எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

செவ்வாய், 28 ஜூலை, 2015

'தேவேந்திர குல வேளாளர்' என அழைக்க, அரசாணை பிறப்பிக்க கோரி, புதிய தமிழகம் கட்சி சார்பில்ஆக., 5ம் தேதி ஆர்ப்பாட்டம்...

பட்டியல் இன பிரிவில் இடம் பெற்றுள்ளவர்களை, தேவேந்திர குல வேளாளர் என அழைக்க அரசாணை பிறப்பிக்க கோரி, ஆகஸ்டு 5ம் தேதி, மதுரையில் ஆர்ப்பாட்டம் நடத்த, புதிய தமிழகம் கட்சி முடிவு செய்துள்ளது.கோவையில் அக்கட்சியின் தலைவர் கிருஷ்ணசாமி நிருபர்களிடம் கூறியதாவது:பள்ளர், குடும்பர், காலாடி, மூப்பன், பண்ணாடி, தேவேந்திர குலத்தான் உள்ளிட்ட பல்வேறு பிரிவுகளில் உள்ளவர்களை, 'தேவேந்திர குல வேளாளர்' என அழைக்க, அரசாணை பிறப்பிக்க கோரி, பல்வேறு போராட்டங்கள் நடத்தியுள்ளோம். தமிழக சட்டசபையில் பலமுறை பேசியும், வெளிநடப்பு செய்தும் பலனில்லை. கோரிக்கையை நிறைவேற்றக் கோரி, ஆறு கட்டங்களாக போராட்டம் நடத்த முடிவு செய்துள்ளோம். முதல் கட்டமாக, மதுரையில் ஆகஸ்ட் 5ம் தேதி எனது தலைமையில், காலை, 11:00 முதல் மதியம், 1:00 மணி வரை ஆர்ப்பாட்டம் நடத்தப்படும்.முன்னாள் ஜனாதிபதி அப்துல் கலாம் மறைவு, நாட்டுக்கு ஈடு செய்ய இயலாத மிகப்பெரிய இழப்பாகும். இந்தியாவின் பெருமையை உலகளவில் உயர்த்தியவர். மக்களின் ஜனாதிபதி என இவரை அழைப்பதே பொருத்தம்.
இவ்வாறு, அவர் கூறினார்.

காலச்சுவடுகள்

காலச்சுவடுகள் .. ஓட்டப்பிடாரம் சட்டமன்ற தொகுதியில் புதிய வகுப்பறைக் கட்டிடத் திறப்புவிழா .....டாக்டர் ..கிருஷ்ணசாமி .M .D .M .L .A ., அவர்களின் சட்டமன்ற உறுப்பினர் நிதியில் ஓட்டப்பிடாரம் சட்டமன்ற தொகுதிக்குட்பட்ட வல்லநாடு கிராமத்தில் வி.டி.வி.டி. அரசு மேல்நிலைப் பள்ளியில் புதிதாக கட்டப்பட்ட வகுப்பறைக் கட்டிடத் திறப்புவிழா இன்று நடந்தது. கட்டிடத்தை ஓட்டப்பிடாரம் தொகுதி சட்டமன்ற உறுப்பினரும், புதிய தமிழகம் கட்சியின் நிறுவனத் தலைவருமான மருத்துவர் கிருஷ்ணசாமி .M .D .M .L .A ., அவர்கள் திறந்துவைத்து சிறப்புரையாற்றினார். வல்லநாடு பகுதியில் வாழும் அனைத்து சமூக மக்களும் "இதுவரை மாட்டுக்கொட்டகையாக இருந்த இடத்தை மாணவர்கள் கல்விகற்க கூடிய மாளிகையாக (வகுப்பறை கட்டிடம்) மாற்றிய டாக்டர் அய்யாவிற்கு நன்றி" என்று ஒருசேர பாராட்டினர். விழாவில் கலந்து கொண்ட அனைத்து சமூக பிரதிநிதிகளும், சமூக ஆர்வலர்களும், ஆசிரிய பெருமக்களும் சட்டமன்ற உறுப்பினர் பதவி ஏற்றவுடன் முதல் முதலில் இந்த பள்ளி கட்டிடத்துக்காக ரூ.25 இலட்சம் நிதி ஒதுக்கிய டாக்டர் அய்யாவிற்கு தங்களது நன்றிகளை தெரிவித்துக் கொண்டனர்.

காலச்சுவடுகள் ...செவ்வாய், மார்ச் 10,2015,

காலச்சுவடுகள் ...செவ்வாய், மார்ச் 10,2015,...ஓட்டப்பிடாரம் பகுதியில் ரூ.34½ லட்சம் செலவில் வளர்ச்சி பணிகளை டாக்டர் கிருஷ்ணசாமி எம்.எல்.ஏ. தொடங்கி வைத்தார்.
வளர்ச்சி பணிகள்
தூத்துக்குடி மாவட்டம் ஓட்டப்பிடாரம் அருகே உள்ள மேலமீனாட்சிபுரம் மற்றும் செவல்குளம் ஆகிய கிராமங்களில் சட்டமன்ற தொகுதி மேம்பாட்டு நிதியில் இருந்து தலா ரூ.4¾ லட்சம் செலவில் கட்டப்பட்டுள்ள அங்கன்வாடி கட்டிடம் திறப்பு விழா நடந்தது. ஓட்டப்பிடாரம் யூனியன் அணையாளர் வசந்தா தலைமை தாங்கினார். யூனியன் கூடுதல் அணையாளர்உலகநாதன் முன்னிலை வகித்தனார்.
ரூ.34½ லட்சம்
புதிய தமிழகம் கட்சி நிறுவனரும், எம்.எல்.ஏ.வுமான டாக்டர் கிருஷ்ணசாமி, அங்கன்வாடி மையங்களை திறந்து வைத்து, பொதுமக்களிடம் குறைகளை கேட்டு அறிந்தார்.
முன்னதாக வெள்ளப்பட்டி, அனந்தமாடன் பச்சேரி, கொள்ளங்கிணறு ஆகிய கிராமங்களில் ரூ.13¾ லட்சம் மதிப்பில் கட்டப்பட்டுள்ள மேல்நிலை நீர்த்தேக்க தொட்டி, அயிரவன்பட்டியில் ரூ.3½ லட்சம் செலவில் சிமெண்ட் சாலை உள்பட மொத்தம் ரூ.34½ லட்சத்தில் வளர்ச்சி திட்ட பணிகளை டாக்டர் கிருஷ்ணசாமி எம்.எல்.ஏ. தொடங்கி வைத்தார்.
விழாவில் மாநில தொண்டர் அணி செயலாளர் லட்சுமண பாண்டியன், மாவட்ட செயலாளர்கள் கருப்பசாமி, கண்ணன், ராமராஜன், கதிரேசன், புதிய தமிழகம் பாராளுமன்ற பொறுப்பாளர் பட்டவராயன், மாநில செய்தி தொடர்பாளர் பாபு, ஓட்டப்பிடாரம் ஒன்றிய செயலாளர் மனோகரன், குலசேகரநல்லூர் பஞ்சாயத்து செயலாளர் முனியசாமி உள்பட பலர் கலந்துகொண்டனர்....

காலச்சுவடுகள் ..சனி 9, பிப்ரவரி 2013....

காலச்சுவடுகள் ..சனி 9, பிப்ரவரி 2013....
தூத்துக்குடி மாவட்டத்தில் திருச்செந்தூர், ஸ்ரீவைகுண்டம், மற்றும் ஓட்டப்பிடாரம் ஆகிய ஒன்றியப் பகுதிகளில் உமரிக்காடு, நல்லூர், வாழவல்லான், குரங்கனி, ஏரல், முப்பிலிபட்டி, ஓசனூத்து, புதியம்புத்தூர், கவர்னகிரி, பாஞ்சாலங்குறிச்சி ஆகிய பகுதிகளில் தினந்தோறும் ஆயிரக் கணக்கான லாரிகளில் நிலத்தடி நீர் உறிஞ்சப்பட்டு, தொழிற்சாலைகளுக்கு குடிநீர் என்ற போர்வையில் கடத்தப்பட்டு வந்தது.
இதனால் நிலத்தடி நீர்மட்டம் மிகவும் குறைந்து, நீர்நிலைகள் அனைத்தும் வறண்டு, பொது மக்கள் குடிநீருக்காக அலையும் பரிதாப நிலை எழுந்தது. ஓட்டப்பிடாரம் உள்ளிட்ட பகுதிகளில் நிலத்தடி நீர் மட்டம் அதிகளவு சுரண்டப்பட்டு, அபாய கட்டத்தில் உள்ளதாக மத்திய குடிநீர் வழங்கல் துறை எச்சரிக்கை விடுத்தது. பெரும்பாலான மக்களுக்கு சிறுநீரக கோளாறுகளும், சுகதாரமற்ற தண்ணீரால் பல நோய்களும் ஏற்பட்டது. சாலைகள் பாதிக்கப்பட்டு, விபத்துகள் அதிகளவில் நடந்து வந்தது.
இதனால் பாதிக்கப்பட்ட மக்களும் தொடர்ந்து போராட்டம் நடத்தி வந்தனர். மார்க்சிஸ்ட் கம்யூனிஸ்ட் கட்சியின் மாநில செயலாளர் ஜி.ராமகிருஷ்ணன், இந்திய கம்யூனிஸ்ட் கட்சியின் மூத்த தலைவர் நல்லகண்ணு ஆகியோர் நிலத்தடி நீர் கொள்ளையைக் கண்டித்து அறிக்கை வெளியிட்டனர்.
ஓட்டப்பிடாரம் தொகுதியின் சட்டமன்ற உறுப்பினரான புதிய தமிழகம் கட்சித் தலைவர் டாக்டர். கிருஷ்ணசாமி சட்டசபையில் மூன்று முறை தனது தொகுதியில் நிலத்தடி நீர் சுரண்டலை தடுக்க வேண்டும் என்று கோரிக்கை வைத்தார். சென்னை உயர் நீதிமன்ற மதுரைக் கிளையில் வழக்குத் தொடர்ந்தார். ஆர்ப்பாட்டம், சைக்கிள் பேரணி, மறியல் போராட்டங்களை நடத்தினார்.
இந்திய கம்யூனிஸ்ட் கட்சி, சமத்துவ மக்கள் கட்சி, தே.மு.தி.க. ஆகிய அரசியல் கட்சிகளும், பல்வேறு சமூக அமைப்புகளும், விவசாய சங்கங்களும் தொடர்ந்து நிலத்தடி நீர்க் கொள்ளையைக் கண்டித்து போராடினர். விவசாயிகள் குறைதீர்க்கும் கூட்டத்திலும் தமிழ்நாடு விவசாய சங்கத்தினர் நிலத்தடி நீர் கொள்ளைக்கு தொடர்ந்து கடும் எதிர்ப்பு தெரிவித்தனர். தொழிற்சாலைகளுக்கு நிலத்தடி நீர் எடுக்க தடை விதிக்க கோரி 20க்கும் மேற்பட்ட பஞ்சாயத்து கிராம சபை கூட்டங்களில் தீர்மானம் நிறைவேற்றி அரசுக்கு அனுப்பி வைக்கப்பட்டது.
இந்நிலையில் ”குடிநீர் லாரி உரிமையாளர் சங்கம்” என்று பெயர் வைத்து ஆழ்குழாய் கிணறு மற்றும் டேங்கர் லாரி உரிமையாளர்கள் மீண்டும் நிலத்தடி நீர் எடுக்க அனுமதிக்க வேண்டும் என்று வலியுறுத்தி கோவில்பட்டி கோட்டாச்சியர் அலுவலகத்தை முற்றுகையிட்டனர். இதனால் ஓட்டப்பிடாரம் பகுதியில் சட்டம் ஒழுங்கு பாதிக்கப்படும் நிலை உருவானது.
இதையடுத்து ஓட்டப்பிடாரம் வட்டத்தில் தண்ணீர் லாரிகளுக்கு நிரந்தர தடை விதிக்கப்படுவதாக கோவில்பட்டி கோட்டாட்சியர் கதிரேசன் உத்தரவிட்டுள்ளார். அவர் தண்ணீர் விற்பனை செய்கின்ற நபர்களுக்கு அளித்துள்ள உத்தரவில், "ஓட்டப்பிடாரம், புதியம்புத்தூர், பாஞ்சாலங்குறிச்சி, வெள்ளாரம், குலசேகரநல்லூர், ஜம்புலிங்கபுரம், பசுவந்தனை, சிந்தலகட்டை, சில்லாநத்தம், வேப்பலோடை ஆகிய இடங்களில் பட்டா நிலத்தில் ஆழ்குழாய் கிணறு அமைத்து தனியார் தொழிற்சாலைகளுக்கு வணிக நோக்கில் விற்பனை செய்யப்படுவதாக தொடர்ந்து புகார்கள் எழுந்து வந்தது.
வறட்சி, விவசாயம் பாதிப்பு, குடிநீர் தட்டுப்பாடு போன்ற பிரச்சனைகள் காரணமாக பொதுமக்கள் ஆர்ப்பாட்டம், சாலைமறியல் போராட்டங்கள் நடத்தினர். இதனால் ஓட்டப்பிடாரம் பகுதியில் தொடர்ந்து சட்டம் ஒழுங்கு பாதிப்பு ஏற்பட்டு வந்தது. தருவைக்குளம், புதியம்புத்தூர், ஓட்டப்பிடாரம் காவல் நிலையங்களில் இதுதொடர்பான வழக்குகள் நிலுவையில் உள்ளது.
இதனால் ஆழ்குழாய் கிணறுகள் அமைத்து வணிக நோக்கத்தில் விற்பனை செய்பவர்களுக்கு விளக்கம் கேட்டு கடிதம் அனுப்பப்பட்டது. அவர்கள் கொடுத்த விளக்கம் ஏற்றுக் கொள்ளும் வகையில் இல்லை. இதனால் பொதுமக்களின் நலனுக்காக, சட்டம் ஒழுங்கை பாதுகாத்திட குற்றவியல் நடைமுறைச் சட்டம் 133 ன் படி அனுமதியின்றி வணிக நோக்கத்திற்காக நிலத்தடி நீர் எடுத்து விற்பனை செய்வது நிரந்தரமாக தடை செய்யப்படுகின்றது. இந்த தடையை மீறுபவர்கள் மீது இந்திய தண்டனைச் சட்டம் 188 ன் கீழ் கடுமையான நடவடிக்கை எடுக்கப்படும்” என்று குறிப்பிடப்பட்டுள்ளது.
இந்த உத்தரவு நகல்கள் நிலத்தடி நீர் எடுக்கின்ற 37 பேருக்கு சமர்ப்பிக்கப்பட்ட நிலையில் ஓட்டப்பிடாரம் பகுதியில் தண்ணீர் லாரிகள் முழுமையாக நிறுத்தப்பட்டுள்ளன. இதனை விவசாயிகள், வியாபாரிகள், பொதுமக்கள் வரவேற்றுள்ளனர்..

காலச்சுவடுகள் ..(29/07/2013).....தூத்துக்குடி....விவசாயிகளுக்கு உரிய வறட்சி நிவாரணம் வழங்கவில்லை: டாக்டர் .க .கிருஷ்ணசாமி ...M .D .M .L .A அவர்கள் மாவட்ட ஆட்சியரிடம் மனு...

காலச்சுவடுகள் ..(29/07/2013).....தூத்துக்குடி....விவசாயிகளுக்கு உரிய வறட்சி நிவாரணம் வழங்கவில்லை: டாக்டர் .க .கிருஷ்ணசாமி ...M .D .M .L .A அவர்கள் மாவட்ட ஆட்சியரிடம் மனு................................................................புதிய தமிழகம் கட்சி நிறுவனரும் தூத்துக்குடி மாவட்டம் ஓட்டப்பிடாரம் சட்டமன்ற தொகுதியின் எம்.எல்.ஏ.வுமான டாக்டர் கிருஷ்ணசாமி இன்று மக்கள் குறைதீர்க்கும் கூட்டத்தில் மாவட்ட ஆட்சியர் ஆஷிஷ்குமாரிடம், தன் தொகுதி விவசாயிகளுக்கு உரிய வறட்சி நிவாரணம் வழங்கப்படவில்லை என்று விவசாயிகளுடன் வந்து மனு கொடுத்துள்ளார்.
பின்னர், நிருபர்களிடம் பேசும்போது, ‘‘தூத்துக்குடி மாவட்டம் ஓட்டப்பிடாரம், எட்டையபுரம், கோவில்பட்டி, விளாத்திகுளம் ஆகிய பகுதிகளில் கம்பு, சோளம், மிளகாய் போன்ற மானாவாரி பயிர்கள் அதிகளவில் பயிரிடப்படுகிறது. ஆனால், இதில் ஐந்தில் ஒரு பகுதி கூட விளைச்சல் அளிக்கவில்லை. மாவட்டத்தின் பல பகுதிகளில் தலையாரிகள், வி.ஏ.ஓ.க்கள் பதிவேட்டில் விவசாயம் செய்த நிலங்களையும் தரிசு நிலங்களாக குறித்துள்ளனர்.
இதனால், சுமார் பத்து ஏக்கரில் விவசாயம் செய்த விவசாயிக்கு வறட்சி நிதியாக 100 முதல் 500 ரூபாய் வரையே கிடைத்துள்ளது. ஓட்டப்பிடாரம் ஒன்றியத்தில் பரிவல்லிக்கோட்டை ஓனமாகுளம், அயிரவன்பட்டி, கொல்லங்கிணறு ஆகிய 40 கிராம விவசாயிகளுக்கு உரிய வறட்சி நிவாரணம் வழங்கப்படவில்லை. இது சம்பந்தமாக விவசாயிகள் பலமுறை மனு அளித்தும் அதிகாரிகள் கண்டுகொள்ளவில்லை.
சில கிராமங்களில் வறட்சி நிவாரணம் வழங்க வி.ஏ.ஓ.க்கள் லஞ்சம் கேட்கிறார்கள். வறட்சி நிவாரணம் பெறாத விவசாயிகளுக்கு விரைவில் வறட்சி நிவாரணம் வழங்கிட வேண்டும். அதேபோல், லஞ்சம் கேட்கும் வி.ஏ.ஓ.க்கள் மீதும் நடவடிக்கை எடுக்க வேண்டும்.
ஓட்டப்பிடாரம் தொகுதியில் உள்ள பல கிராமங்களில் சுமார் 40 சதவீதத்திற்கும் மேல் தேவேந்திர குல மக்கள் வாழ்கின்றனர். அந்த பகுதிகளில் கிராம சாலைகள் நீண்ட காலமாக பழுதாகி உள்ளது. இதனால், பேருந்துகள் இந்த வழித்தடங்களில் இயக்கப்படுவதில்லை. எனவே பாரத் நிர்மாண் திட்டம் அல்லது மாவட்ட ஆட்சியரின் பொது நிதியில் இருந்து சாலைகள் அமைக்கப்பட வேண்டும் என ஆட்சியரிடம் மனு அளித்துள்ளோம். ஆட்சியரும் விரைவில் நடவடிக்கை எடுப்பதாக கூறியிருக்கிறார்’’ என்றார்.

தேவேந்திர குல வேளாளர் என அழைக்க அரசாணை பிறப்பிக்க கோரி, ஆகஸ்டு 5ம் தேதி, மதுரையில் ஆர்ப்பாட்டம்

தேவேந்திர குல வேளாளர் என அழைக்க அரசாணை பிறப்பிக்க கோரி, ஆகஸ்டு 5ம் தேதி, மதுரையில் ஆர்ப்பாட்டம் நடத்த, புதிய தமிழகம் கட்சி முடிவு செய்துள்ளது.
கோவையில் அக்கட்சியின் தலைவர் டாக்டர் கிருஷ்ணசாமி எம்எல்ஏ அவர்கள் நிருபர்களிடம் கூறியதாவது:
பள்ளர், குடும்பர், காலாடி, மூப்பன், பண்ணாடி, தேவேந்திர குலத்தான் உள்ளிட்ட பல்வேறு பிரிவுகளில் உள்ளவர்களை, 'தேவேந்திர குல வேளாளர்' என அழைக்க, அரசாணை பிறப்பிக்க கோரி, பல்வேறு போராட்டங்கள் நடத்தியுள்ளோம்.
தமிழக சட்டசபையில் பலமுறை பேசியும், வெளிநடப்பு செய்தும் பலனில்லை. கோரிக்கையை நிறைவேற்றக் கோரி, ஆறு கட்டங்களாக போராட்டம் நடத்த முடிவு செய்துள்ளோம். முதல் கட்டமாக, மதுரையில் ஆகஸ்ட் 5ம் தேதி எனது தலைமையில், காலை, 11:00 முதல் மதியம், 1:00 மணி வரை ஆர்ப்பாட்டம் நடத்தப்படும்.
முன்னாள் ஜனாதிபதி அப்துல் கலாம் மறைவு, நாட்டுக்கு ஈடு செய்ய இயலாத மிகப்பெரிய இழப்பாகும். இந்தியாவின் பெருமையை உலகளவில் உயர்த்தியவர். மக்களின் ஜனாதிபதி என இவரை அழைப்பதே பொருத்தம்.
இவ்வாறு, அவர் கூறினார்.

ஞாயிறு, 26 ஜூலை, 2015

டாக்டர் அய்யாவிற்கு நன்றி ..!!!!!!!..


டாக்டர் அய்யாவிற்கு நன்றி ..!!!!!!!..

... எனது முகநூல் மற்றும் இணைய தள சேவையை பாராட்டி கடைய நல்லூர் புதிய தமிழகம் நண்பர் ஒரு கணினியை வழங்கினார் .... மாண்புமிகு டாக்டர் அய்யா அவர்களின் பொற்கரங்களால் எனக்கு வழங்கினார்கள் ..ஆலோசனையும் அறிவுரையும் வழங்கி என்னை பாராட்டிய . மாண்புமிகு டாக்டர் அய்யா அவர்களுக்கு கோடான கோடி நன்றியை தெரிவித்துக்கொள்கிறேன்