எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

திங்கள், 30 ஜனவரி, 2012

ஆளுநர் உரையில் எந்த புதிய செய்திகளுமே இல்லை: டாக்டர் கிருஷ்ணசாமி

ஆளுநர் உரையில் எந்த புதிய செய்திகளுமே இல்லை: டாக்டர் கிருஷ்ணசாமி




தமிழக சட்டப்பேரவையின் கூட்டத்தொடர் இன்று (30.01.2012) ஆளுநர் உரையுடன் தொடங்கியது.

கூட்டம் முடிந்ததும் செய்தியாளர்களிடம் பேசிய புதிய தமிழகம் கட்சியின் நிறுவனர் எம்எல்ஏ டாக்டர் கிருஷ்ணசாமி,

இன்று ஆளுநர் ரோசய்யா அவர்களின் உரையில், தமிழ்நாட்டில் இந்த ஆட்சி பொறுப்பேற்று 9 மாதங்கள் ஆகின்ற நிலையிலும் தொடரும் மின்வெட்டு, தானே புயலால் ஏற்பட்ட பாதிப்பு, கூடங்குளம் அணுமின் நிலையம், முல்லைப் பெரியாறு அணை பிரச்சனை போன்றவற்றிற்கு ஒரு தீர்வு காணக் கூடிய வகையில் எந்த புதிய செய்திகளுமே இதில் இல்லை என்றார்.

சனி, 28 ஜனவரி, 2012

கோவில்பட்டி நெல்லைக்கு 16 ஆண்டுகளாக நிறுத்தப்பட்டு இருந்த அரசு பஸ் மீண்டும் இயக்கம்


சனி, 21 ஜனவரி, 2012

பசுபதி பாண்டியன் கொலை வழக்கு: சி.பி.ஐ விசாரணை தேவை: கிருஷ்ணசாமி

பசுபதி பாண்டியன் கொலை வழக்கு: சி.பி.ஐ விசாரணை தேவை: கிருஷ்ணசாமி


சென்னை, ஜன. 20: பசுபதி பாண்டியன் கொலை வழக்கை சி.பி.ஐ.க்கு மாற்ற வேண்டும் என்று புதிய தமிழகம் கட்சியின் தலைவர் டாக்டர் கிருஷ்ணசாமி கோரிக்கை விடுத்துள்ளார்.  இது குறித்து சென்னையில் செய்தியாளர்களிடம் வெள்ளிக்கிழமை அவர் கூறியது:  2001-க்குப் பிறகு தமிழகம், குறிப்பாக தென் மாவட்டங்கள் சமூக நல்லிணக்கத்தோடு அமைதிப் பூங்காவாக இருந்தது. அதற்கு குந்தகம் விளைவிக்கும் வகையில் தேவேந்திரகுல வேளாளர் கூட்டமைப்பின் தலைவர் பசுபதி பாண்டியனை சமூக விரோதிகள் படுகொலை செய்துள்ளனர். இந்தச் சம்பவத்தில் தொடர்புடைய உண்மையான குற்றவாளிகள் இதுவரை கைது செய்யப்படவில்லை. எனவே, இந்த வழக்கை சி.பி.ஐ.க்கு மாற்ற வேண்டும். கடந்த 6 மாத அதிமுக ஆட்சியில் பல அதிகார மையங்கள் இருந்தன. அவர்கள் மீது முதல்வர் ஜெயலலிதா நடவடிக்கை எடுத்து வருகிறார். எனவே, இனி தமிழகத்தில் சட்டம் - ஒழுங்கு நிலைமை சீராகும்.  கடலூர், விழுப்புரம் மாவட்டங்களில் "தானே' புயலால் பாதிக்கப்பட்ட குடிசைவாழ் மக்களுக்கு ரூ. 20 ஆயிரம், நெல் பயிரிட்டிருந்த விவசாயிகளுக்கு ஏக்கருக்கு ரூ. 15 ஆயிரம், முந்திரி, பலா, தென்னை விவசாயிகளுக்கு ஏக்கருக்கு ரூ. 1 லட்சம் நிவாரணம் வழங்க வேண்டும்.  சங்கரன்கோவில் இடைத்தேர்தலில் எங்கள் கட்சியின் ஆதரவு யாருக்கு என்பது குறித்து இதுவரை எந்த முடிவும் எடுக்கவில்லை என்றார் கிருஷ்ணசாமி.

பசுபதி பாண்டியன் கொலை வழக்கை சிபிஐக்கு மாற்ற வேண்டும் ?


புதிய தமிழகம் கட்சித் தலைவர் கிருஷ்ணசாமி தேவேந்திர குல வேளாளர் கூட்டமைப்பு தலைவர் பசுபதி பாண்டியன் படுகொலை செய்யப்பட்டுள்ளார். இதில் உண்மையான குற்றவாளிகளை இதுவரை போலீசார் கைது செய்யவில்லை.
இந்த வழக்கை சிபிஐக்கு மாற்ற வேண்டும். தமிழகத்தில் சட்டம், ஒழுங்கு நிலை கவலை அளிப்பதாக உள்ளது. முதல்வர் நடவடிக்கை எடுத்து சரி செய்வார் என்று நம்புகிறேன் என அவர் கூறினார்.

பசுபதி பாண்டியன் கொலை உண்மை குற்றவாளிகளை கைது செய்ய வேண்டும்




சென்னை : பசுபதி பாண்டியன் கொலை வழக்கில் உண்மை குற்றவாளிகளை கைது செய்ய வேண்டும் என்று டாக்டர் கிருஷ்ணசாமி கோரிக்கை விடுத்துள்ளார். புதிய தமிழகம் கட்சித் தலைவர் டாக்டர் கிருஷ்ணசாமி நேற்று நிருபர்களுக்கு அளித்த பேட்டி: புயலால் பாதிக்கப்பட்ட கடலூர், விழுப்புரம் உள்ளிட்ட மாவட்டங்களில் பாதிக்கப்பட்டோருக்கு முழுமையான நிவாரணம் கிடைக்கவில்லை. வீடு இழந்தோருக்கு ரூ.2,500 தமிழக அரசு வழங்குகிறது.

அதை வைத்து வீடு கட்ட முடியாது. எனவே, அவர்களுக்கு ரூ.20 ஆயிரம் வழங்க வேண்டும். பலா, முந்திரி தோப்பு வைத்திருந்த விவசாயிகளுக்கு ஒரு லட்ச ரூபாய் இழப்பீடு வழங்க வேண்டும். தென்தமிழகத்தில் 2001ம் ஆண்டுக்கு பிறகு எல்லா சமுதாய மக்களும் ஒற்றுமையாக இருந்தனர். அதை சீர்குலைக்கும் வகையில் தேவேந்திரகுல வேளாளர் கூட்டமைப்பின் தலைவர் பசுபதி பாண்டியன் படுகொலை செய்யப்பட்டுள்ளார். இந்த படுகொலைக்கு காரணமான உண்மையான குற்றவாளிகளை கைது செய்ய வேண்டும். மேலும், இந்த கொலை வழக்கை சிபிஐக்கு மாற்ற வேண்டும். இவ்வாறு கிருஷ்ணசாமி கூறினார்.

வெள்ளி, 13 ஜனவரி, 2012

தென் மாவட்ட மக்கள் இணக்கமாக உள்ள நிலையில் விஷமிகள் சதிக்கு இளைஞர்கள் பலியாக வேண்டாம்: டாக்டர் கிருஷ்ணசாமி தூத்துக்குடியில் பேட்டி:

Jan 12, 2012 Views: 12
பசுபதி பாண்டியனின் உடல் அடக்கம் செய்த நிகழ்ச்சிக்கு புதிய தமிழகம் தலைவர் டாக்டர் கிருஷ்ணசாமி செய்தியாளர்களுக்கு பேட்டி அளித்தார். அப்போது அவர் கூறியதாவது: பசுபதிபாண்டியன் கொலை செய்யப்பட சம்பவம் கண்டிக்கத்தக்கது. இந்த சம்பவம் தொடர்பாக குற்றவாளிகளை உடனே கைது செய்யவேண்டும் பசுபதி பாண்டியனின் குடும்பத்திற்கு 10 லட்சம் நிதி உதவி செய்ய வேண்டும் அவருடைய குழந்தைகளுக்கு அரசு கல்வி உதவி தொகை வழங்க வேண்டும். தூத்துக்குடியில் நடந்த வன்முறை தென் மாவட்ட மக்கள் எல்லோரும் சமுதாய இணக்கமான சூழ்நிலையில் உள்ளனர். பகைமையை வளர்க்க விஷமிகள் வந்து திட்டமிட்டு சதி செயலில் ஈடுபடுவதால் தேவேந்திர குல இளைஞர்கள் பலியாக வேண்டாம். தலித் இன தலைவர்களுக்கு அரசு பாதுகாப்பு வழங்க வேண்டும் என்றும் டாக்டர் கிருஷ்ணசாமி கூறினார்

சனி, 7 ஜனவரி, 2012

ஜன., 9ல் ஆர்ப்பாட்டம் புதிய தமிழகம் அறிவிப்பு

ஈரோடு: ""முல்லைப்பெரியாறு அணை விவகாரத்தில் பிரதமர் முன்னிலையில் முத்தரப்பு பேச்சுவார்த்தைக்கு ஏற்பாடு செய்ய வலியுறுத்தி, ஜன., 9ல் மத்திய அரசு அலுவலகம் முன் ஆர்ப்பாட்டம் நடத்தப்படும்,'' என, புதிய தமிழகம் கட்சித் தலைவர் கிருஷ்ணசாமி தெரிவித்தார்.

ஈரோட்டில் அவர் அளித்த பேட்டி: முல்லைப்பெரியாறு அணை விவகாரத்தில் பிரதமர் முன்னிலையில், இரு மாநில முதல்வர்கள் பங்கேற்கும் முத்தரப்பு பேச்சுவார்த்தையை மத்திய அரசு நடத்த வேண்டும். இதை வலியுறுத்தி ஜனவரி 9ல், தமிழகம் முழுவதும் மத்திய அரசு அலுவலகங்கள் முன் காலை 11 முதல் மதியம் 12 மணி வரை புதிய தமிழகம் சார்பில் ஆர்ப்பாட்டம் நடத்தப்படும். "தானே' புயலால் பாதிக்கப்பட்ட விவசாயிகளுக்கு இழப்பீடு போதாது. குறுகிய காலப்பயிருக்கு, 20 ஆயிரம், ஓராண்டு பயிருக்கு, 50 ஆயிரம் ரூபாய், தென்னை, முந்திரி போன்ற நீண்ட கால பயிருக்கு குறைந்தது ஒரு லட்சம் ரூபாய் இழப்பீடு வழங்க வேண்டும்.

தி.மு.க., ஆட்சியில், ஈரோடு மாவட்டத்தில் நிலத்தடி நீர் செறிவூட்டல் தொட்டி கட்ட, சிறு விவசாயிக்கு 4,000 ரூபாய், பெரு விவசாயிக்கு 2,000 ரூபாய் வீதம் நிதி அளிக்கப்பட்டதாக கணக்கில் உள்ளது. வெறும், 717 தொட்டி மட்டுமே கட்டப்பட்டுள்ளது. இத்தொகை முழுமையாக விவசாயிகளுக்கு சென்றதா; அல்லது வேறு என்ன நடந்தது? என தெரியவில்லை. நான்கு கோடி ரூபாய் மதிப்பிலான, 10 ஆயிரத்து 200க்கும் அதிகமான தொட்டிகள் கட்டப்படவில்லை. இவற்றை விரைந்து கட்ட வேண்டும். இல்லையெனில், நிதியை திரும்ப பெற வேண்டும் என, அதிகாரிகளிடம் தெரிவித்துள்ளேன். இவ்வாறு அவர் கூறினார்.