புதிய தமிழகம் கட்சி ..தூத்துக்குடி வக்கீல் கனகராஜ் திருமண விழா ...டாக்டர் அய்யா நேரில் வாழ்த்து ..

தூத்தக்குடி முத்தையாபுரத்தை சேர்ந்த பழனி- கனகம்மாள் தம்பதியாரின் மகனும், புதிய தமிழகம் கட்சி வக்கீல் கனகராஜிக்கும், ஸ்ரீவைகுண்டம் கீழ புதுக்குடியை சேர்ந்த வெங்கடாசலம்- சந்தனசெல்வி தம்பதியாரின் மகள் சீதாவிற்கு திருமணம் நிச்சயிக்கப்பட்டது. இவர்களது திருமணம் தூத்துக்குடி அபிராமி மகாலில் வைத்து நடந்தது. திருமணத்தை புதிய தமிழகம் கட்சி தலைவரும் ஒட்டப்பிடாரம் எம்.எல்.ஏ.வுமான டாக்டர் க.கிருஷ்ணசாமி நடத்தி வைத்து மணமக்களை வாழ்த்தினார்.

விழாவில் புதிய தமிழகம் மாநில இளைஞரணி செயலாளர் பாஸ்கர் மதுரம், தூத்துக்குடி வக்கீல் சங்க தலைவர் பிரபு, கோவில்பட்டி தொழில் அதிபர் வாசுதேவன், ஏ.ஐ.டி.யு.சி. பொது செயலாளர் கிருஷ்ணராஜ், தூத்துக்குடி மாநகராட்சி தெற்கு மண்டல தலைவர் அலெக்சாண்டர், வக்கீல்கள் சேவியர், அதிசயக்குமார், சந்தணகுமார், பாஸ்கர், ரகுராமன், பெரியதுரை, ராமகிருஷ்ணன், மாரிமுத்து, தூத்துக்குடி தெற்கு மாவட்ட தொண்டரணி செயலாளர் செந்தில்குமார், புதிய தமிழகம் மாவட்ட தொண்டரணி செயலாளர் ராஜசேகர், மாவட்ட தொழிற்சங்க அமைப்பு செயலாளர் ராமசந்திரன் மற்றும் புதிய தமிழகம் கட்சி நிர்வாகிகள் கலந்து கொண்டு மணமக்களை வாழ்த்தினார்கள். 

மார்க்சிஸ்ட் கம்யூனிஸ்ட் கட்சியின் மாநிலச் செயலாளர் ஜி. ராமகிருஷ்ணனை புதிய தமிழகம் கட்சித் தலைவர் டாக்டர் க.கிருஷ்ணசாமி MD,MLA இன்று திடீரென சந்தித்து பேசினார்.

தமிழக சட்டமன்ற தேர்தலுக்கு இன்னும் ஓர் ஆண்டுகள் மட்டுமே உள்ளது. அடுத்த ஆண்டு மே மாதம் சட்டமன்ற தேர்தல் முடிவுகள் அறிவிக்கப்பட்டு பதவியேற்பு விழாவே முடிந்திருக்கக் கூடும். இந்த நிலையில் தமிழக அரசியல்களம் கொதிநிலையை எட்டியுள்ளது. . டாக்டர் கிருஷ்ணசாமி.MD,MLA அவர்கள் , திமுக தலைவர் கருணாநிதி தொடங்கி ஜி.கே.வாசன், வைகோஉள்ளிட்ட தலைவர்களை சந்தித்து தமிழர் பிரச்சினைக்காக குரல் கொடுக்க ஆதரவு திரட்டி வருகிறார். இந்த நிலையில் டாக்டர் கிருஷ்ணசாமி, மார்க்சிஸ்ட் கம்யூனிஸ்ட் கட்சியின் அரசியல் தலைமைக்குழு உறுப்பினரும், மாநிலச் செயலாளருமான ஜி.ராமகிருஷ்ணன், மாநிலச் செயற்குழு உறுப்பினர் க.கனகராஜ் ஆகியோரை இன்று சந்தித்துப் பேசினார் 'தமிழர் பிரச்சனைக்காக' அனைத்து கட்சித் தலைவர்களையும் ஒருங்கிணைத்து இயக்கம் அமைக்க டாக்டர் க.கிருஷ்ணசாமி MD,MLA அவர்கள்
சந்தித்து பேசிவருகிறார்.

ஆர்.கே.நகர் தொகுதியில் வேட்பாளரை நிறுத்துவது குறித்து மற்ற கட்சிகளுடன் ஆலோசனை...

சென்னை ஆர்.கே.நகர் தொகுதி இடைத் தேர்தலில் பொது வேட்பாளரை நிறுத்துவது தொடர்பாக, மற்ற கட்சித் தலைவர்களுடன் ஆலோசனை நடத்த இருப்பதாக புதிய தமிழகம் கட்சியின் தலைவர் டாக்டர்  கிருஷ்ணசாமி அறிவித்துள்ளார். 

புதிய தமிழகம் கட்சித் தலைவர் டாக்டர் கிருஷ்ணசாமி கோவையில் இன்று செய்தியாளர்களைச் சந்தித்தார். அப்போது அவர், ஜெயலலிதா சொத்துக் குவிப்பு வழக்கு தீர்ப்பில் உள்ள தவறுகளை பல தரப்பினரும் எடுத்துக் கூறியும், கர்நாடக அரசு மேல் முறையீடு செய்ய தயங்குவது ஏன் என்று கேள்வி எழுப்பினார். இந்த விவகாரத்தில், கர்நாடக அரசு உடனடியாக மேல் முறையீடு செய்ய வேண்டும் என அவர் வலியுறுத்தினார். 

சென்னை ஆர்.கே.நகர் தொகுதியில் இடைத்தேர்தல் நியாயமாக நடக்காது என முக்கிய அரசியல் கட்சிகள் புறக்கணித்து வருவதாகவும் அவர் கூறினார். ஆர்.கே. நகர் தொகுதியில் பொது வேட்பாளரை நிறுத்துவது தொடர்பாக கட்சியின் மாவட்ட செயலாளர்களுடன் ஆலோசனை நடத்த இருப்பதாகவும், அந்த கூட்டத்தில் எடுக்கப்படும் முடிவுகளின் அடிப்படையில் மற்ற கட்சிகளுடன் பேச இருப்பதாகவும்  டாக்டர் கிருஷ்ணசாமி தெரிவித்தார்.

'ஜெயலலிதாவுக்கு ஆதரவாக செயல்படுகிறது தேர்தல் ஆணையம்!'

கோவை: ஜெயலலிதா பதவி இழந்த தொகுதியை அறிவிக்க காலதாமதம் செய்த தேர்தல் ஆணையம், ஆர். கே நகர் தொகுதி இடைத் தேர்தலை உடனே அறிவித்து ஜெயலலிதாவுக்கு ஆதரவாக செயல்படுவதாக புதிய தமிழகம் கட்சித்தலைவர் டாக்டர். கிருஷ்ணசாமி குற்றஞ்சாட்டியுள்ளார்.

கோவையில் இன்று பத்திரிக்கையாளர்களை சந்தித்த அவர், "தேர்தல் ஆணையம் ஒருதலைபட்சமாக இருக்கிறது. இந்த தேர்தலில் போட்டியிடுவதன் மூலமாக எதையும் சாதிக்க முடியாது என்ற தி.மு.க.வின் முடிவு ஒரு பக்கம் மிகச்சரியானது. அதே சூழலில் தி.மு.க. வும், மற்ற எதிர்கட்சிகளும் போட்டியிடாதபோது ஒரு பொதுவேட்பாளரை நிறுத்தி, அவருக்கு அனைத்து எதிர்கட்சிகளும் ஆதரவு தரலாம். இந்த யோசனை முற்றாக தள்ளிவைக்க கூடியது அல்ல. இது தொடர்பாக யோசிக்கலாம். தேர்தலில் ஒரே கட்சிக்கான வாய்ப்பை எளிதாக கொடுக்க கூடாது. ஜனநாயக ரீதியிலான வாய்ப்பு குறித்து சிந்திக்கலாம். 

அது தொடர்பாக விவாதிக்க புதிய தமிழகம் கட்சியின் மாவட்ட செயலாளார்கள் கூட்டம் நாளை சென்னை யில் நடக்கிறது. பொது வேட்பாளரை நிறுத்துவது அல்லது முற்றாக அனைத்து கட்சிகளும் தேர்தலை புறக்கணிப்பது குறித்து முடிவு செய்வோம்” என்றார்.

தொடர்ந்து பேசிய அவர், “ஆர்.கே.நகரில் எம்.எல்.ஏ.வாக இருந்தவர் ஒரு வாரத்துக்கு முன்னர் தான் ராஜி னாமா செய்கிறார். உடனடியாக தேர்தல் ஆணையம் தேர்தலை அறிவிக்கிறது. அதற்குள் எப்படி தேர்தலுக்கு கட்சிகள் தயாராக முடியும்? இந்தியாவில் ஜனநாயகத்தை பாதுகாக்க வேண்டியது தேர்தல் ஆணையத்தின் கடமை. ஆனால் அதை விடுத்து எதிர்கட்சிகளை முடக்கி, ஆளுங்கட்சிக்கு ஆதரவாக செயல்படுவது எப்படி சரியாக இருக்க முடியும்?“ என்றார்.

“ஜெயலலிதா பதவி இழந்த போது, ஸ்ரீரங்கம் சட்டமன்ற தேர்தல் குறித்து ஏன் அறிவிக்கவில்லை என கேட்டபோது மவுனம் சாதித்த தேர்தல் ஆணையம், இப்போது ஆர்.கே.நகரில் கண் மூடி திறப்பதற்குள் தேர்தலை அறிவிப்பது ஏன்? அண்மையில் தமிழகத்தில் 10ம் வகுப்பு தேர்தல் முடிவுகள் வெளியானது. இதில் வழக்கத்துக்கு மாறாக தேர்ச்சி விகிதாச்சாரம் மட்டுமல்லாது, முதல் மூன்று இடங்களை பிடித்தவர் களின் எண்ணிக்கை, அறிவியல் பாடத்தில் 100க்கு 100 மதிப்பெண் பெற்றவர்களின் எண்ணிக்கை பன்மடங்கு அதிகரித்துள்ளது. 

குறிப்பாக அறிவியிலில் 100க்கு 100 மதிப்பெண் பெற்றவர்கள் ஒன்றரை லட்சத்துக்க்கும் அதிகம். தமிழகத் தின் கல்வி நிலையை எடுத்துக்காட்டும் வகையில் இந்த முடிவுகள் இல்லை. இந்தியாவில் வேறு எந்த மாநிலத்திலும் எங்கும் இத்தனை மாணவர்கள் அறிவியலில் 100க்கு 100 மதிப்பெண் பெற்றதாக எந்த புள்ளிவிவரமும் இல்லை. இதில் கல்வித்துறையின் விளையாட்டு அதிகம் அடங்கியிருக்கிறது. எதையோ மறைக்க இதை செய்துள்ளார்கள் என தோன்றுகிறது. 

தமிழகத்தில் இருந்து இந்திய அளவில் நடக்கும் பல பொதுத்தேர்வுகளில் பெரிய அளவு வெற்றி பெற வில்லை. நம்மை நாமாக ஏமாற்றுபவையாக இது இருக்கும். எதிர்காலத்தில் மாணவர்களின் ஒட்டுமொத்த திறனை குறைக்க இந்த முறை வழிவகுத்து விடும். எனவே உண்மை நிலையை கண்டறிய பொது அமைப்பை கொண்டு விசாரித்து, மறுமதிப்பீடு செய்ய வேண்டும். 

சொத்துக்குவிப்பு வழக்கில் தீர்ப்பில் கொடுக்கப்பட்டுள்ள புள்ளிவிவரங்கள், கணக்கில் மிகப்பெரிய தவறு நடந்திருக்கிறது என்பதை சட்ட வல்லுனர்கள், சமூக ஆர்வலர்கள், பத்திரிகையாளர்கள் சுட்டிக்காட்டிய பிறகும்கூட இன்னும் கர்நாடகா அரசு மேல்முறையீடு செய்ய தயங்குகிறது. தனது தார்மீக கடமையை நிறைவேற்ற வேண்டிய அரசு மேல்முறையீடு செய்ய தயங்குவது ஜனநாயகத்துக்கு இழைக்கப்படும் குந்தகம் ஆகும். 

நீதித்துறைக்கு ஏற்பட்டுள்ள அவநம்பிக்கையை போக்க கர்நாடக அரசு மேல்முறையீடு செய்ய வேண்டும். தேவையில்லாமல் காலம் தாமதிப்பது பல்வேறு வகையிலான யூகங்களுக்கு வழிவகுக்கும். ஜெயலலிதா நீதிபதி குன்ஹா அளித்த தீர்ப்பின் அடிப்படையில் பதவி இழந்தார். அதை அரசிதழில் வெளியிடவும், தேர்தல் ஆணையத்தில் அறிவிக்கவும் பல மாதம் எடுத்துக்கொண்டது தமிழக அரசு. ஆனால் ஆர்.கே.நகர் தொகுதியில் உடனே தேர்தல் தேதி அறிவிக்கிறது. இது கண்டிக்கத்தக்கது” என்றார்.

அனைவருக்கும் கல்வி உரிமை சட்டத்தின் கீழ் பள்ளிகளில் சேர்க்கப்பட்ட மாணவர்கள் விவரம் வெளியிட வேண்டும் டாக்டர் கிருஷ்ணசாமி எம்.எல்.ஏ. பேட்டி.....

அனைவருக்கும் கல்வி உரிமை சட்டத்தின் கீழ் பள்ளிகளில் சேர்க்கப்பட்ட மாணவர்கள் விவரம் வெளியிட வேண்டும் என்று புதிய தமிழகம் கட்சி நிறுவனர் தலைவர் டாக்டர் கிருஷ்ணசாமி தெரிவித்து உள்ளார்.

இதுகுறித்து அவர் நேற்று மதியம் தூத்துக்குடியில் உள்ள ஒரு ஓட்டலில் நிருபர்களுக்கு பேட்டி அளித்தார். அப்போது கூறியதாவது:–

மாநாடு
தமிழ்நாட்டில் சாதி மறுப்பு திருமணம் செய்து கொண்டவர்களை தாக்குவது, அவர்களுக்கு எதிராக வன்கொடுமைகளை ஏவி விடுவது போன்ற காரணங்களால் 150–க்கும் மேற்பட்ட கவுரவ கொலைகள் நடந்து உள்ளன. மத்திய, மாநில அரசுகள் இது போன்ற கவுரவ கொலைகளை தடுக்க வலுவான சட்டம் இயற்ற வேண்டும் என்று வலியுறுத்தி வருகிறோம். ஆனாலும் அரசுகள் இதன் முக்கியத்துவத்தை உணர்ந்ததாக தெரியவில்லை.

எனவே இதுகுறித்து பொதுமக்கள் மத்தியில் தெரிவிக்கும் வகையிலும், மத்திய– மாநில அரசுகளுக்கு இதை பற்றிய ஒரு சிந்தனையை தூண்டும் வகையிலும் தேசிய அளவிலான ஒரு மாநாட்டை சென்னையில் ஆகஸ்டு மாதம் 6–ந் தேதி புதிய தமிழகம் கட்சி சார்பில் நடத்த உள்ளோம்.

வெள்ளை அறிக்கை
இந்திய அளவில் 2010–ம் ஆண்டு கல்வி உரிமை சட்டம் கொண்டு வரப்பட்டது. இந்த சட்டத்தின் படி தனியார் பள்ளிகளில் 25 சதவீதம் ஏழை, எளிய மாணவர்களை சேர்க்க வேண்டும். கடந்த வாரம் இந்த கல்வி உரிமை சட்டத்தின் கீழ் சேர்க்கப்பட்ட மாணவர்களுக்கு ரூ.95 கோடி ஒதுக்கப்பட்டு உள்ளது. எனவே ரூ.95 கோடியை அரசு, தனியார் பள்ளிகளுக்கு கொடுக்கும் பட்சத்தில், எந்தெந்த பள்ளியில், எவ்வளவு மாணவர்கள், எந்தெந்த வகுப்பில் சேர்க்கப்பட்டு உள்ளனர் என்று அரசு வெள்ளை அறிக்கை வெளியிட வேண்டும்.

முதல்–அமைச்சர் ஜெயலலிதா மீதான சொத்து குவிப்பு வழக்கு தீர்ப்பை எதிர்த்து கர்நாடக அரசு மேல்முறையீடு செய்ய வேண்டும்.

இவ்வாறு புதிய தமிழகம் கட்சி நிறுவனர் தலைவர் டாக்டர் கிருஷ்ணசாமி கூறினார்.

சாதி மறுப்புத் திருமண பாதுகாப்பு சட்டம் அவசியம்: புதிய தமிழகம் கட்சி நிறுவனர் .க. கிருஷ்ணசாமி,,M .D .M .L .A.,..,

சாதி மறுப்புத் திருமண பாதுகாப்பு சட்டம் அவசியம்: புதிய தமிழகம் கட்சி நிறுவனர் .க. கிருஷ்ணசாமி,,M .D .M .L .A.,..,சாதி மறுப்புத் திருமணம் செய்பவர்களைப் பாதுகாக்க மத்திய, மாநில அரசுகள் தனிச் சட்டம் இயற்ற வேண்டும் என, புதிய தமிழகம் கட்சித் தலைவர் டாக்டர் க. கிருஷ்ணசாமி எம்.எல்.ஏ. தெரிவித்தார்.
மதுரையில் ஞாயிற்றுக்கிழமை அவர் செய்தியாளர்களிடம் கூறியதாவது: 

சாதி மறுப்பு திருமணம் செய்து கொள்வோர் மீதான தாக்குதல்கள் தமிழகத்தில் அதிகரித்து வருகிறது. இதில், தாழ்த்தப்பட்ட  இளைஞர்கள்தான் அதிகம் பாதிக்கப்படுகின்றனர். கடந்த ஓராண்டில் சாதி மறுப்பு திருமணம் செய்து கொண்ட 105 பேர் கொல்லப்பட்டுள்ளனர்.
சாதி மறுப்புத் திருமணம் என்பது சட்டப்படி அங்கீகரிக்கப்பட்டுள்ளது.
எனவே, தமிழக அரசும், மத்திய அரசும் சாதி மறுப்பு திருமண பாதுகாப்புச் சட்டத்தை நிறைவேற்ற வேண்டும். இதை வலியுறுத்தி சென்னையில் புதிய தமிழகம் கட்சி சார்பில் ஆகஸ்ட் 6-ஆம் தேதி மாநாடு நடத்தப்படும்.
அரசு விளம்பரங்களில் குடியரசு தலைவர், பிரதமர், தலைமை நீதிபதி ஆகியோரின் புகைப்படங்கள் மட்டுமே இடம் பெற வேண்டும், முதலமைச்சர்கள் படங்களை வைக்கக் கூடாது என்ற உச்ச நீதிமன்ற தீர்ப்பை புதிய தமிழகம் வரவேற்கிறது. இந்த தீர்ப்பை தமிழக அரசு பின்பற்ற வேண்டும்
என்றார்.

தீண்டாமைக்கு எதிராக கம்யூனிஸ்ட் இயக்கமும் இணைந்து போராட வேண்டும்: டாக்டர்.கே.கிருஷ்ணசாமி..,,M .D .M .L .A.,.............

......................................வரலாற்றில் கரும்புள்ளியாக இருக்கும் தீண்டாமைக்கு முடிவு கட்டும் போராட்டத்தில் தீண்டாமை ஒழிப்பு முன்னணியோடு கம்யூனிஸ்ட் இயக்கமும் இணைந்து போராட வேண்டும் எனவும், அதற்கு புதிய தமிழகம் உறுதுணையாக நிற்கும் என டாக்டர் கே.கிருஷ்ணசாமி தெரிவித்தார்.

விருதுநகரில் தீண்டாமை ஒழிப்பு முன்னணியின் 2-வது மாநில மாநாடு ஞாயிற்றுக்கிழமை நடைபெற்றது. இதில், புதிய தமிழகம் கட்சியின் நிறுவனர் டாக்டர்.கே.கிருஷ்ணசாமி பங்கேற்று பேசியதாவது:

தீண்டாமை முன்னணி இயக்கம் தீண்டாமையை ஒழிக்க வேண்டும் என்பதற்காக செயல்பட்டு வருகிறது. இம்மண்ணில் தீண்டாமையை வேரோடு பிடுங்கி எறிய வேண்டும். இம்மண்ணில் தீண்டாமையை வேரோடு பிடுங்கி எறியும் லட்சிய பணியை மேற்கொள்வதில் புதிய தமிழகம் என்றும் உறுதுணையாக நிற்போம்.

இதில், பங்கேற்பதை சம்பிராயத்திற்காக இல்லாமல், சமுதாயத்தின் கடமையாக கருதி கலந்து கொண்டுள்ளேன். இதேபோல், தேசிய, மாநில அரசியல் கட்சியினர், ஜாதி ஒழிப்பு போராட்டங்களை முன்னெடுத்து போராடுவார்களா என்றால் இல்லை. ஆனால், எங்கும் இல்லாத அளவில், அதிக கௌரவக்கொலைகள் நடைபெறுகிறது. இது குறித்து சட்டப்பேரவையில் பேசினால், ஆதாரம் உள்ளதா என்கிறார்கள். அதிலும், தென்மாவட்டங்களில் தீண்டாமை அதிகமாக உள்ளது.

இதுவரையில் ஜாதி மறுப்பு திருமணம் செய்த 105 பேர் வரையில் கௌரவ கொலை செய்யப்பட்டுள்ளனர். அரசியல் கட்சியினர் முற்போக்கு பேசுவோம், ஆனால் ஜாதி மட்டும் இருக்க வேண்டும் என்கின்றனர். தமிழகத்தில் உள்ள ஒரு லட்சத்திற்கும் மேற்பட்ட கிராமங்கள் உள்ளன. அதில், 22 சதவீதம் கிராமங்களில் தீண்டாமையால் பாதிக்கப்படுகின்றனர். அதற்கு எதிராக நாங்கள் 1998ல் அதை எதிர்த்து போராட்டத்தில் ஈடுபட்டோம். சட்டப்பேரவையில் இரட்டை குவளை முறை உண்மை பதிவு செய்யப்பட்டது. தீண்டாமையின் மையப்பகுதியாக விருதுநகர் மாவட்டம் திகழ்கிறது. கொட்டகாச்சியேந்தல் கிராமத்தில் 10 ஆண்டுகளாக மனுத்தாக்கல் செய்யவிடாமல் அரசியல் அமைப்புக்கு எதிராக தடுத்ததை யாரும் மறக்க முடியாது.

தமிழகத்தில் தாழ்த்தப்பட்டோர் 25 சதவீதம் பேர் உள்ள நிலையில், தீண்டாமையை ஒழிக்க கடுமையாக வன்கொடுமைச் சட்டத்தை அமுலாக்கம் செய்ய அரசு நடவடிக்கை எடுக்க வேண்டும். இச்சட்டம் குறித்து மைய, மாநில அரசு தாழ்த்தப்பட்டவர்களுக்கு விழிப்புணர்வு ஏற்படுத்த வேண்டும் என்கிறது. அதை எந்த அரசும் செய்வதில்லை. எனவே வரலாற்றில் கரும்புள்ளியாக இருக்கும் தீண்டாமைக்கு முடிவு கட்ட வேண்டும். அதற்கு தீண்டாமை ஒழிப்பு முன்னணி இயக்கத்தோடு, கம்யூனிஸ்ட் இயக்கமும் இணைந்து போராட வேண்டும் எனவும், அதற்கு உறுதுணையாக புதிய தமிழகம் நிற்போம் என அவர் தெரிவித்தார்.

தென் தமிழகத்தில் 3 மாதத்தில் 66 கொலைகள்: தமிழக அரசை கலைக்கவேண்டும் - டாக்டர் .கிருஷ்ணசாமி..M .D .M .L..A .,

மதுரை: தென் தமிழகத்தில் கடந்த மூன்று மாதங்களில் 66 கொலைகள் நடந்துள்ளதாக புதிய தமிழகம் கட்சித் தலைவர் கிருஷ்ணசாமி அதிர்ச்சி தகவலை வெளியிட்டுள்ளார். தமிழகத்தில் சட்டம் ஒழுங்கு கெட்டுப்போய்விட்டதாகவும் அவர் குற்றம் சாட்டியுள்ளார். மதுரையில் இன்று செய்தியாளர்களிடம் பேசிய அவர், "தமிழகத்தில் சட்டம், ஒழுங்கு சரியில்லை. தென் தமிழகத்தில் கடந்த மூன்று மாதங்களில் 66 கொலைகள் நடந்துள்ளன. இதில் 26 பேர் தேவேந்திரர் சமுதாயத்தை சேர்ந்தவர்கள். இதில் நாடார், யாதவர் சமூகத்தை சேர்ந்தவர்களும் அடங்கும். அதிகாரிகள் துணையோடு இந்த கொலைகள் நடந்துள்ளதால் தமிழக அரசு கலைக்கப்பட வேண்டுமென்று ஆளுனரிடம் மனு கொடுக்க போகிறேன். இந்த கொலைகளுக்கு பின்னால் இருக்கும் பின்னணி பற்றி விசாரிக்க சிறப்பு விசாரணை குழு அமைக்க நீதிமன்றத்தில் முறையிடப் போகிறேன்" என்றார்.

• 
  

டாக்டர் .கிருஷ்ணசாமியுடன் சந்திப்பு: உலகம் சுற்றியதுதான் மோடியின் சாதனை- வைகோ பேட்டி.

.புதிய தமிழகம் கட்சி தலைவர் டாக்டர் கிருஷ்ணசாமி இன்று காலை 10.30 மணிக்கு ம.தி.மு.க. பொதுச் செயலாளர் வைகோவை கட்சி தலைமை அலுவலகமான தாயகத்தில் சந்தித்தார்.

பின்னர் வைகோவும் டாக்டர் கிருஷண்சாமியும் நிருபர்களை சந்தித்தார்கள். அப்போது கிருஷ்ணசாமி கூறியதாவது:–

தமிழர்கள் நலம் சார்ந்த பிரச்சினைகளில் ஒன்று சேர வேண்டும் என்பதற்காக கட்சி தலைவர்களை சந்தித்து வருகிறேன். சமீபத்தில் தி.மு.க. தலைவர் கருணாநிதி, த.மா.கா. தலைவர் ஜி.கே.வாசன் ஆகியோரை சந்தித்தேன்.

இன்று ம.தி.மு.க. தலைவர் வைகோவை சந்தித்து இருக்கிறேன். ஈழத் தமிழர் நலம் உள்பட தமிழர்களின் அனைத்து பிரச்சினைகளுக்கும் ஆதரவு அளிப்பதாக வைகோ கூறியுள்ளார்.

இவ்வாறு கிருஷ்ணசாமி கூறினார்.

பின்னர் வைகோவிடம் கேட்கப்பட்ட கேள்விகளும் அதற்கு அவர் அளித்த பதில்களும் வருமாறு:–

கேள்வி:– தி.மு.க. பொருளாளர் மு.க.ஸ்டாலின் உங்களை சந்தித்த பிறகு, சட்டசபை தேர்தலில் அனைத்து எதிர்க்கட்சிகளும் ஒரே அணியில் சேர வாய்ப்பு உள்ளது என்று கூறி இருக்கிறாரே?

பதில்:– எங்கள் சந்திப்பின் போது அரசியல் குறித்து பேசவில்லை. தேர்தல் குறித்தும் பேசவில்லை. நிருபர்கள் கேட்ட கேள்விக்கு மு.க.ஸ்டாலின் தனது கருத்தை கூறி இருக்கிறார். தேர்தல் நேரத்தில்தான் கூட்டணி பற்றி முடிவு செய்யப்படும்.

கே:– ஜெயலலிதா வழக்கு தீர்ப்பு குறித்து மேல் முறையீடு செய்ய வாய்ப்பு இருக்கிறதா?

ப:– கர்நாடக அரசு மேல்முறையீடு செய்ய இருப்பதாக வக்கீல் ஆச்சார்யா கூறியுள்ளார்.

கே:– சட்டசபை தேர்தலுக்கு ம.தி.மு.க. தயாராக உள்ளதா?

ப: மக்களுக்காக ம.தி.மு.க. உள்ளது. கடந்த தேர்தலை புறக்கணித்தோம். தேர்தலுக்கு தனியாக ஏற்பாடு எதுவும் செய்யவில்லை.

கே: ஆர்.கே. நகரில் ம.தி.மு.க. போட்டியிடுமா?

ப: அது குறித்து எந்த முடிவும் செய்யவில்லை.

கே: பிரதமர் மோடியின் ஓராண்டு சாதனை பற்றி?

ப: உலகம் சுற்றும் நரேந்திரமோடி.

இவ்வாறு வைகோ கூறினார்.

— Anand Mba உடன்

அரசியல் நோக்கத்திற்கான சந்திப்பு அல்ல: வாசன் - டாக்டர்.கிருஷ்ணசாமி கூட்டாக பேட்டி....

அரசியல் நோக்கத்திற்கான சந்திப்பு அல்ல: வாசன் - டாக்டர்.கிருஷ்ணசாமி கூட்டாக பேட்டி....சென்னை, ஆழ்வார்பேட்டையில் உள்ள தமிழ் மாநில காங்கிரஸ் கட்சி அலுவலகத்தில் அக்கட்சியின் தலைவர் ஜி.கே.வாசனை, புதிய தமிழகம் கட்சி நிறுவன தலைவர் டாக்டர் கிருஷ்ணசாமி புதன்கிழமை காலை சந்தித்து பேசினார். இந்த சந்திப்பு சுமார் ½ மணி நேரம் நடந்தது.

இந்த சந்திப்பு குறித்து ஜி.கே.வாசன் நிருபர்களிடம் கூறியதாவது:–

தமிழகத்தின் ஒட்டு மொத்த நலன் காக்க தமிழக அரசியல் தலைவர்கள் அனைவரையும் சந்தித்து டாக்டர் கிருஷ்ணசாமி பேசி வருகிறார். இந்த சந்திப்பில் அரசியல் நோக்கம் இல்லை. தமிழக மக்களின் பிரச்சனையில் அனைத்து தலைவர்களும் ஒருமித்த கருத்தோடு தமிழகத்துக்கு நியாயமான தீர்வு பெற ஒன்று சேர உள்ளோம். டாக்டர் கிருஷ்ணசாமியின் இந்த நல்ல முயற்சி வரவேற்கத்தக்கது.

சமீப காலமாக தமிழக மக்களுக்கு அண்டை மாநிலம் மற்றும் அருகில் உள்ள நாடால் அச்சுறுத்தல் ஏற்பட்டு வருகிறது. விவசாயிகள், மீனவர்கள் பாதிக்கப்பட்டு வருகிறார்கள். இதற்காக அரசியலுக்கு அப்பாற்பட்டு தமிழகத்தின் அனைத்து தலைவர்களும் ஒன்று சேர்ந்து குரல் கொடுக்க வேண்டும். இவ்வாறு தலைவர் கூறினார்.

பின்னர் டாக்டர் கிருஷ்ணசாமி கூறும்போது, தி.மு.க. தலைவரை நேற்று சந்தித்தேன். அதே போல் த.மா.கா. தலைவர் ஜி.கே.வாசனை இன்று சந்தித்து உள்ளேன். இந்த சந்திப்பு அரசியல் நோக்கத்திற்கான சந்திப்பு அல்ல.

தேசிய அக்கறை மற்றும் தமிழகத்தின் நலனுக்காக நடந்த சந்திப்பு. தமிழகத்தில் அரசியல் தலைவர்களுக்கிடையே நல்லிணக்கத்தை உருவாக்க முயற்சி செய்து வருகிறேன். தமிழகத்தின் குரல் ஒருங்கிணைந்து ஒலிக்க வேண்டும். இதற்கு தமிழகத்தில் உள்ள அனைத்து தலைவர்களும் முழு ஒத்துழைப்பு அளிக்க வேண்டும் என்றார்.

கட்சிகளை ஒருங்கிணைக்கும் முயற்சி: டாக்டர்.கிருஷ்ணசாமிக்கு ஜி.கே.வாசன் பாராட்டு.

தமிழகத்தின் நலன்களுக்காக எல்லா கட்சிகளையும் ஒருங் கிணைக்கும் டாக்டர் கிருஷ்ணசாமி யின் முயற்சிக்கு தமாகா தலைவர் ஜி.கே.வாசன் பாராட்டு தெரிவித்து உள்ளார்.

திமுக தலைவர் கருணாநிதியை புதிய தமிழகம் கட்சித் தலைவர் டாக்டர் கிருஷ்ணசாமி, நேற்று முன்தினம் சந்தித்துப் பேசினார். பின்னர் நிருபர்களிடம் கிருஷ்ணசாமி கூறும் போது, ‘‘ஈழத் தமிழர்களுக் காக ‘டெசோ’ என்ற தனி அமைப்பு இருப்பதுபோல தமிழகத்தின் பிரச்சினை களுக்காக அரசியலை மறந்து போராட தனி அமைப்பு தொடங்கு வது குறித்து இருவரும் விவாதித் தோம்’’ என தெரிவித்திருந்தார்.

இந்நிலையில், தமாகா தலைவர் ஜி.கே.வாசனை சென்னை ஆழ்வார்பேட்டையில் உள்ள அவரது கட்சி அலுவலகத்தில் டாக்டர் கிருஷ்ணசாமி நேற்று சந்தித்துப் பேசினார். இருவரும் சுமார் அரை மணி நேரம் தனியாக ஆலோசனை நடத்தினர்.

இந்த சந்திப்பு குறித்து நிருபர்களிடம் வாசன் கூறும் போது, ‘‘இதில் அரசியல் எதுவும் இல்லை. தமிழகத்தின் நலனுக்காக ஒருங்கிணைந்து செயல்பட அனைத்து அரசியல் கட்சித் தலைவர்களையும் டாக்டர் கிருஷ்ணசாமி சந்தித்து பேசி வருகிறார். தமிழகத்தின் வாழ்வாதாரப் பிரச்சினை களுக்காக அனைவரும் ஒரு சேர குரல் கொடுத்து தீர்வு காண வேண் டும் என்பதே தமாகாவின் நிலைப் பாடு. சமீபகாலமாக அண்டை மாநிலங்களுடன் தமிழகம் பல பிரச்சினைகளை சந்தித்து வரு கிறது. இலங்கை கடற்படையால் தமிழக மீனவர்களுக்கு அச்சுறுத் தல் ஏற்பட்டுள்ளது. இந்தச் சூழ் நிலையில் டாக்டர் கிருஷ்ணசாமியின் முயற்சி பாராட்டத்தக்கது’’ என்றார்.

டாக்டர் கிருஷ்ணசாமி கூறும்போது, ‘‘தமிழகத்தின் நலனுக்காக கருணா நிதி, வாசனை சந்தித்துப் பேசியுள் ளேன். இது அரசியலுக்கான சந்திப்பு அல்ல. தமிழக அரசியல் தலைவர்களிடையே நல்லிணக்கத்தை ஏற்படுத்த முயற்சி செய்து வருகிறேன். மற்ற மாநிலங்களைப்போல முக்கியப் பிரச்சினைகளில் தமிழகத்தின் குரல் ஒருங்கிணைந்து ஒலிக்க வேண்டும். எனது முயற்சிக்கு அனைவரும் ஒத்துழைக்க வேண்டும்’’ என்றார்.

அனைத்து கட்சிகளை ஒருங்கிணைக்கும் முயற்சி: டாக்டர்.கிருஷ்ணசாமிக்கு ஜி.கே.வாசன் பாராட்டு...

சென்னை: தமிழ் மாநில காங்கிரஸ் கட்சியின் தலைவர் ஜி.கே.வாசனை, புதிய தமிழகம் கட்சியின் நிறுவனர் டாக்டர் கிருஷ்ணசாமி இன்று சந்தித்தார். புதிய தமிழகம் கட்சித் தலைவர் டாக்டர் கிருஷ்ணசாமி. நேற்று திமுக தலைவர் கருணாநிதியைச் சந்தித்தார். இன்று ஜி.கே. வாசனை அவர் சந்தித்துப் பேசினார். சென்னை, ஆழ்வார்பேட்டையில் உள்ள தமிழ் மாநில காங்கிரஸ் கட்சி அலுவலகத்தில் அக்கட்சியின் தலைவர் ஜி.கே.வாசனை, டாக்டர் கிருஷ்ணசாமி இன்று காலை நேரில் சந்தித்துப் பேசினார். இந்த சந்திப்பு சுமார் அரை மணி நேரம் நடந்தது. சந்திப்புக்குப் பின்னர் இருவரும் கூட்டாக செய்தியாளர்களைச் சந்தித்தனர். அப்போது, ஜி.கே.வாசன் கூறியதாவது:- தமிழகத்தின் ஒட்டு மொத்த நலன் காக்க தமிழக அரசியல் தலைவர்கள் அனைவரையும் சந்தித்து டாக்டர் கிருஷ்ணசாமி பேசி வருகிறார். இந்த சந்திப்பில் அரசியல் நோக்கம் இல்லை. தமிழக மக்களின் பிரச்சனையில் அனைத்து தலைவர்களும் ஒருமித்த கருத்தோடு தமிழகத்துக்கு நியாயமான தீர்வு பெற ஒன்று சேர உள்ளோம். டாக்டர் கிருஷ்ணசாமியின் இந்த நல்ல முயற்சி வரவேற்கத்தக்கது. சமீப காலமாக தமிழக மக்களுக்கு அண்டை மாநிலம் மற்றும் அருகில் உள்ள நாடால் அச்சுறுத்தல் ஏற்பட்டு வருகிறது. விவசாயிகள், மீனவர்கள் பாதிக்கப்பட்டு வருகிறார்கள். இதற்காக அரசியலுக்கு அப்பாற்பட்டு தமிழகத்தின் அனைத்து தலைவர்களும் ஒன்று சேர்ந்து குரல் கொடுக்க வேண்டும்' என்றார். அதனைத் தொடர்ந்து பேசிய டாக்டர் கிருஷ்ணசாமி, ‘தி.மு.க. தலைவரை நேற்று சந்தித்தேன். அதே போல் த.மா.கா. தலைவர் ஜி.கே.வாசனை இன்று சந்தித்து உள்ளேன். இந்த சந்திப்பு அரசியல் நோக்கத்திற்கான சந்திப்பு அல்ல. தேசிய அக்கறை மற்றும் தமிழகத்தின் நலனுக்காக நடந்த சந்திப்பு. தமிழகத்தில் அரசியல் தலைவர்களுக்கிடையே நல்லிணக்கத்தை உருவாக்க முயற்சி செய்து வருகிறேன். தமிழகத்தின் குரல் ஒருங்கிணைந்து ஒலிக்க வேண்டும். இதற்கு தமிழகத்தில் உள்ள அனைத்து தலைவர்களும் முழு ஒத்துழைப்பு அளிக்க வேண்டும்' என்றார்.

கருணாநிதி-டாக்டர் கிருஷ்ணசாமி சந்திப்பு: தமிழக பிரச்சினைகளுக்காக புதிய கூட்டமைப்பு தொடக்கமா?

திமுக தலைவர் கருணாநிதியை அவரது கோபாலபுரம் இல்லத்தில் புதிய தமிழகம் கட்சித் தலைவர் டாக்டர் கிருஷ்ணசாமி நேற்று சந்தித்துப் பேசினார். சுமார் அரை மணி நேரம் இந்த சந்திப்பு நடந்தது.

அதன்பிறகு நிருபர்களிடம் டாக்டர் கிருஷ்ணசாமி கூறியதாவது:

மூத்த அரசியல் தலைவர் கருணாநிதியை சந்தித்து தமிழகத் தின் முக்கிய பிரச்சினைகள், நடப்பு அரசியல் நிலவரம் குறித்து பேசினேன். காவிரி, முல்லை பெரி யாறு பிரச்சினைகள், ஆந்திரத்தில் 20 தமிழர்கள் சுட்டுக் கொலை என அண்டை மாநிலங்களால் தமிழகம் வஞ்சிக்கப்படுகிறது. தமிழக அரசின் செயலற்ற தன்மையால் அனைத்து தரப்பினரும் பாதிக்கப் பட்டுள்ளனர். இது தொடர்பாக இருவரும் விவாதித்தோம்.

ஈழத் தமிழர்களுக்காக ‘டெசோ’ அமைப்பு உள்ளது. அதுபோல தமிழக பிரச்சினைகளுக்காக அரசியலை மறந்து இணைந்து செயல்பட புதிய கூட்டமைப்பு தொடங்குவது குறித்தும் பேசினோம். தேர்தல் கூட்டணி குறித்து எதுவும் பேசவில்லை. அதுகுறித்து தேர்தல் நேரத்தில் பேசுவதுதான் சரியாக இருக்கும்.

தமிழகத்தில் அரசு ஊழியர்கள் தற்கொலை செய்துகொள்வது தொடர்கதையாகி வருகிறது. இதற்கு காரணமானவர்கள் மீது கடும் நடவடிக்கை எடுக்க வேண் டும்.

இவ்வாறு கிருஷ்ணசாமி கூறினார்.

விஜயகாந்த் தலைமையில் எதிர்க்கட்சித் தலைவர்கள் பிரதமர் மோடியை சந்தித்தது குறித்து கேட்டபோது, ‘‘தமிழர் பிரச்சினை களுக்காக எதிர்க் கட்சிகளை ஒருங்கிணைக்கும் பணியில் யார் ஈடுபட்டாலும் வரவேற்கத் தக்கதே’’ என்றார் டாக்டர் கிருஷ்ணசாமி.

கருணாநிதியுடன் டாக்டர் கிருஷ்ணசாமி சந்திப்பு அரசியல் சார்பற்ற புதிய இயக்கத்திற்கு ஆதரவு கேட்டார்...

சென்னை,
தி.மு.க. தலைவர் கருணாநிதியை புதிய தமிழகம் கட்சியின் தலைவர் டாக்டர் கிருஷ்ணசாமி நேற்று சந்தித்து பேசினார். அப்போது, அரசியல் சார்பற்ற புதிய இயக்கத்திற்கு ஆதரவு கேட்டார்.
கருணாநிதியுடன் சந்திப்புதி.மு.க. தலைவர் கருணாநிதியை சென்னை கோபாலபுரத்தில் உள்ள அவரது இல்லத்தில் நேற்று புதிய தமிழகம் கட்சி தலைவர் டாக்டர் கிருஷ்ணசாமி சந்தித்து பேசினார். காலை 10.30 மணிக்கு நடைபெற்ற இந்த சந்திப்பு சுமார் ஒரு மணி நேரம் நீடித்தது.
பின்னர் வெளியே வந்த டாக்டர் கிருஷ்ணசாமி நிருபர்களுக்கு பேட்டியளித்தார். அப்போது அவர் கூறியதாவது:–
அண்டை மாநில பிரச்சினைதமிழ்நாடு அண்டை மாநிலங்களுடன் பல்வேறு பிரச்சினைகளை சந்தித்து வருகிறது. ஆந்திராவுடன் பாலாற்றின் குறுக்கே அணை கட்டுவது மற்றும் செம்மர கடத்தல் பிரச்சினைகளையும், கர்நாடகாவுடன் காவிரியின் குறுக்கே அணை கட்டும் பிரச்சினையையும், கேரளாவுடன் முல்லைப்பெரியாறு பிரச்சினையையும் சந்தித்துள்ளது.
தமிழகத்தில் உள்ள அரசியல் கட்சிகள் இது தொடர்பாக போராட்டங்கள் நடத்துவதோடு விட்டுவிடுகின்றன. எனவே, தமிழர்கள் நலன் காக்க ஒருங்கிணைந்த அரசியல் சார்பற்ற அமைப்பு அவசியம் என்பதை உணர்ந்து புதிய இயக்கத்தை தொடங்கியுள்ளோம்.
கருணாநிதி ஆதரவுஅதற்கு ஆதரவு திரட்டும் வகையில் முதல் முயற்சியாக தி.மு.க. தலைவர் கருணாநிதியை சந்தித்து பேசினேன். அவரும் இந்த காலக்கட்டத்தில் இதுபோன்ற இயக்கம் அவசியம் என்று கூறி என்னை பாராட்டினார். தமிழகத்தில் உள்ள அரசியல் கட்சி தலைவர்களையும் தொடர்ந்து சந்தித்து ஆதரவு திரட்ட உள்ளேன்.
மத்திய அரசு கொண்டுவந்துள்ள போக்குவரத்து மற்றும் சாலை பாதுகாப்பு சட்டத்தால் பல்வேறு பாதிப்புகள் ஏற்படும். அண்டை மாநில பிரச்சினைகள் மட்டுமல்லாது இதுபோன்ற பிரச்சினைகளை எதிர்த்தும் புதிய இயக்கம் போராடும்.
இவ்வாறு அவர் கூறினார்.
அதனை தொடர்ந்து நிருபர்கள் கேட்ட கேள்விகளும், அதற்கு டாக்டர் கிருஷ்ணசாமி அளித்த பதில்களும் வருமாறு:–
தேர்தல் பற்றி பேசவில்லைகேள்வி:– தமிழகத்தில் விரைவில் சட்டமன்ற தேர்தல் வரவுள்ள நிலையில், அதுபற்றி எதுவும் பேசினீர்களா?.
பதில்:– புதிய இயக்கத்திற்கு ஆதரவு கேட்கத்தான் தி.மு.க. தலைவர் கருணாநிதியை சந்தித்தேன். தேர்தலுக்கு இன்னும் நாட்கள் இருக்கிறது.
கேள்வி:– புதிய இயக்கம் தொடங்குவதாக சொல்கிறீர்கள். செயல்பாடு எப்படி இருக்கும்?.
பதில்:– இந்த புதிய இயக்கத்தில் பிரச்சினைகளுக்கு சட்டப்படி தீர்வுகாண குழு அமைக்கப்படும். அவர்கள் சட்ட ரீதியாக நடவடிக்கை மேற்கொள்வார்கள்.
பதவி விலக வேண்டும்கேள்வி:– தமிழக ஆளுநர் பதவி விலக வேண்டும் என்று கூறியிருக்கிறீர்களே?.
பதில்:– தமிழகத்தில் சட்டத்தின் ஆட்சி நடைபெறவில்லை. மனித உரிமைகள் மீறப்படுகின்றன. அரசு அதிகாரிகளே கீழுள்ள அதிகாரிகளை மிரட்டி தற்கொலைக்கு தூண்டுகிறார்கள். தற்போது, அதிகாரிகளுக்கே பாதுகாப்பு இல்லை. எனவே, ஆட்சியாளர்களும், தமிழக ஆளுநரும் பதவி விலக வேண்டும்.
இவ்வாறு டாக்டர் கிருஷ்ணசாமி கூறினார்.

கோபாலபுரத்தில் கருணாநிதியுடன் கிருஷ்ணசாமி சந்திப்பு

புதிய தமிழகம் கட்சி தலைவர் டாக்டர் கிருஷ்ண சாமி தி.மு.க. தலைவர் கருணாநிதியை கோபால புரத்தில் அவரது வீட்டில் இன்று சந்தித்து பேசினார்.

இந்த சந்திப்பு முடிந்ததும் டாக்டர் கிருஷ்ணசாமி  நிருபர்களிடம் கூறியதாவது:–

தமிழகத்தில் அனைத்து தரப்பினரும் பாதிக்கப்பட்டுள்ளனர். முக்கியமாக காவிரி, முல்லைப் பெரியாறு, மேகதாது, செம்மரக் கடத்தல் பிரச்சனைகள் பற்றி பேசினோம்.

அனைத்து அரசியல் கட்சிகளையும் ஒருங்கிணைத்து தமிழர் நலன் காக்க புதிய அமைப்பை உருவாக்க திட்டமிட்டுள்ளேன். இதற்காக எல்லா கட்சி தலைவர்களையும் சந்திப்பேன். அ.தி.மு.க., தி.மு.க. உள்பட அனைத்து கட்சிகளும் ஓரணியில் திரள வேண்டும்.

இது தேர்தலுக்கான சந்திப்பு அல்ல, கூட்டணி என்பது தேர்தல் நேரத்தில் பேசுவது. அப்போது பேசுவது தான் சரியானது.

தமிழர் பிரச்சனைகளுக்காக கட்சிகளை ஒருங்கிணைக்கும் பணியில் யார் ஈடுபட்டாலும் வரவேற்கத்தக்கதுதான்.

இவ்வாறு அவர் கூறினார்.

கருணாநிதியுடன் டாக்டர் கிருஷ்ணசாமி திடீர் சந்திப்பு ஏன்?

சென்னை: திமுக தலைவர் கருணாநிதியை, புதிய தமிழகம் கட்சித் தலைவர் கிருஷ்ணசாமி இன்று திடீரென சந்தித்துப் பேசினார்.

சென்னை கோபாலபுரம் இல்லத்தில் நடந்த சந்திப்புக்கு பின்னர் செய்தியாளர்களிடம் பேசிய டாக்டர் கிருஷ்ணசாமி, தமிழர் நலன் சார்ந்த பல்வேறு விஷயங்கள் குறித்து,கருணாநிதியுடன் ஆலோசித்ததாக தெரிவித்தார்.
 
மேலும், தமிழகத்தில் ஈழத்தமிழர்களுக்காக உள்ள தனி அமைப்பு போல், மாநிலத்தின் பல்வேறு பிரச்னைகளுக்கும் இணைந்து செயல்படக்கூடிய விதத்தில் புதிய கூட்டமைப்பு ஒன்றை தொடங்குவது குறித்து பேசியதாக அவர் தெரிவித்தார்.
 
அரசு ஊழியர்கள் தற்கொலை தொடர்கதையாகி வருவதாகவும், இதனை தடுக்கத் தவறிய ஆட்சியாளர்கள் பதவி விலக வேண்டும் என்றும் டாக்டர் கிருஷ்ணசாமி வலியுறுத்தினார்.

தமிழக சட்டப்பேரவை தேர்தல் நெருங்கி வரும் நிலையில் கருணாநிதியை திடீரென டாக்டர்  கிருஷ்ணசாமி சந்தித்துப் பேசியிருப்பது, கூட்டணிக்கான அச்சாரம் என்றே கூறப்படுகிறது.

ஆளுநர் ரோசய்யாவை மாற்ற வேண்டும்: டாக்டர் கிருஷ்ணசாமி

சென்னையில் செய்தியாளர்களிடம் பேசிய அவர், செயலற்று கிடக்கும் தமிழக அரசு மீது நடவடிக்கை எடுக்காததால் தமிழக ஆளுநர் ரோசய்யாவை மாற்ற வேண்டும். தமிழகத்தை செம்மையாக்க, செழுமையாக்க வேண்டிய பொறுப்பு ஆளுநருக்கு உள்ளது. அண்டை மாநிலங்களால் தமிழகம் பல்வேறு பிரச்சனைகளை சந்தித்து வருகிறது. இதற்கு நிரந்தர குழு ஒன்றை அமைத்து பேச்சுவார்த்தை மூலம் பிரச்சனைகளை தீர்க்க வேண்டும். இதற்காக அனைத்து அரசியல் கட்சிகளை இணைத்து போராட புதிய தமிழகம் முடிவு செய்துள்ளது. முதல் கட்டமாக திமுக தலைவர் கலைஞரை சந்திக்கிறோம் என்றார்.

தமிழகத்தில் கடந்த ஓராண்டில்105 கவுரவ கொலைகள் நடைபெற்றுள்ளன: கிருஷ்ணசாமி பேட்டி...

தமிழகத்தில் கடந்த ஓராண்டில் மட்டும் சுமார் 105 கவுரவக் கொலைகள் நடைபெற்றுள்ளன என்று புதிய தமிழகம் கட்சி தலைவர் டாக்டர் கிருஷ்ணசாமி கூறியுள்ளார்.

புதிய தமிழகம் கட்சி தலைவர் கிருஷ்ணசாமி இன்று செய்தியாளர்களிடம் கூறியதாவது:

புதிய தமிழகம் கட்சியின் உயர்நிலைக்குழு கூட்டம் கடந்த சில நாட்களுக்கு முன்பு நடைபெற்றது. இந்த கூட்டத்தில் தமிழகத்தில் அரசியல் சார்பற்ற மக்கள் இயக்கம் ஒன்று உருவாக்கப்பட வேண்டும் என முடிவு செய்யப்பட்டுள்ளது. அனைத்து கட்சிப் பிரதிநிதிகளை உள்ளடக்கிய இந்த மக்கள் இயக்கம் மூலம் கேரளம் மற்றும் கர்நாடக மாநிலங்களில் கட்டப்பட்டு வரும் தடுப்பணைகள், மத்திய அரசின் மக்கள் விரோத சட்டங்களிலிருந்து தமிழகத்தை பாதுகாக்க நடவடிக்கை மேற்கொள்ளப்படும்.

இதற்காக ஆளும் மற்றும் எதிர்க்கட்சி தலைவர்கள் உட்பட அனைத்துக் கட்சி தலைவர்களை நேரில் சந்திக்க திட்டமிட்டுள்ளேன். அதன் அடிப்படையில் நாளை திமுக தலைவர் கருணாநிதியை சந்திக்க உள்ளேன்.

தமிழகத்தில் ஒரு சதவீதம் மட்டும்தான் சாதி மறுப்பு திருமணங்கள் நடைபெறுகின்றன. இதைக் கூட தாங்கிக்கொள்ள முடியாத குடும்ப உறுப்பினர்கள் கூலி ஆட்களை வைத்து கவுரவக் கொலைகளை செய்கின்றனர். கடந்த ஓராண்டில் 150 கவுரவக் கொலைகள் நடைபெற்றுள்ளன.

இவ்வாறு அவர் கூறினார்.