எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

திங்கள், 13 ஜூன், 2011

சட்டமன்றத்தில் கச்சத் தீவு தீர்மானம்-டாக்டர் க.கிருஷ்ணசாமி எம்.எல்.ஏ வாழ்த்து

 


மாண்புமிகு பேரவைத் தலைவர் அவர்களே, வரலாற்று ரீதியாக தமிழகத்தினுடைய ஒரு பகுதியாக இருந்து 1974-ஆம் ஆண்டு 1976-ஆம் ஆண்டுகளில் அன்றைய ஆட்சியில் இருந்தவர்கள் தமிழகத்தினுடய எல்லையைக் காப்பாற்றுவதற்கு மைய அரசினிடத்திலே சரியான ஆதாரங்களை எடுத்து வைக்கத் தவறியதன் விளைவாக கச்சத் தீவு அன்று இலங்கைக்குத் தாரைவார்க்கப்பட்டது. அந்தக் கச்சத் தீவு தாரை வார்க்கப்பட்டதனுடைய விளைவாக கடந்த 10 ஆண்டுகளில் மட்டும் தமிழக மீனவர்கள் 500-க்கும் மேற்பட்டவர்கள் சிங்கள இராணுவத்தால் படுகொலைக்கு ஆளாகியிருக்கிறார்கள். இன்று ஆயிரக்கணக்கான கடலோர மீனவர்களிடைய வாழ்வாதாரம் பாதிக்கப்படுகிறது என்று சொன்னால் அது கச்சத் தீவு இலங்கை வசம் இருக்கிற காரணத்தினால்தான் இதை மீட்டெடுக்க வேண்டுமென்று தமிழகத்திலே பல்வேறு தரப்பிலேயிருந்து குரல் எழுப்பப்பட்டாலும் கூட நமது மதிப்புமிகு முதல்வர் புரட்சித் தலைவி அம்மா அவர்களால் உச்ச நீதிமன்றத்திலே வழக்கு தொடுக்கப்பட்டிருக்கிறது. அந்த வழக்கிலே தமிழக அரசுனுடைய வருவாய்த் துறையும் இணைத்துக் கொள்ளப்பட வேண்டும் என்ற தீர்மானம் நேற்று எவ்வாறு இலங்கைத் தமிழர்களுக்காக நிறைவேற்றப்பட்டதோ அதுபோல் இது இரண்டாவது மைல்கல் ஆகும் என்பதை நான் சுட்டிக்காட்டி (மேசைத் தட்டும் ஒலி) இந்த அவையிலேயே தனியாக ஒரு தீர்மானம் கொண்டு வந்தால் சிறப்புடையதாக இருக்கும் என்று வாழ்த்தி இந்தத் தீர்மானத்தை ஆதரித்து விடைபெறுகிறேன். வணக்கம்

வியாழன், 9 ஜூன், 2011

கீழ வெண்மனி தியாகிகளுக்கு டாக்டர்.கிருஷ்ணசாமி அவ்ர்கள் தலைமையில் அஞ்சலி

 

நாகை:-1968ஆம் ஆண்டு டிசம்பர் மாதம் 25ஆம் தேதி தஞ்சை மண்ணாம் கீழ வெண்மணியில் நடந்த துயர சம்பவத்தை யாராலும் மறக்க இயலாது.





உழைத்த உழைப்பிற்க்கு அரைப்பிடி நெல் கூடுதலாக கேட்டதற்காக முதியோர், பெண்கள், குழந்தைகள் என ஒடுக்கப்பட்ட மக்கள் 44 பேர் ஒரே குடிசையில் அடைத்து கொளுத்தப்பட்ட துயர சம்பவம் நடந்த நாள் அது.





தியாகம் புரிந்தவர்கள் விவசாய தொழிலாளர்கள் எனினும் அவர்கள் அனைவரும் வீரம் செறிந்த வேளாண் குடிமக்கள் என்ற சமூக அடையாளம் அறவே மறைக்கப்பட்டுவிட்டது.





அம்மக்களின் அளப்பரிய தியாகத்தை போற்றும் வகையில் புதிய தமிழகம் கட்சியின் சார்பாக டாக்டர்.க.கிருஷ்ணசாமி அவர்கள் தலைமையில் கீழவெண்மணி கிராமத்தில் அவர்கள் நினைவிடத்தில் இன்று (டிசம்பர் 25) மலர் வளையம் வைத்து அஞ்சலி செலுத்தப்பட்டது.

படியுங்கள்! சுவையுங்கள்!!புதிய தமிழகம்வார இதழ்கள்

படியுங்கள்! சுவையுங்கள்!!

படியுங்கள்! சுவையுங்கள்!!புதிய தமிழகம்வார இதழ்கள்

டிசம்பர்-25 கீழவெண்மணி தியாகிகளுக்கு புதிய தமிழகம் கட்சி வீர வணக்கம் -டாக்டர்.க.கிருஷ்ணசாமி வேண்டுகோள்

 

புதிய தமிழகம் கட்சித் தலைவர் வெளியிட்டுள்ள அறிக்கையில் கூறியிருப்பதாவது:-





இந்தியா சுதந்திரம் பெற்று 65 ஆண்டுகள் ஆகியும் சமுதாய பொருளாதார ஏற்ற தாழ்வுகள் நீக்கப்படவில்லை. பிறந்த நாட்டில் மூன்று செண்ட் வீட்டு மனையோ, ஒரு ஏக்கர் நிலமோ கூட சொந்தமாக இல்லாமல் இன்னமும் வறிய நிலையில் வாழ்வோர் எண்ணற்றோர்.





இந்த நிலை போக்க எத்தனையோ போராட்டங்கள் நடந்தி இருப்பினும். 1968ஆம் ஆண்டு டிசம்பர் மாதம் 25ஆம் தேதி தஞ்சை மண்ணாம் கீழ வெண்மணியில் நடந்த துயர சம்பவத்தை யாராலும் மறக்க இயலாது.





உழைத்த உழைப்பிற்க்கு அரைப்பிடி நெல் கூடுதலாக கேட்டதற்காக முதியோர், பெண்கள், குழந்தைகள் என ஒடுக்கப்பட்ட மக்கள் 44 பேர் ஒரே குடிசையில் அடைத்து கொளுத்தப்பட்ட துயர சம்பவம் நடந்த நாள் அது.





தியாகம் புரிந்தவர்கள் விவசாய தொழிலாளர்கள் எனினும் அவர்கள் அனைவரும் வீரம் செறிந்த வேளாண் குடிமக்கள் என்ற சமூக அடையாளம் அறவே மறைக்கப்பட்டுவிட்டது.





அம்மக்களின் அளப்பரிய தியாகத்தை போற்றும் வகையில் புதிய தமிழகம் கட்சியின் சார்பாக எனது தலைமையில் கீழவெண்மணி கிராமத்தில் அவர்கள் நினைவிடத்தில் டிசம்பர் 25ஆம் தேதி காலை 9.30 மணி அளவில் அஞ்சலி நடைபெறும். அதேபோல அனைத்து மாவட்ட தலைநகரங்களிலும் புதிய தமிழகம் கட்சி மாவட்ட நிர்வாகிகள் சார்பாக நினைவஞ்சலி நடைபெறும் என தெரிவித்துக் கொள்கிறேன்

தோழர்.பாரதி தேவேந்திரன் ஐந்தாம் ஆண்டு நினைவு நாள் நிகழ்வில் புதிய தமிழகம் கட்சித் தலைவ்ர் க.கிருஷ்ணசாமி


தோழர்.பாரதி தேவேந்திரன்    ஐந்தாம் ஆண்டு நினைவு நாள் நிகழ்வில் புதிய தமிழகம் கட்சித் தலைவ்ர் க.கிருஷ்ணசாமி அவர்கள்   அஞ்சலி செலுத்தியபோது எடுத்தபடம் அருகில் மாவட்ட செயலாளர்  ம.அய்யப்பன்,மாநகர செயலாளர் சங்கர் உடனிருந்தனர்.

வட மாவட்டங்களிலும் வலுப் பெறுகிறது புதிய தமிழகம்

 





புதிய தமிழகம் கட்சி 1997ம் ஆண்டு துவக்கப்பட்டது. தாழ்த்தப்பட்ட, சிறுபான்மை, மிக மிக பின் தங்கிய தேயிலைத் தோட்ட தொழிலாளர்கள் மத்தியில் அபரிமிதமான செல்வாக்கு பெற்ற கட்சியாகும் குறிப்பாக தென் மாவட்டங்களில் செல்வாக்கு பெற்ற கட்சி புதிய தமிழகம் கட்சி.
 அண்மைகாலமாக வடக்கு மாவட்டங்களில் பல்வேறு கட்சிகளில் இருந்து விலகி சாரை, சாரையாக புதிய தமிழகம் கட்சியில் இணைந்து வருகிறார்கள்.
சென்னையில் ஏற்கனவே விடுதலை சிறுத்தைகள்,திமுக,காங்கிரஸ் போன்ற இயக்கங்களில் இருந்து விலகிய எண்ணற்றோர் புதிய தமிழகம் கட்சியில் இணைந்தனர். கிருஷ்ணகிரி, தர்மபுரி மாவட்டங்களிலும் பலர் இணைந்தனர். இதன் தொடர்ச்சியாக 12.02.2011ம் தேதியில் பகுஜன் சமாஜ் கட்சியில் இருந்து விலகி திரு.தலித் முருகன் 500க்கும் மேற்ப்பட்ட பெண்கள் உட்பட ஆயிரத்திற்கும் மேற்ப்பட்ட தொண்டர்களுடன் புதிய தமிழகம் கட்சியில் தம்மை இணைத்துக் கொண்டார்.
      இந்த விழா சென்னை ஹேமாமாலினி திருமண மண்டபத்தில் நடைபெற்றது. பொது வாழ்வில் 30 ஆண்டுகள் இருக்கும் திரு.தலித் முருகன் 15 ஆண்டுகள் பகுஜன் சமாஜ் கட்சியில் பணியாற்றியவர்.
       சென்னை உட்பட வடக்கு மாவட்டங்கள் பட்டியலின மக்கள் ஒன்று சேர்வது புதிய தமிழகம் கட்சிக்கு வலு சேர்ப்பதோடு வரவிருக்கும் சட்டப் பேரவைத் தேர்தலில் அதிமுகவுக்கும் மிகப் பெரிய பலமாக அமையும். எண்ணற்றோர் தினமும் இதே போன்று புதிய தமிழகம் கடசியில் இணைந்து வருகிறார்கள். இதனால் புதியதமிழகம் தொண்டர்கள் உற்சாகமடைந்துள்ளனர்.

போர்க் குற்றவாளிகளை தண்டிக்க வேண்டும்:இலங்கை மீது பொருளாதார தடை தீர்மானத்தின் மீது டாக்டர் க கிருஷ்ணசாமி அவர்கள் பேச்சு

 

 

மாண்புமிகு பேரவைத் தலைவர் அவர்களே,
தமிழகத்தினுடைய எல்லையிலிருந்து 26 கிலோ மீட்டர் அப்பாலுள்ள இலட்சக்கணக்கான ஈழத் தமிழ் மக்கள் தங்களுடைய சுதந்திரத்திற்காகவும், சுய நிர்ணைய உரிமைக்காகவும் ஐம்பதாண்டு காலத்திற்கும் மேலாகப் போராடி வருகிறார்கள். எனினும் அவர்களுடைய போராட்டம் இன்னும் முற்றுப்பெற்றதாகத் தெரியவில்லை. பயங்கரவாதிகளுக்கு எதிரான போர், தீவிரவாதத்தை ஒழித்துக்கட்டுகிறேன் என்ற பெயரில் 2009 ஆம் ஆண்டு மே மாதம் 3 ஆம் தேதியும், மே மாதம் 18 ஆம் தேதியும் சிங்களப் பேரினவாத அரசு, ராஜபக்சே அரசு ஈழத் தமிழ் மக்கள் மீது நடத்திய மனிதாபிமானமற்ற தாக்குதலில் முள்ளிவாய்க்காலில் முப்பதாயிரம் பேர்கள் ஒரே நேரத்தில் படுகொலைக்கு ஆளானார்கள். இப்படிப்பட்ட சர்வதேச போர் விதிமுறைகளுக்கு மாறாக ஈழத் தமிழ் மக்கள் மீது போர் தொடுத்த ராஜபக்சே சர்வதேச நீதிமன்றத்திலே குற்ரவாளியாகக் கருதப்பட வேண்டும் என்று கடந்த இரண்டு ஆண்டு காலத்திற்கும் மேலாக உலகெங்கும் வாழக்கூடிய தமிழ் மக்கள் குரல் கொடுத்து வருகிறார்கள்.


மாண்புமிகு புரட்சித் தலைவி அம்மா அவர்கள் கடந்த இரண்டு வருடங்களுக்கு முன்பு ஈழத் தமிழ் மக்கள் மீதான போர் நிறுத்தப்பட வேண்டும் என்று கோரி உண்ணாவிரதம் இருந்தபொழுது நாங்களெல்லாம் அதிலே கலந்துகொண்டு வாழ்த்தினோம். கடந்த இரண்டு வருடங்களுக்கு முன்பு இந்தப் போர் முடிந்த பிறகு நான் கோவையிலே நடத்திய மாநாட்டிற்காக மலேசிய தமிழர்களை அழைப்பதற்குச் சென்றேன். நீங்கள் எல்லோரும் தமிழகத்திலிருந்து எதற்காக வருகிறீர்கள்; இலட்சக்கணக்கான தமிழர்கள் கொன்று குவிக்கப்பட்ட பொழுது தமிழகத்திலிருந்து எதிர்ப்பு குரல் வரவில்லை. இங்கே இருக்கக்கூடிய ஆட்சியாளர்கள் குரல் கொடுக்கவில்லை என்று தமிழர்கள் எல்லோரும் வெட்கி, நாணித் தலைகுனியக்கூடிய வகையிலே உலகத் தமிழகர்கள் நம்மையெல்லாம் ஏளனமாகப் பார்த்தார்கள் என்று ஆறு கண்டங்களிலே வாழ்கின்ற எட்டு கோடி தமிழர்களுடைய தன்மானத்தைத் தூக்கி நிறுத்தக்கூடிய வகையிலே மாண்புமிகு புரட்சித் தலைவி அம்மா அவர்கள் சார்பாக (மேசைத் தட்டும் ஒலி) தமிழ் மக்களுக்கு எதிராகப் போர்க் குற்றம் புரிந்த ராஜபக்சே குற்றவாளிக் கூண்டிலே நிறுத்தப்பட வேண்டுமென்று கொண்டுவரப்பட்டிருக்கின்ற தீர்மானத்தை நான் ஆதரிக்கிறேன்.


நேற்று அன்பு சகோதரர் திரு.குணசேகரன் அவர்கள் பேசியபொழுது அம்மா அவர்கள் கருத்து சொல்லவில்லையே என்று ஏங்கினேன். ஆனால் அந்தக் கருத்தை ஒரு நாள்கூட என்னுடைய ஏக்கதை விட்டுவைக்கவில்லை. (மேசைத் தட்டும் ஒலி) இன்றே விடையளித்திருக்கிறார்கள்.


பேரவைத் தலைவர் அவர்களே, ஈழத் தமிழ் மக்களுக்கு எதிராக நடந்த போர் சாதாரணமானதல்ல இந்த போர் இன்றும் முற்றுப்பெற்றதாகத் தெரியவில்லை. ஒரே நாளிலே முப்பதாயிரம் பேர் கொன்று குவிக்கப்பட்டார்கள். மூன்று இலட்சத்திற்க்கும் மேற்பட்ட இலங்கைத் தமிழ் மக்கள் முள்வேலி முகாம்களில் அடைக்கப்பட்டார்கள். அவர்களையெல்லாம் விடுதலை செய்துவிட்டோம் என்று சென்னார்கள் ஆனால் இன்றும் இலட்சத்திற்கும் மேற்பட்டவர்கள் சிறு சிறு முகாம்களில் அடைத்து வைக்கப்பட்டிருக்கிறார்கள். இந்திய அரசால் ஈழத் தமிழ் மக்களுக்காக அனுப்பபபடக்கூடிய எந்தவிதமான உதவிகளும் தமிழ் மக்களுக்குச் சென்றடைவதில்லை. 500 டிராக்டர்கள் அனுப்பினார்கள் அதிலே 28 டிராக்டர்கள் மட்டும்தான் தமிழர்களுக்குச் சென்றடைந்திருக்கின்றன. 50,000 வீடுகள் கட்டுவதற்கு வேண்டிய இலட்சக்கணக்கான சிமெண்ட் மூட்டைகளை இந்திய அரசு அனுப்பி வைத்தது. அவை தமிழர்களுக்குச் சென்றடையவில்லை.


 எனவே இதுவெல்லாம் நடைபெறுவதற்குக் காரணம் என்னவென்று சொன்னால் அங்கிருக்கக்கூடிய சிங்களப் பேரினவாத அரசு, தமிழ் மொழியையும் தமிழினத்தையும் சிங்களர்களுக்கு நிகராக மதிப்பதற்கு அவர்கள் தயாராக இல்லை. தமிழ் மக்கள் தானாக முன்வந்து ஆயுதப் போராட்டங்களை எடுக்க முன்வரவில்லை. 50 ஆண்டுகாலத்திற்கும் மேலாக ஜனநாய ரீதியான போராட்டங்களை நடத்தினார்கள். ஏதோ ஒரு சில ஜனநாயகவாதிகள் சிங்கள அரசிலே பதவி வகித்தவர்கள், தமிழர்களுக்கு ஏதாவது உறுதி கொடுக்க வந்தால் அவர்களும் பலாத்காரமாக வெளியேற்றப்பட்டார்கள். கொல்லப்பட்டார்கள், அல்லது பதவியிறக்கம் செய்யப்பட்டார்கள். இந்தநிலையில்தான் தமிழினத் தலைவர் தந்தை செல்வா அவர்களுடைய தலைமையில் வட்டக்கோட்டை மாநாட்டிலே தமிழர்களுக்கு தனி நாடு போன்றதொரு கோரிக்கை முன் வைக்கப்பட்டது. அதுதான் பின்பாக தனி ஈழக் கோரிக்கையாக மலர்ந்தது. 


எனவே தனி ஈழம் அவர்கள் கேட்கக்கூடிய சூழ்நிலை எப்போது உருவாயிற்று என்று சொன்னால் தமிழ் மொழிக்கு ஒர் அங்கீகாரம் இல்லாதது தமிழர்கள் சமமாக மதிக்கப்படாத சூழ்நிலை உருவாயிற்று. இதைத்தான் சிங்களத்திலேயிருந்து வந்த பாதிரியார் மிக அழகாகச் சொன்னார். If there are two langauages, there will be one nation. If there is only one language, there will be two nations. அதாவது இரண்டு மொழிகள், இரண்டு இனங்கள் என்று சொன்னால் ஒரு தேசமாக இருக்கும். ஒரே மொழி, ஒரே இனம் என்று சொன்னால் இரண்டு தேசங்களாக இருக்கும் என்று அழகாகச் சொன்னார்கள். அந்த அடிப்படையில்தான் தமிழர்களுக்குச் சமமான அந்தஸ்து இல்லை, மதிப்பு இல்லை, மரியாதை இல்லை எனவே தங்களால் அவர்களோடு இணைந்து வாழ முடியாத சூழலில்தான் அவர்கள் தனி ஈழம் கேட்டார்கள். அவர்கள் அதற்காகக் கொடுத்த விலை இரண்டு இலட்சம் உயிர்கள். எனவே அப்படிப்பட்ட அந்த நியாயத்திற்காகவும், ஜனநாயக உரிமைக்காகவும் போராடிய தமிழ் மக்கள் மீது சர்வதேசப் போர் விதிமுறைகளுக்கு மாறாக நடந்துகொண்ட ராஜபக்சேவைக் குற்றவாளிக் கூண்டில் நிறுத்தினால் மட்டும்தான் தமிழர்கள் அங்கே சமமாக வாழமுடியும். அவர்களும் மனிதர்களாக வாழ முடியும். எனவே அப்படிப்பட்டதொரு தீர்மானம் இந்த அவையிலே நிறைவேற்றப்படுவது மட்டுமல்ல அவர் குற்றவாளிக் கூண்டிலே நிறுத்தப்படுகின்ற வரையிலே இங்கிருந்து குரல் ஆதரவுக் குரல் ஓங்கி ஒலித்துக்கொண்டேயிருக்க வேண்டும்.


அதுமட்டுமல்ல இப்போது அங்கே ஈழத்திலே என்ன நடக்கிறது என்பதை அறிந்து வருவதற்கும் மாண்புமிகு அம்மா அவர்களே, தமிழகத்திலேயிருந்து ஒரு சட்டமன்றக் குழுவை அனுப்பி வையுங்கள் உண்மை நிலைமையைத் தெரிந்து வருவதற்காக அப்போதுதான் அங்கே இருக்கக்கூடிய நிலைமைகளையெல்லாம் தமிழக மக்களுக்கும் சொல்ல முடியும், இந்திய அரசுக்கும் சொல்ல முடியும். எனவே இப்போது இந்தத் தீர்மானம் என்பது தமிழகத்துனுடைய வரலாற்றில் உலகத் தமிழர்களுடைய வரலாற்றில், உலகெங்கும் வாழக்கூடிய அகதிகளாக வாழக்கூடிய 15 இலட்சம் தமிழர்கள் ஈழத்திலே இன்னும் குற்றுயிரும் கொலையுயிருமாக இருக்கக்கூடிய தமிழர்களுக்கு ஓர் ஆதரவுக் கரமாக இருக்கும். இதுதான் ஈழத் தமிழர்களுடைய விடுதலைக்கு உண்டான ஒரு திறவுகோலாக அமையும் என்பதையும் சுட்டிக்காட்டுகிறேன். எனவே இந்தத் தீர்மானத்தை நான் மனதார வரவேற்று விடைபெறுகிறேன். வணக்கம்.