எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

சனி, 13 செப்டம்பர், 2014

புனித பூமியில் புதிய தமிழகம் இணையதள நண்பர்களின் வீரவணக்கப் பேரணி..

இம்மானுவேல் சேகரனின் 57-வது நினைவு நாள்..

இமானுவேல் சேகரன் நினைவிடத்தில் அஞ்சலி: விதிமுறைகளை மீறியதாக கிருஷ்ணசாமி மீது வழக்கு


இமானுவேல் சேகரன் நினைவு நாளையொட்டி பரமக்குடியில் உள்ள அவரது நினைவிடத்தில் கடந்த 11–ந் தேதி அரசியல் கட்சி தலைவர்களும், பல்வேறு அமைப்பினர்களும் அஞ்சலி செலுத்தினர்.
தலைவர்கள் அஞ்சலி செலுத்த குறிப்பிட்ட நேரம் ஒதுக்கப்பட்டு இருந்தது. அதன்படி புதிய தமிழகம் கட்சி தலைவர் கிருஷ்ணசாமி எம்.எல்.ஏ.வுக்கு மாலை 3 மணிமுதல் 4 மணி வரை நேரம் ஒதுக்கப்பட்டது.
ஆனால் அவர் அந்த நேரத்தில் அஞ்சலி செலுத்த வராமல் 4.20 மணிக்கு வந்து அஞ்சலி செலுத்தினார். மேலும் 5.30 மணி வரை அங்கேயே இருந்ததாக கூறப்படுகிறது.
இதுகுறித்து வேந்தோணி கிராம நிர்வாக அதிகாரி சதீஷ்குமார் பரமக்குடி போலீசில் புகார் செய்தார். அதன்படி விதிகளை மீறிய கிருஷ்ணசாமி எம்.எல்.ஏ. புதிய தமிழகம் கட்சியின் ராமநாதபுரம் மாவட்ட செயலாளர் கதிரேசன் ஆகியோர் மீது இன்ஸ்பெக்டர் சுரேஷ்குமார் வழக்குப் பதிவு செய்து விசாரித்து வருகிறார்.

பரமக்குடியில் மக்கள் வெள்ளத்தில் டாக்டர் க.கிருஷ்ணசாமி அவர்கள்

தியாகி இம்மானுவேல் சேகரன் நினைவு நாள் அனுசரிப்பு...


கோவில்பட்டியில் தியாகி இம்மானுவேல் சேகரன் நினைவு நாள் அனுசரிக்கப்பட்டது.
தியாகி இம்மானுவேல் சேகரன்தியாகி இம்மானுவேல் சேகரனின் 57–வது நினைவு நாளை முன்னிட்டு, கோவில்பட்டி புது ரோடு அம்பேத்கார் சிலை அருகே அவரது உருவ படம் அலங்கரித்து வைக்கப்பட்டு இருந்தது. உருவ படத்துக்கு புதிய தமிழகம் கட்சி ஒன்றிய செயலாளர் பி.அன்புராஜ் தலைமையில், அக்கட்சியினர் மாலை அணிவித்து மரியாதை செலுத்தினர்.
மாவட்ட பொறுப்பாளர் கே.கருப்பசாமி, மாநில தொண்டர் அணி செயலாளர் பூவானி லட்சுமண பாண்டியன், ஒன்றிய தலைவர் கே.கனகராஜ், நகர இளைஞர் அணி செயலாளர் எம்.மாடசாமி, ஒன்றிய இளைஞர் அணி செயலாளர் கே.பெருமாள்சாமி உள்பட பலர் கலந்து கொண்டனர்.

இம்மானுவேல் சேகரனின் 57-வது நினைவு நாள்..

பரமக்குடியில் புதிய தமிழகத்தின் அலை.