எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

செவ்வாய், 6 டிசம்பர், 2011

டிசம்பர் 6: புதிய தமிழகம் உண்ணாவிரதம்




First Published : 04 Dec 2011 02:01:36 AM IST


சென்னை, டிச.3: திட்டமிட்டபடி டிசம்பர் 6-ம்தேதி உண்ணாவிரதம் நடக்கும் என்று புதிய தமிழகம் கட்சித் தலைவர் கிருஷ்ணசாமி தெரிவித்தார்.
"பரமக்குடி துப்பாக்கிச் சூட்டில் இறந்தவர்களுக்கு ரூ.5 லட்சம் வழங்கி, குடும்பத்தில் ஒருவருக்கு வேலை கொடுத்த தமிழக அரசுக்கு நன்றி தெரிவித்துக் கொள்கிறேன்.
இதே போன்று அந்த சம்பவத்தின்போது உயிரிழந்த மேலும் 3 பேர் குடும்பங்களுக்கும் நிவாரணத் தொகையும் அரசு வேலையும் வழங்கவேண்டும். தாழ்த்தப்பட்டவர்களுக்கு உள், வெளி ஒதுக்கீடுகள் இல்லாமல் 19 சதவீத இட ஒதுக்கீடு வழங்கப்பட வேண்டும். 77 சாதியைச் சேர்ந்தவர்களைப் பட்டியல் இனத்தவர்கள் என்றே அழைக்க வேண்டும்; இந்தக் கோரிக்கைகளை வலியுறுத்தி ஏற்கெனவே அறிவித்தபடி டிசம்பர் 6-ம் தேதி சென்னையில் உண்ணாவிரதம் நடக்கும்.சில்லறை வணிகத்தில் அன்னிய முதலீடு விவசாயிகளுக்கு நல்லது. இதுகுறித்துப் பொது விவாதம் நடத்த வேண்டும்.
ஏரி, குளங்களில் உள்ள ஆக்கிரமிப்புகள் அகற்றப்பட்டு மழைத் தண்ணீரைச் சேமிக்க நடவடிக்கை எடுக்கவேண்டும்.விலைவாசி உயர்வை கண்டித்து மற்ற கட்சியினரை ஒருங்கிணைத்து புதிய தமிழகம் கட்சி போராட்டம் நடத்தும்' என்றார் கிருஷ்ணசாமி.

புதிய தமிழகம் கட்சியினர் உண்ணாவிரதம்





  [செவ்வாய் - 6 டிசம்பர்-2011 - 01:43:23 மாலை ]
பரமக்குடி துப்பாக்கிச் சூடு சம்பவம், முருகன், சாந்தன், பேரறிவாளன் ஆகிய மூவரையும் தூக்குத் தண்டனையிலிருந்து காப்பாற்றுதல் உள்ளிட்ட கோரிக்கைகளை வலியுறுத்தி; புதிய தமிழகம் கட்சி சார்பில் சென்னையில உண்ணாநிலைப் போராட்டம் நடைபெற்றது.
புதிய தமிழகம் கட்சியின் நிறுவனத் தலைவர் மருத்துவர் கிருஷ்ணசாமி தலைமையில் நடைபெற்ற இப்போராட்டத்தில், கட்சியின் நிலக்கோட்டை சட்டமன்ற உறுப்பினர் ராமசாமி மற்றும் மாவட்டப் பொறுப்பாளர்கள் ஏராளமானோர் கலந்து கொண்டனர். முன்னதாக பேரூந்து நிலையம் அருகேயுள்ள அம்பேத்கரின் சிலைக்கு மாலை அணிவித்து மரியாதை செலுத்தப்பட்டது.
தொடர்ந்து செய்தியாளர்களை சந்தித்த மருத்துவர் கிருஷ்ணசாமி, பரமக்குடி துப்பாக்கிச்சூடு சம்பவத்தால் உயிரிழந்த ஆறுபேரைத் தவிர மேலும் பாதிக்கப்பட்ட மூன்று குடும்பங்களுக்கு நிவாரணம் வழங்க வேண்டுமென்று கேட்டுக்கொண்டார்.
அத்துடன் ஆதிதிராவிட நலத்துறைக்கு பட்டியல் துறை என பெயர் மாற்றம் செய்ய வேண்டும், தேவேந்திர குல வேளாளர் என அரசாணை பிறப்பி;க்க வேண்டும் என்று தெரிவித்த அவர், பேரறிவாளன் உள்ளிட்ட மூவரின் உயிரைக் காப்பாற்ற தமிழக அமைச்சரவையைக் கூட்டி தீhமானம் இயற்றி, நடுவண் அரசிடம் வலியுறுத்த வேண்டுமென்றும் கேட்டுக் கொண்டார்.

வியாழன், 1 டிசம்பர், 2011

வெள்ள நிவாரண நிதியில் பல கோடி முறைகேடு - டாக்டர் கிருஷ்ணசாமி

 





தூத்துக்குடி டிச.1-
புதிய தமிழகம் கட்சியின் தலைவரும், ஓட்டப்பிடாரம் சட்டமன்ற உறுப்பினருமான டாக்டர் க.கிருஷ்ணசாமி தூத்துக்குடியில் செய்தியாளர்களிடம் பேசுகையில், "கடந்த செப்டம்பர் மாதம் பரமக்குடி துப்பாக்கி சூடு சம்பவத்தில் சுட்டுக் கொலை செய்யப்பட்ட குடும்பத்தினருக்கு ஐந்து லட்சம் நிவாரணமும், அரசு வேலையும் வழங்க வேண்டும் என்பது உள்ளிட்ட ஏழு கோரிக்கைகளை வலியுறுத்தி  டிசம்பர் ஆறாம் தேதி சென்னையில் புதிய தமிழகம் கட்சியின் சார்பில் முதற்கட்டமாக உண்ணாவிரதப் போராட்டம் அறிவித்து இருந்தோம். தமிழக முதல்வர் பரமக்குடியில் பலியான குடும்பத்திற்கு கூடுதலாக நான்கு லட்சம் ரூபாயும், பாதிக்கப்பட்ட குடும்பத்திற்கு அரசு வேலையும் அறிவித்து உள்ளார்கள். எனினும் சம்பந்தப்பட்ட காவல்துறை அதிகாரிகள் மீது எவ்வித நடவடிக்கையும் எடுக்கவில்லை, இம்மானுவேல் சேகரனாரின் பிறந்த நாளையும், இறந்த நாளையும் அரசு விழாவாக  அறிவிக்க வேண்டும், பள்ளர், குடும்பன், காலாடி உள்ளிட்ட சாதிகளை தேவேந்திர குல வேளாளர் என அறிவிக்க வேண்டும்,  அருந்ததியர் உள் இட ஒதுக்கீட்டை  ரத்து செய்ய வேண்டும், ஆதிதிராவிட நலத்துறை என்பதை பட்டியலினத்துறை எனப் பெயர் மாற்றம் செய்ய வேண்டும் என்பன போன்ற பிற கோரிக்கைகளை வலியுறுத்தி டிசம்பர் ஆறாம் தேதி நடக்கும் உண்ணாவிரதப் போராட்டம் குறித்து நாளை, நாளை மறுநாள் மாவட்ட நிர்வாகிகளுடன் கலந்து ஆலோசித்து நடவடிக்கை எடுக்கப்படும்

.
அண்மையில் பெய்த மழையினால் தமிழக அளவில் பெரும் சேதம் ஏற்பட்டுள்ளது. ஓட்டப்பிடாரம் பகுதில் மட்டுமின்றி தமிழகத்தின் பிற பகுதிகளிலும் மழையினால் இறந்தவர்களின் குடும்பத்திற்கு இரண்டு லட்சம் நிவாரணம் வழங்க வேண்டும். தமிழகத்தில் பழுதான சாலைகள், பல பாலங்கள், குளங்கள் சேதமடைந்தன. இதற்கு மத்திய அரசை எதிர்பார்க்காமல் அரசு தமிழக அரசு உடனடி நடவடிக்கை மேற்கொள்ள வேண்டும். ஓட்டப்பிடாரம் தொகுதியில் மழை வெள்ளத்தால் அதிகளவு சேதம் அடைந்துள்ளது. இரண்டு நாட்கள் பாதிக்கப்பட்ட பகுதிகளை ஆய்வு செய்துள்ளேன். வெள்ள பாதிப்புகளை சரி செய்வதற்கு தமிழக அரசு ஓட்டப்பிடாரம் தொகுதிக்கு முதற்கட்டமாக நூறு கோடி ரூபாய் சிறப்பு ஒதுக்கீடு செய்ய வேண்டும்.
அத்திமரப்பட்டி கிராமத்தில் வைரமணி என்ற சிறுவன் மழை நேரத்தில் மின்சாரம் தாக்கி இறந்துள்ளான். மாப்பிளையூரணி கிராமத்தில் பாலமுருகன் என்ற இளைஞர் குளத்தில் மூழ்கி இறந்துள்ளார். ஜாகீர் உசேன் காலனியில் சம்சுராஜாஉசேன் என்ற பன்னிரண்டு வயது சிறுவன் ஓடையில் மூழ்கி இறந்துள்ளான். தருவைக்குளத்தில் மீன் பிடிக்க சென்ற அந்தோணி ஜெயக்குமார் சென்ற மீனவரை கடந்த மாதம் இருபதாம் தேதி முதல் காணவில்லை. இவரது உயிர்க்கு ஆபத்து ஏற்பட்டு இருக்கலாம். எனவே பாதிக்கப்பட்ட இந்த நான்கு குடும்பங்களுக்கும் தலா இரண்டு இலட்சம் தமிழக அரசு நஷ்ட ஈடு வழங்க வேண்டும்.


மீனவர்கள் காணாமல் போவது தமிழகத்தில் அடிக்கடி நடைபெற்று வருகின்றது. கடலோர காவல் படை விரைந்து செயல்படாமல் உள்ளது. எனவே தமிழக அரசு மீனவர்களை தேடும் பணிக்காக சொந்தமாக ஹெலிகாப்டர் வாங்க வேண்டும். முழுமையாக கடலோர காவல்படையை மட்டும் நம்பி இருக்காமல் காணாமல் போகும் மீனவர்களை கண்டு பிடிக்க தமிழக மீன்வளத்துறை மூலம் அனைத்து உபகரணங்களும் அரசு தயாராக வைத்திருக்க வேண்டும்.



ஒவ்வொரு முறையும் தமிழகத்தில் வெள்ள சேதம் ஏற்படும் பொழுது தற்காலிக நிவாரணப் பணிகள், நிரந்தர நிவாரணப் பணிகள் என்ற பெயரில் நடைபெற்ற வேளைகளில் பல்வேறு முறைகேடுகள் நடைபெற்றுள்ளது. கடந்த 2010-2011ம் ஆண்டுகளில் கோரம்பள்ளம் பகுதிகளில் மட்டும் ஒரு கோடியே இருபத்தி ஒன்பது இலட்சம் ரூபாய்க்கு 63 வேலைகள் நடைபெற்றுள்ளதாக அரசு தெரிவித்துள்ளது. இதில் பல கோடி முறைகேடுகள் நடைபெற்றுள்ளது. எந்த வேலையும் முறையாக நடைபெறவில்லை.  


மாவட்ட ஊராட்சியின் நிதி முறைகேடாக பயன்படுத்தப்பட்டுள்ளது.
கடந்த 2006 முதல் 2011 வரை தூத்துக்குடி மாவட்ட ஊராட்சியில் வேலைகள் நடைபெற்றதாக பல கோடிகள் முறைகேடு செய்யப்பட்டுள்ளது.  மாவட்ட ஊராட்சி நிதியில் செலவிடப்பட்ட தொகை குறித்து தமிழக அரசு வெள்ளை அறிக்கை வெளியிட வேண்டும். தனியாக விசாரணை கமிசன் அமைக்க வேண்டும். சில்லறை வணிகத்தில் அந்நிய முதலீடு குறித்து தேசி அளவில் பொது விவாதம் நடத்தப் பட வேண்டும். தமிழ்நாட்டில் பால் விலை உயர்வு, பஸ் கட்டண உயர்வு, உயர்த்தப்பட உள்ள மின் கட்டணம் இவையெல்லாம் ஏற்புடையதல்ல. கடந்த கால ஆட்சியை குறை சொல்லலி விலையேற்றத்தை நியாயப்படுத்தக் கூடாது. மின் கட்டணத்தை உயர்த்தக் கூடாது. விலைவாசி உயர்விற்கு எதிராக ஒத்த கருத்துடைய  அமைப்புகள், அரசியைக் கட்சிகளோடு இணைந்து போராடுவோம்" என்று டாக்டர். க. கிருஷ்ணசாமி எம்.எல்.ஏ. தனது பேட்டியில் கூறினார்.  அப்போது மாவட்ட செயலாளர் வக்கீல்.கனகராஜ், மாவட்ட பொறுப்பாளர் கருப்பசாமி, ஓட்டபிடாரம் ஒன்றிய செயலாளர் பாபு, தூத்துக்குடி ஒன்றிய செயலாளர் பெருமாள், மாநகர செயலாளர் கனகராஜ், தூத்துக்குடி தொகுதி பொறுப்பாளர் மகாராஜன், புதூர் பாண்டியாப்ரோம் ஊராட்சி மன்றத் தலைவர் முனியசாமி உள்ளிட்டோர் உடனிருந்தனர்.

வெள்ளி, 25 நவம்பர், 2011

சென்னையில் 6-ந்தேதி டாக்டர் கிருஷ்ணசாமி உண்ணாவிரதம்


வீர தேவேந்திரர்களுக்கு வணக்கம் நம் சொந்தங்கள் எல்லாம் நிச்சயம் டிசம்பர் 6 இல் சென்னையில் ஒன்று கூடுவோம் தேவேந்திர குல வேளாளர் எனும் எங்கள் அடையாளத்தை ஆதிதிராவிடர் என்று அழைக்காமல் தேவேந்திர குல வேளாளர் என்று பெயர் மாற்றம் செய்க என்று தமிழக அரசை வலியுறுத்தி மாபெரும் உண்ணாவிரதம் வீர தேவேந்திர இனமே ஒன்றாய் திரண்டு வாரீர் வாரீர் என்று தமிழின போராளி டாக்டர் க.கிருஷ்ணசாமி அவர்கள் அழைக்கிறார்

செவ்வாய், 22 நவம்பர், 2011

சென்னையில் 6-ந்தேதி டாக்டர் கிருஷ்ணசாமி உண்ணாவிரதம்


   
புதிய தமிழகம் கட்சி தலைவர் டாக்டர் கிருஷ்ணசாமி இன்று நிருபர்களிடம் கூறியதாவது:-
 
பள்ளர், உருப்பர் போன்ற சில சாதிகளை தேவேந்திர குல வேளாளர் பிரிவில் சேர்க்க வேண்டும், அருந்த தியருக்கு வழங்கப்பட்ட உள் ஒதுக்கீட்டை அரசு ரத்து செய்ய வேண்டும், சாந்தன், பேரறிவாளன், முருகன் ஆகியோருக்கு வழங்கப்பட்ட தூக்கு தண்டனையை ரத்து செய்ய வேண்டும் என்ற கோரிக்கைகளை வலியுறுத்தி டிசம்பர் 6-ந்தேதி சென்னை மெமோரியல் ஹால் அருகே எனது தலைமையில் உண்ணாவிரத போராட்டம் நடக்கிறது.
 
காலை 10 மணிக்கு உண்ணாவிரதம் தொடங்குகிறது. உள்ளாட்சி தேர்தலில் வெற்றி பெற்ற தலித் தலைவர் களை இருக்கையில் அமர வைக்க மறுக்கிறார்கள். இது கண்டிக்கத்தக்கது. அணுமின் நிலையத்தை விட அனல் மின் நிலையத்தால் சுற்றுச்சூழல் பெரிதும் பாதிக்கப்படுகிறது.
 
எனவே அதற்கு எதிர்ப்பு தெரிவிக்க வேண்டும். பஸ் கட்டணம், பால் விலை உயர்வை வாபஸ் பெற வேண்டும். இதற்காக எதிர்க்கட்சிகள் ஓரணியில் நின்று போராட்டம் நடத்த வேண்டும். இதற்காக அவர்களுக்கு நான் கடிதம் எழுத உள்ளேன்.
 
இவ்வாறு அவர் கூறினார்.

சனி, 19 நவம்பர், 2011

பால், பஸ் கட்டண உயர்வை கண்டித்து புதிய தமிழகம் ஆர்ப்பாட்டம்

கோவை : ""பால்விலை, போக்குவரத்து கட்டணம் உயர்வை திரும்ப பெறக்கோரி, புதிய தமிழகம் கட்சி சார்பில், தமிழகம் முழுவதும் நாளை (21ம் தேதி) ஆர்ப்பாட்டம் நடக்கும்'' என,புதிய தமிழகம் கட்சி நிறுவனர் கிருஷ்ணசாமி கூறினார். அவர் நிருபர்களிடம் நேற்று கூறியதாவது:பரமக்குடியில் நடந்த துப்பாக்கிச் சூட்டை கண்டிக்கிறோம்; இதில் பாதிக்கப்பட்ட குடும்பங்களுக்கு, மாநில அரசு தலா ஐந்து லட்சம் ரூபாய் நஷ்டஈடாக வழங்க வேண்டும்; ஒடுக்கப்பட்ட மக்களை வஞ்சிக்கும் உள் இட ஒதுக்கீட்டை ரத்து செய்ய வேண்டும்; ஆதி திராவிட நலத்துறைக்கு "பட்டியல் இனத்துறை' என பெயர் மாற்றம் செய்ய வேண்டும். இம்மானுவேல் சேகரன் பிறந்த நாள் மற்றும் நினைவுநாளை அரசு விழாவாக அறிவிக்க வேண்டும் உள்ளிட்ட கோரிக்கைகளை வலியுறுத்தி, புதிய தமிழகம் கட்சி சார்பில், சென்னை மெமோரியல் ஹாலில் ஒருநாள் உண்ணாவிரதம் வரும் டிச.,6 ல் நடக்கிறது.
அதிமுக அரசு பால் மற்றும் பஸ் கட்டணத்தை நூறு சதவீதம் உயர்த்தி, தமிழக மக்கள் மீது சுமையை ஏற்றியுள்ளது. விலையேற்றத்துக்கு, அரசு என்ன காரணம் கூறினாலும், அதை ஏற்றுக்கொள்ளும் மனநிலையில் மக்கள் இல்லை."பால்விலை, போக்குவரத்து கட்டணம் உயர்வை திரும்பபெறக்கோரி, புதிய தமிழகம் கட்சி சார்பில், தமிழகம் முழுவதும் உள்ள கலெக்டர் மற்றும் தாலுகா அலுவலகங்கள் முன், நாளை ஆர்ப்பாட்டம் நடக்கும்.
இவ்வாறு, கிருஷ்ணசாமி கூறினார்

மாவீரர் தினத்தில் தனி ஈழம் அமைவதற்கு சூளுரை: டாக்டர் கிருஷ்ணசாமி

இலங்கையில் தனி தமிழீழம் அமைப்பதற்காக போராடி உயிர் நீத்த மாவீரர்கள் தினத்தை நாளை புதிய தமிழகம் கட்சி மாவீரன் பிரபாகரன் தினமாக அனுசரிக்கும் என்று அக்கட்சித் தலைவர் டாக்டர் கிருஷ்ணசாமி கூறியுள்ளார்.

kirushnasamyஇதுகுறித்து சென்னையில் செய்தியாளர்களிடம் பேசிய டாக்டர் கிருஷ்ணசாமி, தமிழ் இனத்திற்கென்று ஒரு தனிநாடு வேண்டும் என்று பல ஆண்டுகளாக போராடி வந்த ஈழத் தமிழ் மக்கள் ஆயிரக்கணக்கானோர் உயிர் தியாகம் செய்திருக்கிறார்கள்.
அந்த தியாகிகளை போற்றும் வண்ணம் ஒவ்வொரு ஆண்டும் நவம்பர் 27ஆம் தேதியை மாவீரர் தினமாக விடுதலைப்புலிகள் அமைப்பின் தலைவர் பிரபாகரன் அறிவித்து அனுசரித்து வந்தார்.
தமிழினத்திற்கு ஒரு நாடு வேண்டும் என்கிற பிரபாகரனின் லட்சியம் இன்னும் நிறைவேறவில்லை. ஆனால் நிச்சயம் அந்த லட்சியம் நிறைவேறும். அதற்காக உலகத் தமிழர்கள் ஒன்று சேர்ந்து போராட வேண்டும்.
நவம்பர் 27ஆம் தேதி பிரபாகரன் மக்களிடையே தோன்றி உரையாற்றுவார் என்று சில தகவல்கள் வருகின்றன. ஆனால் அது குறித்த உண்மையான தகவல்கள் தெரியவில்லை. ஆனாலும் மாவீரர் தினத்தை புதிய தமிழகம் கட்சி பிரபாகரன் தினமாக அனுசரித்து தனி தமிழீழத்தை பெறுவதற்கான சூளுரை ஏற்க முடிவு செய்துள்ளது.
இதன்படி தமிழகத்தின் அனைத்து மாவட்ட தலைநகரங்கள், ஒன்றியங்கள் மற்றும் கிராமப்பகுதிகளிலும் கூட பிரபாரகனின் படத்தை வைத்து இந்த மாவீரர் தினத்தை அனுசரிக்க வேண்டும். இதில் தமிழகத்தின் மக்கள் பெருமளவு பங்கேற்க வேண்டும் என்றார்.