எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

திங்கள், 12 செப்டம்பர், 2011

சட்டசபையில் கிருஷ்ணசாமி வெளிநடப்பு





























பரமக்குடி துப்பாக்கி சூடு சம்பவம் குறித்து (12/09/2011) முதல் அமைச்சர் ஜெயலலிதா விளக்கம் அளித்த பிறகு புதிய தமிழகம் கட்சி தலைவர் கிருஷ்ணசாமி மீண்டும் பேச வாய்ப்பு கேட்டார். அதற்கு சபாநாயகர் ஜெயக்குமார் அனுமதி வழங்கவில்லை. இதனால் புதிய தமிழகம் கட்சி தலைவர் கிருஷ்ணசாமி வெளி நடப்பு செய்தார்.

பரமக்குடி தூப்பாக்கி சூட்டில் இறந்தவர் குடும்பத்திற்கு 5 லட்சம் வழங்க வேண்டும் : டாக்டர் க.கிருஷ்ணசாமி

பரமக்குடியில் நடந்த துப்பாக்கி சூட்டில் காயம் அடைந்தவர்கள் மதுரை பெரிய ஆஸ்பத்திரியில் சேர்க்கப்பட்டுள்ளனர். காயம் அடைந்த சிகிச்சையில் இருக்கும் பரமசிவம், சிவா, செந்தில்முருகன், சதுரகிரி, யேசு, லோகேஷ் ஆகியோருக்கு தீவிர சிகிச்சை அளிக்கப்பட்டு வருகிறது.காயம் அடைந்து சிகிச்சையில் உள்ளவர்களை புதிய தமிழகம் கட்சி தலைவர் டாக்டர் கிருஷ்ணசாமி சந்தித்து ஆறுதல் கூறினார். பின்னர் அவர் செய்தியாளர்களிடம்,பரமக்குடியில் நடந்த சம்பவம் சிலர் தூண்டுதலின்பேரில் நடந்துள்ளது. இது குறித்து நான் சட்டசபையில் பேசுவேன்.

காயம் அடைந்து சிகிச்சையில் உள்ளவர்களுக்கு உரிய இழப்பீடு வழங்க வேண்டும்.இறந்தவர்கள் குடும்பத்தினருக்கு தலா ரூ.5 லட்சம் வழங்க வேண்டும்’’ என்று கூறினார்.

புதிய தமிழகம் வேண்டுகோள் செப்- 11 தியாகி இம்மானுவேல் சேகரனார் நினைவு நாளை அரசு விழாவாக அனுசரிக்க வேண்டும்!

சுதந்திர இந்தியாவில் தீண்டாமை கொடுமைகளுக்கு எதிராக குரல் கொடுத்து முதல் கள பலியானவர் தியாகி இம்மானுவேல் சேகரனார். இராமநாதபுரம் மாவட்டம் - பரமக்குடி - செல்லூர் கிராமத்தில் 1924 ஆம் ஆண்டு அக்டோபர் 9 ஆம் தேதி பிறந்தார். தனது இளமை பருவத்திலே இராணுவத்தில் சேர்ந்த அவர், இராணுவ பணியிலிருந்து ஓய்வு பெற்ற பின்னர் இராமநாதபுரம் மாவட்டத்தில் நிலவிய சமூக கொடுமைகளுக்கு எதிராக சனநாயக வழியில் போரடினார். அம்மாவீரன் 1954 ஆம் ஆண்டு செப்டம்பர் 11 - ஆம் நாள் படுகொலைக்கு ஆளானார். அவரது மரணம் குறித்து பேரறிஞர் அண்ணா அவர்கள் “ இவர் தாழ்த்தப்பட்ட மக்களுக்கு மட்டுமல்ல தமிழ்நாட்டுக்கே ஒரு பெரிய தியாகம் செய்திருக்கின்றார். இம்மானுவேல் இராமநாதபுரத்து மண்ணிலே மறைந்த மாவீரன் மட்டுமல்ல உலகமே புகழும் வீரனாகவே அவரை கருத வேண்டும்.நாட்டின் ஒற்றுமைக்காக பாடுபட்டு தன்னையே பலியாக்கி கொண்ட ஒரு தியாகியை இழந்தோம். இவ்ர் பெயர் இந்நாட்டுச் சரித்திரத்திலே பொறிக்கப்பட வேண்டியதே” என் புகழாரம் சூட்டி உள்ளார்.

அவ் மகத்தான மாவீரனின் 54 – வது நினைவு நாளை அரசு விழாவாக அனுசரிக்க வேண்டுமென்று தமிழ்நாடு முதல் அமைச்சரை புதிய தமிழகம் கட்சியின் சார்பில் கேட்டுக் கொள்கிறேன்.

பரமக்குடி கலவரத்திற்கு கண்டனம் தெரிவித்து சென்னை ஐகோர்ட் வளாகத்தில் வக்கீல்கள் ஆர்ப்பாட்டம் நடத்தினர்



சென்னை ஐகோர்ட் வக்கீல்கள் 30க்கும் மேற்பட்டோர், ''பரமக்குடி கலவரம் தமிழக அரசின் திட்டமிட்ட சதி'' என்று கோஷம் எழுப்பி ஆர்ப்பாட்டத்தில் ஈடுபட்டனர்.



மேலும் ஆர்ப்பாட்டத்தில், ''பாதிக்கப்பட்ட குடும்பங்களூக்கு இழப்பீட்டுத்தொகையாக 10 லட்சம் வழங்க வேண்டும். அவர்களின் குடும்பத்தாருக்கு அரசு வேலை வழங்க வேண்டும்.'' என்று கோஷம் எழுப்பினர்.

வியாழன், 1 செப்டம்பர், 2011

செங்கொடி உடலுக்கு நடிகர்கள் சத்தியராஜ், சேரன், டாக்டர் கிருஷ்ணசாமி அஞ்சலி













ராஜீவ்காந்தி கொலை வழக்கில் தூக்கு தண்டனை விதிக்கப்பட்ட முருகன், சாந்தன், பேரறிவாளன் ஆகியோரை விடுதலை செய்யக்கோரி கடந்த 28.08.2011 அன்று காஞ்சீபுரத்தில் மக்கள் மன்றம் அமைப்பை சேர்ந்த இளம்பெண் செங்கொடி உருக்கமான கடிதம் ஒன்றை எழுதி வைத்து விட்டு, தீக்குளித்து இறந்தார்.



தகவல் கிடைத்ததும் பல்வேறு கட்சி தலைவர்கள், தமிழ் அமைப்பு நிர்வாகிகள், சினிமா உலக பிரமுகர்கள் ஏராளமானோர் காஞ்சீபுரத்திற்கு விரைந்து வந்து செங்கொடிக்கு உடலுக்கு அஞ்சலி செலுத்தினர்.



அவரது உடல் சொந்த ஊரான மேல்கதிர்பூர் மங்களம்பாடி கிராமத்திற்கு ஊர்வலமாக எடுத்துச்செல்லப்பட்டு அங்குள்ள மக்கள் மன்ற அலுவலகத்தில் அஞ்சலி செலுத்த வைக்கப்பட்டுள்ளது.

செங்கொடியின் உடல் அடக்கம் நேற்று நடைபெறுவதாக இருந்தது. இதற்கிடையில் முருகன், சாந்தன், பேரறிவாளன் ஆகியோரது தூக்கு தண்டனையை நிறுத்த கோரும் வழக்கு சென்னை ஐகோர்ட்டில் விசாரணைக்கு வந்ததால் உடல் அடக்கத்தை ஒரு நாள் தள்ளிவைக்க மக்கள் மன்றம் முடிவு செய்தது. அதன்படி நேற்று வழக்கில் சாதகமாக தீர்ப்பு வந்தது. 8 வார காலத்திற்கு இடைக்கால தடை விதித்து சென்னை ஐகோர்ட்டு உத்தரவிட்டது.



இதனை அடுத்து செங்கொடியின் உடல் அடக்கம் இன்று (31.08.2011) நடக்கிறது. இதில் பங்கேற்க கட்சி தலைவர்கள், தமிழர் அமைப்பு நிர்வாகிகள் காஞ்சீபுரத்தில் குவிந்த வண்ணம் இருக்கின்றனர்.



செங்கொடியின் உடலுக்கு நடிகர் சத்தியராஜ், இயக்குநரும் நடிகருமான சேரன், புதிய தமிழகம் கட்சியின் நிறுவனரும் எம்எல்ஏவுமான டாக்டர் கிருஷ்ணசாமி ஆகியோர் அஞ்சலி செலுத்தினர்.

தியாகச்சுடர் செங்கொடி