எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

புதன், 12 பிப்ரவரி, 2014

தென்காசி தொகுதியில் தேர்தல் பணி - புதிய தமிழகம்





பாராளுமன்ற தேர்தலில் கட்சிகளுக்கிடையே கூட்டணி உடன்பாடு ஏற்படும் முன்பே தென்காசி தொகுதியில் தேர்தல் பணியை புதிய தமிழகம் கட்சியினர் தொடங்கி விட்டனர். பாராளுமன்ற தேர்தலில் தி.மு.க. அணியில் புதிய தமிழகம் இடம்பெறுவது உறுதியாகி விட்டது. அக்கட்சிக்கு தென்காசி தொகுதி ஒதுக்கப்படும் எனவும் கூறப்படுகிறது. இருப்பினும் அதிகார பூர்வமாக தி.மு.க. தரப்பில் அறிவிக்கப்படவில்லை.

தென்காசி மக்களவை தொகுதிக்குட்பட்ட புதிய தமிழகம் கட்சியின் புதிய நிர்வாகிகள் பதவியேற்பு விழா மற்றும் பாராட்டு விழா கூட்டம் தென்காசியில் நடைபெற்றது. கூட்டத்துக்கு தலைமை வகித்து கட்சி தலைவர் டாக்டர் கிருஷ்ணசாமி பேசியதாவது:–

நம் கட்சியினர் கூட்டணி கட்சியினரோடு இப்போதே நல்ல தொடர்பை ஏற்படுத்தி கொள்ள வேண்டும். இதுவரை இந்த தொகுதியிலிருந்து வெற்றி பெற்று பாராளுமன்றத்திற்கு சென்றவர்களால் இந்த தொகுதிக்கு எந்தவிதமான பயனும் ஏற்படவில்லை என்பதை அனைத்து தரப்பு மக்களும் உணர்ந்துள்ளனர்.

எனவே, புதிய தமிழகம் கட்சி வெற்றி பெற்றால் மட்டுமே இந்த தொகுதியின் தேவைகள் அனைத்தையும் நிறைவேற்ற முடியும் என அனைத்து தரப்பினரும் நம் மீது நம்பிக்கை வைத்துள்ளனர். கிளை செயலாளர்கள், புதிய நிர்வாகிகள் உடனடியாக வாக்காளர் பட்டியலை வீடு வீடாக சென்று சரி பார்க்க வேண்டும் என்றார்.

கூட்டத்துக்கு மாவட்ட செயலர் அரவிந்தராஜா முன்னிலை வகித்தார்.
மாவட்ட பொறுப்பாளர் ஜெயகுமார் வரவேற்றார். கூட்டத்தில் மாநில இளைஞரணி செயலர் பாஸ்கர் மதுரம், கிழக்கு மாவட்ட செயலர் சுப்பிரமணியன், மாநகர மாவட்ட செயலர் செல்லப்பா, இன்பராஜ் ஆகியோர் கலந்து கொண்டனர். தென்காசி ஒன்றிய செயலர் சந்திரன் நன்றி கூறினார்.

திங்கள், 3 பிப்ரவரி, 2014

சட்டசபை கூட்டம்: புதிய தமிழகம், மனித நேய மக்கள் கட்சி புறக்கணிப்பு!

சட்டசபை கூட்டம்: புதிய தமிழகம், மனித நேய மக்கள் கட்சி புறக்கணிப்பு!


தமிழக சட்டசபையின் இன்றைய கூட்டத்தை புதிய தமிழகம் கட்சியும், மனித நேய மக்கள் கட்சியும் புறக்கணித்துள்ளது.

இதுகுறித்து, மனித நேய மக்கள் கட்சி தலைவர் ஜவாகிருல்லா எம்.எல்.ஏ. கூறும்போது, ''நீலாங்கரை போலீஸ் நிலையத்தில் முஸ்லீம் சிறுவன் மீது துப்பாக்கி சூடு நடந்த சம்பவம், செவிலியர் பயிற்சி மாணவிகள் போராட்டம், கூடங்குளம் அணுஉலை எதிர்ப்பாளர்கள் மீது போடப்பட்ட வழக்குகளை வாபஸ் பெறுவது உள்பட பல்வேறு பிரச்னைகளை பேசலாம் என்றிருந்தோம். ஆனால், சட்டசபையில் பொதுமக்கள் பிரச்னைகளை பற்றி பேச போதிய அவகாசம் தருவதில்லை.

இதற்கு முன்பு நான் 12 நிமிடம் தான் பேசியிருப்பேன். ஆனால், நான் 28 நிமிடம் பேசிவிட்டதாகவும், இனிமேல் பேச நேரம் ஒதுக்க முடியாது என்றும் கூறி பேச அனுமதி மறுத்து விட்டனர். அமைச்சர்கள் குறுக்கீடு அதிகம் இருப்பதால் எங்களுக்கு அதிக வாய்ப்பு கிடைப்பதில்லை.

முஸ்லீம்கள் இடஒதுக்கீடு பிரச்னை, ஆசிரியர் தகுதி தேர்வில் இடஒதுக்கீடு என பல்வேறு விசயங்கள் குறித்து முழுமையாக விவாதிக்க முடியாததால் இன்று சட்டசபைக்கு செல்லாமல் புறக்கணித்துள்ளோம்'' என்றார்.

புதிய தமிழகம் கட்சி தலைவர் டாக்டர் கிருஷ்ணசாமி எம்.எல்.ஏ. கூறும்போது, ''‘‘கவர்னர் உரையின் மீது ஆளுங்கட்சி உறுப்பினர் பேசும் போது, சம்பந்தமில்லாமல் அவையில் இல்லாதவர்களை பற்றி பேசுகிறார். இதற்கு பதில் கூற தி.மு.க. முற்பட்டபோது அவர்களுக்கு அனுமதி மறுக்கப்பட்டது. இதனால் அவர்கள் ஏற்கனவே அவையை புறக்கணித்துள்ளனர். இதேபோல் தே.மு.தி.க.வும் அவையை புறக்கணித்துள்ளது.

சட்டசபையில் மக்கள் பிரச்னைகளை பேச மக்கள் எதிர்பார்க்கிறார்கள். ஆனால் எங்களால் மக்கள் பிரச்னைகளை பற்றி முழுமையாக பேச முடியவில்லை. நாங்கள் எதுவும் பேசினால் உடனே அவை குறிப்பில் இருந்து நீக்கி விடுகிறார்கள். ஒரு ஆரோக்கிய விவாதமாக பேச முடியவில்லை. எனவே புதிய தமிழகம் கட்சி இன்றைய சட்டசபை நிகழ்ச்சிகளை புறக்கணித்துள்ளது'' என்றார்.

சட்டப்பேரவையில் இருந்து கிருஷ்ணசாமி வெளிநடப்பு!






சென்னை: தமிழக சட்டப்பேரவையில் இருந்து புதிய தமிழகம் கட்சித் தலைவர் கிருஷ்ணசாமி வெளிநடப்பு செய்தார்.

தமிழக சட்டப்பேரவையில் இன்று ஆளுநர் உரைக்கு நன்றி தெரிவிக்கும் விவாதத்தில் புதிய தமிழகம் கட்சித் தலைவர் கிருஷ்ணசாமி கலந்து கொண்டு பேசினார்.

அப்போது, தொழில் முதலீட்டாளர்கள் மீது தமிழக அரசு அக்கறை செலுத்தவில்லை என புகார் தெரிவித்தார்.

இந்த புகாருக்கு அமைச்சர் உரிய விளக்கம் தராததால் வெளிநடப்பு செய்ததாக கிருஷ்ணசாமி செய்தியாளர்களிடம் தெரிவித்தார்.

சட்டப்பேரவை கூட்டத் தொடரை தி.மு.க., தே.மு.தி.க புறக்கணித்துள்ள நிலையில், கிருஷ்ணசாமியும் வெளிநடப்பு செய்துள்ளார்.

மேலும், மனித நேய மக்கள் கட்சி உறுப்பினர்களும் வெளிநடப்பு செய்தனர்.

சட்டசபை கூட்டம்: புதிய தமிழகம்–மனித நேய மக்கள் கட்சி புறக்கணிப்பு..



சட்டசபை கூட்டம்: புதிய தமிழகம்–மனித நேய மக்கள் கட்சி புறக்கணிப்பு

தமிழக சட்டசபையின் இன்றைய கூட்டத்தை மனித நேய மக்கள் கட்சி தலைவர் ஜவாகிருல்லா எம்.எல்.ஏ. புறக்கணித்து சபை நிகழ்ச்சிகளில் பங்கேற்க வில்லை என்று தெரிவித்தார்.
சட்டசபைக்கு வெளியே நிருபர்களிடம் அவர் கூறியதாவது:–
சட்டசபையில் பொது மக்கள் பிரச்சினைகளை பற்றி பேச போதிய அவகாசம் தருவதில்லை. நீலாங்கரை போலீஸ் நிலையத்தில் முஸ்லிம் சிறுவன் மீது துப்பாக்கி சூடு நடந்த சம்பவம், செவிலியர் பயிற்சி மாணவிகள் போராட்டம், கூடங்குளம் அணு உலை எதிர்ப்பாளர்கள் மீது போடப்பட்ட வழக்குகளை வாபஸ் பெறுவது உள்பட பல்வேறு பிரச்சினைகளை பேசலாம் என்றிருந்தோம்.
ஆனால் இதற்கு முன்பு நான் பேசும் போது, 28 நிமிடம் பேசிவிட்டதாகவும், மேற்கொண்டு பேச நேரம் ஒதுக்க முடியாது என்றும் கூறி மேலும் பேச அனுமதி மறுக்கப்பட்டது.
நான் 12 நிமிடம் தான் பேசியிருப்பேன். அமைச்சர்கள் குறுக்கீடு அதிகம் இருப்பதால் எங்களுக்கு அதிக வாய்ப்பு கிடைப்பதில்லை.
முஸ்லிம்கள் இடஒதுக்கீடு பிரச்சினை ஆசிரியர் தகுதி தேர்வில் இடஒதுக்கீடு என பல்வேறு விசயங்கள் பற்றி முழுமையாக விவாதிக்க முடியாததால் இன்று சட்டசபைக்கு செல்லாமல் புறக்கணித்துள்ளோம்.
இதே போல் புதிய தமிழகம் கட்சி தலைவர் டாக்டர் கிருஷ்ணசாமி எம்.எல்.ஏ. கூறியதாவது:–
‘‘கவர்னர் உரையின் மீது ஆளுங்கட்சி உறுப்பினர் பேசும் போது, சம்பந்த மில்லாமல் அவையில் இல்லாதவர்களை பற்றி பேசுகிறார். இதற்கு பதில் கூற தி.மு.க. முற்பட்ட போது ஏற்கனவே அவர்களுக்கு அனுமதி கிடைக்கவில்லை.
இதனால் அவர்கள் ஏற்கனவே அவையை புறக்கணித்துள்ளனர். இதே போல் தே.மு.தி.க.வும் அவையை புறக்கணித்திருக்கிறார்கள். சட்டசபையில் மக்கள் பிரச்சினைகளை பேச மக்கள் எதிர்பார்க்கிறார்கள்
ஆனால் எங்களால் மக்கள் பிரச்சினைகளை பற்றி முழுமையாக பேச முடியவில்லை. நாங்கள் எதுவும் பேசினால் உடனே அவை குறிப்பில் இருந்து நீக்கி விடுகிறார்கள். ஒரு ஆரோக்கிய விவாதமாக பேச முடியவில்லை.
எனவே புதிய தமிழகம் கட்சியும் இன்றைய சட்ட சபை நிகழ்ச்சிகளை புறக் கணித்துள்ளது.