எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

வெள்ளி, 26 டிசம்பர், 2014

திருவாரூர் ..புதிய தமிழகம் கட்சி சார்பில் ..நிறுவனர். டாக்டர் கிருஷ்ணசாமி..M.D.M.L.A. அவர்கள் தலைமையில் கண்டண ஆர்ப்பாட்டம்.

மாணவியை பலாத்காரம் செய்த கொடியவர்களை கைது செய்யக் கோரி கிருஷ்ணசாமி போராட்டம் ...

கரூர்: கரூரில் பள்ளி மாணவி பாலியல் பலாத்காரம் செய்து கொலை செய்யப்பட்ட வழக்கில் குற்றவாளிகளை கைது செய்யாததை கண்டித்து புதிய தமிழகம் கட்சி சார்பில் கண்டன ஆர்பாட்டம் நடைபெற்றது கரூர் மாவட்டம், கிருஷ்ணராயபுரம் தாலுக்காவிற்குட்பட்ட பிச்சம்பட்டியில் கடந்த ஜூன் 23 ம் தேதி தற்காலிகமாக பணிக்கு சென்று வீடு திரும்பிய பள்ளி மாணவி வினிதாவை வெற்றிலை கொடிக்காலுக்கு தூக்கி சென்ற மர்ம நபர்கள் கற்பழித்து கொலை செய்யப்பட்ட வழக்கில் குற்றவாளிகளை கைது செய்யாததை கண்டித்து புதிய தமிழகம் கட்சியின் நிறுவன தலைவர் டாக்டர் கிருஷ்ணசாமி தலைமையில் கரூர் தபால் தந்தி அலுவலகம் முன்பு கண்டன ஆர்ப்பாட்டம் நடைபெற்றது. இந்த ஆர்ப்பாட்டத்தில் கட்சியின் மாவட்ட செயலாளர் வழக்கறிஞர் பாண்டியன், கட்சியின் முக்கிய பொறுப்பாளர்கள், பாதிக்கப்பட்ட குடும்பத்தை சேர்ந்த பெண்கள் என 200 க்கும் மேற்பட்டோர் கலந்து கொண்டு கண்டன கோஷங்கள் எழுப்பினார்கள். இது குறித்து செய்தியாளர்களிடம் தெரிவித்த புதிய தமிழகம் கட்சியின் நிறுவன தலைவர் டாக்டர் கிருஷ்ணசாமி., கற்பழித்து கொலை செய்யப்பட்ட மாணவி வினிதா வழக்கில் 6 மாதங்களாகியும் தமிழக காவல் துறை குற்றவாளிகளை கைது செய்யாதது என்பது குற்றவாளிகள் அரசியல் பின்புலம் உடையவர்களாக இருப்பதாக சந்தேகம் தெரிவித்த அவர் தலைநகரான டெல்லியில் இதே போன்ற வழக்கில் பொதுமக்கள் கடுமையாக போராடுவதும், குற்றவாளிகளை உடனடியாக கைது செய்யப்பட்டு வரும் சூழலில் தமிழகத்தில் மட்டும் கொலை, கொள்ளைகள் நடப்பது வழக்கமாகி வருகிறது. எனவே இவ்வழக்கை சி.பி.ஐ யிடம் ஒப்படைக்க வேண்டும். அவ்வாறு ஒப்படைக்காவிட்டால் மத்திய உள்துறை அமைச்சர் ராஜ்நாத் சிங்கை நேரில் சந்தித்து வலியுறுத்துவோம் என்றார்.மாணவியை பலாத்காரம் செய்த கொடியவர்களை கைது செய்யக் கோரி கிருஷ்ணசாமி போராட்டம்மாணவியை பலாத்காரம் செய்த கொடியவர்களை கைது செய்யக் கோரி கிருஷ்ணசாமி போராட்டம்

தஞ்சை மண்ணில் வீர வரலாறு படைத்த தேவேந்திரர்களுக்கு வீர வண்ணக்கம்

ஊர் உறங்கிய நேரம், உலகம் உறங்கிய நேரம், 46 வருடங்களுக்கு முன்பு டிசம்பர் 25 ஆம் நாள் நள்ளிரவில் இன்றைய நாகப்பட்டினம் மாவட்டம் அன்றைய ஒன்றுபட்ட தஞ்சை மாவட்டம், திருவாரூர் அருகே கீழ்வெண்மணி எனும் கிராமத்தில் முதியோர், பெண்கள் மற்றும் குழைந்தைகள் உட்பட 44கு தேவேந்திர குல வேளாளர்கள் ஒரே குடிசையில் வைத்துக் கொளுத்தபட்டார்கள் .
கொளுத்தியவன் கொழுத்த நிலபிரபு, வர்க்க மற்றும் சாதி ஆதிக்கம் நிறைந்த கொடூரன். கொலையுண்டவர்கள் ஏதுமற்ற நிராயுத பாணிகள். பகலெல்லாம் பண்ணையாரின் கழனியில் பாடுபட்டு இரவு திரும்பினால் அரைத் தூக்கம் போடுவதற்குக் கூட சொந்த வீடு அற்றவர்கள். பண்ணையார் படி அளந்தால் மட்டும் தான் அரை வயிறு கஞ்சியாவது குடிக்க முடியும் என்ற நிலையில் வாழ்ந்து வந்தவர்கள். பண்ணையாருக்கு நிகராக நின்று தாங்கள் பாடுபற்ற கூலியை கூடக் கேற்பதற்கு அருகதை அற்றவர்களாக வைக்கப் பட்டுஇருந்தவர்கள்
கல்வி இல்லை, சொந்த நிலம் இல்லை, பிறப்பால் உயர்வு இல்லை அரை அடிமைகளாகக் கருதப் பட்டவர்கள், ஒற்றுமை இல்லாமல் உணர்வற்று இருந்தவர்கள் . குடும்பத்தோடு நெல் களஞ்சியத்தில் பாடு பட்டும் அரை வயிர் பசி ஆற கூடக் கூலி கிடைக்காதவர்கள் ஒரு நாள் ஒன்று கூடினார்கள் அவர்கள் கேட்டது ஒரு நாளைக்கு அரைப் படி நெல் கூடுதலாக மட்டுமே. இதைக் கூடப் பொருத்துக் கொள்ள முடியாத பண்ணையார் கோபாலகிருஷ்ணன் நாயுடு கண்ணசைத்தார், அவரது அடியாட்கள் கூலி உயர்வு கேட்டவர்களைக் கூண்டோடு கொளுத்தினர். எந்த விதத்திலும் ஓடி தப்பிப் பிழைக்கத் திராணியற்ற முதியோர், குழந்தைகள், பெண்கள் என 44 பேரும் மாண்டனர்.
அவர்கள் ஆயுதம் தாங்கி எதிர்த்துப் போராடி வரலாறு படைக்கவில்லைதான், ஆனால் முதல்முறையாக பண்ணையாரை எதிர்த்த வீரவரலாற்றை தஞ்சை மண்ணில் பதித்தவர்கள், வீரமிகு தேவேந்திரர்கள் !! ஆதிக்கவர்கத்தினர் அவர்கள் உடலை கொளுத்தி இருக்கலாம், ஆனால் அவர்கள் எழுப்பிய உரிமை குரலை கொளுத்த முடியாது என்பதே வரலாறு . வர்க்கத்தை மறந்த சாதியமும், சாதியை மறந்த வர்க்கப் போராட்டமும் வெற்றி பெறாது என்று உலகிற்கு உணர்த்தியநாள் - டிசம்பர் 25
போராளிகளையும் தியாகிகளையும் கூலிகாரர்களாகக் சித்தரிப்பது கோழைத்தனம். அவர்கள் எழுச்சிமிகுச் சமுதாயத்தின் அடையாளம். எவர் அவர்களை மறப்பினும் புதிய தமிழகம் கட்சி மறவாது . டிசம்பர் 25 காலை 11 முதல் 12 மணி வரையிலும் அணைத்து மாவட்டங்களில் அவர்களின் 46வது நினைவு நாளை நினைவு கூறும் வகையில் 46 மெழுகுகளை ஏந்தி அஞ்சலி செலுத்துவோம். தியாகிகளைப் போற்றுவோம் !!

டிசம்பர்-25 கீழவெண்மணி தியாகிகளுக்கு புதிய தமிழகம் கட்சி வீர வணக்கம்.

டிசம்பர் 25 திருச்சி மாவட்ட புதிய தமிழகம் கட்சி சார்பில் கீழ வெண் மணி தியாகிகளுக்கு மெழுகுதிரி ஏந்தி அஞ்சலி..

டிசம்பர்-25 கீழவெண்மணி தியாகிகளுக்கு புதிய தமிழகம் கட்சி வீர வணக்கம்.

டாக்டர் க.கிருஷ்ணசாமி எம்.டி.எம்.எல்.ஏ அவர்கள் தலைமையில் நடைபெற்ற மாபெரும் கண்டன ஆர்ப்பாட்டம்.

கரூர் மாவட்டம் கிருஷ்ணராயபுரம்,பிச்சம்பட்டி கிராமத்தை சோர்ந்த பள்ளி மாணவி வினிதாவை கற்பழித்து கொலை செய்த உண்மை குற்றவாளிகளை கைது செய்யாத காவல்துறையின் மெத்தன போக்கை கண்டித்தும்,இந்த வழக்கை சி.பி.ஐ க்கு மாற்றக் கோரியும் கரூர் பேருந்து நிலையம் அருகில் டிச-26 இன்று "சமூக நீதி போராளி" டாக்டர் க.கிருஷ்ணசாமி எம்.டி.எம்.எல்.ஏ அவர்கள் தலைமையில் நடைபெற்ற மாபெரும் கண்டன ஆர்ப்பாட்டம்..