செலுத்தினர்.புதிய தமிழகம் கட்சி சார்பில் தலைவர் கிருஷ்ணசாமி தலைமையில் நெல்லை ரயில்வே ஸ்டேஷனில் இருந்து மவுன ஊர்வலம் துவங்கியது.

மாநில, மாவட்ட நிர்வாகிகள், சுற்றுப்பகுதிகளை சேர்ந்த ஆயிரக்கணக்கான தொண்டர்கள் ஊர்வலத்தில் பங்கேற்றனர். அண்ணாத்துரை சிலை முன்பு ஊர்வலம் நிறைவு பெற்றது.பின்னர் தலைவர் கிருஷ்ணசாமி தலைமையில் மாவட்டச்செயலாளர் சுப்பிரமணியன், மாநகர செயலாளர் செல்லப்பா, மாவட்ட கொள்கை பரப்புச்செயலாளர் அரவிந்தராஜா, அவைத்தலைவர் எட்வர்டுராஜ், இணைச்செயலாளர் சிவக்குமார், துணைச்செயலாளர் மணிகண்டன், தூத்துக்குடி மாநகர செயலாளர் கனகராஜ், விருதுநகர் மாவட்டச்செயலாளர் ராமராஜ் உள்ளிட்டோர் ஆற்றில் மலர்வளையம் வைத்து அஞ்சலி செலுத்தினர்.

இந்திய கம்யூ.,:இந்திய கம்யூ., சார்பில் மாவட்டச்செயலாளர் சண்முகவேல், தூத்துக்குடி மாவட்டச்செயலாளர் மோகன்ராஜ் தலைமையில் மாவட்ட துணைச்செயலாளர்கள் காசிவிஸ்வநாதன், சத்யன், மாநகர செயலாளர் சுடலை, ஏஐடியுசி., மாவட்டத்தலைவர் ஆறுமுகம் உள்ளிட்டோர் அஞ்சலி செலுத்தினர்.பா.ம.க., சார்பில் மாநில துணைப்பொதுச்செயலாளர் மோகன்ராஜ் தலைமையில் மாநில கொள்கை விளக்க அணித்தலைவர் வியனரசு, மாநகர் மாவட்டச்செயலாளர் சீயோன் தங்கராஜ், மாநகர அமைப்புச்செயலாளர் ரவிதேவேந்திரன், மாவட்ட பொருளாளர் பாப்பாரத்தினம், சேதுபதி, ரமேஷ்பாண்டியன் உள்ளிட்டோர் அஞ்சலி செலுத்தினர்.மா.லெ.கம்யூ., சார்பில் மாவட்டச்செயலாளர் சங்கரபாண்டியன் தலைமையில் மாவட்டக்குழு உறுப்பினர்கள் ரமேஷ், ராஜமாணிக்கம், தேன்மொழி, கணேசன், கருப்பசாமி, ரவிடேனியல், மாரிமுத்து, மாரியப்பன், ஏஐசிசிடியு., நிர்வாகிகள் வெங்கட்ராமன், சுந்தர்ராஜன் உள்ளிட்டோர் அஞ்சலி செலுத்தினர்.

பா.ஜ.,:பா.ஜ., சார்பில் எஸ்.சி., அணி மாநிலச்செயலாளர் முருகதாஸ் தலைமையில் மாவட்டத்தலைவர் முத்துபலவேசம், தச்சநல்லூர் மண்டல பொதுச்செயலாளர் வெங்கடேஷ், மாவட்டத்தலைவர் கட்டளை ஜோதி, மாநில செயற்குழு உறுப்பினர் பாலசுப்பிரமணியன், நிர்வாகிகள் மகா கண்ணன், குருசாமி, ஆவுடையப்பன், அருள்ராஜ், மாரியப்பன், முத்துக்குமார், பெருமாள், சரவணன் உள்ளிட்டோர் அஞ்சலி செலுத்தினர்.பகுஜன்சமாஜ் கட்சி சார்பில் மாநில செயற்குழு உறுப்பினர் தேவேந்திரன், தென் மண்டல ஒருங்கிணைப்பாளர் சந்திரசேகர், தொழிற்சங்கத்தலைவர் பிரபுகாளிதாஸ், மத்திய பொருளாளர் பாஸ்கர், மாநகரத்தலைவர் சந்தானக்குமார், மாவட்ட துணைத்தலைவர் சப்பாணியாதவ், மாவட்ட பொருளாளர் கென்னடி, மகளிரணி தலைவி ராணி ராஜேந்திரன், மாவட்ட பொதுச்செயலாளர் பாக்கியராஜ் உள்ளிட்டோர் அஞ்சலி செலுத்தினர். திரிணாமூல் காங்., சார்பில் மாவட்ட விவசாய அணித்தலைவர் ஆறுமுகம் தலைமையில் அஞ்சலி செலுத்தப்பட்டது.

விடுதலை சிறுத்தைகள்:விடுதலை சிறுத்தைகள் கட்சி சார்பில் தலைவர் திருமாவளவன் தலைமையில் நிர்வாகிகள் மோகன், கார்த்திக், கரிசல் சுரேஷ், ஜீவா, கிருபாகரன், அமுதா மதியழகன், நடராஜன், நல்லையா, துரையரசு, சுப்பிரமணியன், ஆசைத்தம்பி, முத்துக்கிருஷ்ணன், விநாயகம் செல்வம், மனோகர், அரவிந்த்செல்வன் உள்ளிட்டோர் அஞ்சலி செலுத்தினர்.மறுமலர்ச்சி மக்கள் தமிழகம் சார்பில் தலைவர் துரையரசன், மாநில பொருளாளர் சங்கர், மாவட்டச்செயலாளர் ராஜேந்திரன், பொதுச்செயலாளர் காந்திமதிநாதன், மகளிர் அணிச்செயலாளர் செல்லம்மாள், மாநில இளைஞரணி செயலாளர் சண்முகராஜ் உள்ளிட்டோர் அஞ்சலி செலுத்தினர்.புரட்சிபாரதம் சார்பில் தென் மண்டல செயலாளர் பெருமாவளவன், சாம்ராஜ், பலராமன், நாகராஜன், ஜான், மன்னார், வைரமுத்து உள்ளிட்டோர் அஞ்சலி செலுத்தினர். மள்ளர் மீட்புக்களம் அமைப்பினர் மாவட்டச்செயலாளர் சுப்பையா தலைமையில் அஞ்சலி செலுத்தினர். மள்ளர் இலக்கியக்கழகம் சார்பில் மாநில அமைப்புச்செயலாளர் செல்லையா பாண்டியன், துணைச்செயலாளர் சுபாஷ், மாவட்டச்செயலாளர் நாகராஜன், பாலா, சுதாகர், செல்வம் உள்ளிட்டோர் அஞ்சலி செலுத்தினர்.

ஆதித்தமிழர் பேரவை சார்பில் மாநில துணை பொதுச்செயலாளர் கண்ணன் தலைமையில் மாநில நிதி செயலாளர் சங்கர், மாவட்டச்செயலாளர் கதிரவன், தூத்துக்குடி மாவட்டச்செயலாளர் மனோகர், மாவட்டத்தலைவர் செங்குட்டுவன், மாவட்ட துணைச்செயலாளர் தமிழ்மாறன், மாநகர தலைவர் தமிழ்வளவன், செயலாளர் இளமாறன், இளைஞரணி மாவட்ட செயலாளர் கலைக்கண்ணன் உள்ளிட்டோர் அஞ்சலி செலுத்தினர்.தமிழ்ப்புலிகள் சார்பில் துணைப்பொதுச்செயலாளர் பேரறிவாளன், மாவட்டச்செயலாளர் தமிழ்ச்செல்வன், மாநில மையக்குழு உறுப்பினர் நெல்லை மாயா, மாவட்ட கொள்கை பரப்புச்செயலாளர் தமிழரசு, மாவட்ட துணைச்செயலாளர் பிரபாகரன் உள்ளிட்டோர் அஞ்சலி செலுத்தினர். தமிழர் விடுதலைப்புலிகள் சார்பில் தலைவர் செந்தமிழன், பொதுச்செயலாளர் தமிழ் முருகன் உள்ளிட்டோர் அஞ்சலி செலுத்தினர்.

இந்திய குடியரசு கட்சி(அ) சார்பில் மாவட்டச்செயலாளர் பரமசிவன் தலைமையில் அஞ்சலி செலுத்தப்பட்டது. மா.கம்யூ., சார்பில் மாநில செயற்குழு உறுப்பினர் நூர்முகமது, மாவட்டச்செயலாளர் பழனி, மாநிலக்குழு உறுப்பினர் கருமலையான், மாவட்டச்செயற்குழு உறுப்பினர்கள் தியாகராஜன், ராஜாங்கம், பாஸ்கரன், மாநகர செயலாளர் கருணாநிதி உள்ளிட்டோர் அஞ்சலி செலுத்தினர்.மத்திய, மாநில அரசு எஸ்.சி.எஸ்.டி., ஊழியர்கள் கூட்டமைப்பு சார்பில் மாவட்டத்தலைவர் கணேசன், செயலாளர் சுவாமிநாதன், மாநில துணைத்தலைவர் பாலசுந்தரம், மாவட்ட அமைப்பாளர் ஜெய்சங்கர், மண்டல செயலாளர் முருகேசன் அஞ்சலி செலுத்தினர். மத்திய, மாநில அரசு எஸ்.சி.எஸ்.டி., ஊழியர் நலச்சங்கம் சார்பில் ஆலோசகர் பெரிசாமி, மாவட்டத்தலைவர் அரிராம், பொதுச்செயலாளர் அம்பேத்கர், மாவட்ட பொருளாளர் பொன்னுச்சாமி, துணைத்தலைவர்கள் செல்லையா, சுந்தரம், ரெங்கநாதன் உள்ளிட்டோர் அஞ்சலி செலுத்தினர்.

மொட்டை போட்டுமலர் அஞ்சலி:பலியானவர்களின் குடும்பத்தினர் ஆற்றில் மலர் தூவி அஞ்சலி செலுத்தினர். களக்குடியை சேர்ந்த செல்வராஜ், புதிய தமிழகம் கட்சித்தொண்டர் அரிராம் மொட்டையடித்து அஞ்சலி செலுத்தினர். நேற்று காலை முதல் மாலை வரை ஆற்றங்கரை, ஆற்றுப்பாலம், ஜங்ஷன் பஸ்ஸ்டாண்ட், தலைவர்கள் சிலைகள், கட்சி அலுவலகங்கள் முன் போலீசார் பாதுகாப்புப்பணியில் ஈடுபட்டனர்