எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

வெள்ளி, 24 ஜூலை, 2015

மாஞ்சோலை தொழிலாளர்கள் நினைவு தினம்: தாமிரபரணி ஆற்றில் கட்சிகள் அஞ்சலி..... புதிய தமிழகம் கட்சி நிறுவனர் .. டாக்டர் கிருஷ்ணசாமி ... M .D .M .L .A . : அவர்கள் தலைமையில் அஞ்சலி..!!!!!.

ஞ்சோலை தொழிலாளர்கள் நினைவு தினம்: தாமிரபரணி ஆற்றில் கட்சிகள் அஞ்சலி..... புதிய தமிழகம் கட்சி நிறுவனர் .. டாக்டர் கிருஷ்ணசாமி ... M .D .M .L .A . : அவர்கள் தலைமையில் அஞ்சலி..!!!!!...நெல்லை தாமிரபரணி ஆற்றில் மாஞ்சோலை தோட்ட தொழிலாளர்கள் 17 பேர் உயிர் நீத்த நினைவு தினம் இன்று அனுசரிக்கப்பட்டது. இதில் பல்வேறு அமைப்புகள், மற்றும் கட்சிகள் மலர் அஞ்சலி செலுத்தினர்.
1999ம் ஆண்டு ஜூலை மாதம் 23ம்தேதி மாஞ்சோலை தோட்ட தொழி லாளர்கள் போராட்டத்தின் போது போலீசார் தடியடி நடத்தியதில் தாமிரபரணி ஆற்றுக்குள் குதித்த தோட்ட தொழிலாளர்கள் 17பேர் உயரிழந்தனர். அவர்களின் நினைவு தினம் இன்று அனுசரிக்கப்பட்டது. இதில் பல்வேறு அமைப்புகளின் சார்பில் மலரஞ்சலி செலுத்த காலை 9மணி முதல் மாலை 5.30 மணி வரை நேரம் ஒதுக்கீடு செய்யப்பட்டது.
அதன்படி புதிய தமிழகம் கட்சியினர் நெல்லை சந்திப்பில் இருந்து. டாக்டர் ..கிருஷ்ணசாமி ... M .D .M .L .A . : அவர்கள் தலைமையில் ஊர்வலமாக கொக்கிரகுளம் தாமிரபரணி ஆற்றுக்கு சென்று மலர்தூவி அஞ்சலி செலுத்தினர். இந்த பேரணிக்கு புதிய தமிழகம் கட்சியின் நிறுவனத்தலைவர் டாக்டர் கிருஷ்ணசாமி எம்.எல்.ஏ. தலைமை தாங்கினார். நெல்லை மாவட்ட செயலாளர் சுப்பிரமணியன், மாநகர் மாவட்ட செயலாளர் செல்லப்பா ஆகியோர் முன்னிலை வகித்தனர். நிர்வாகிகள் அரவிந்தராஜ், மணிகண்டன் உள்பட பலர் கலந்து கொண்டனர்.

வெள்ளி, 17 ஜூலை, 2015

தி இந்து தமிழ்' நாளிதழ் இருட்டடிப்பு செய்த டாக்டர் . க . கிருஷ்ணசாமி M . D .M .L .A ., அவர்களின் .சிறப்புப் பேட்டி..

தி இந்து தமிழ்' நாளிதழ் இருட்டடிப்பு செய்த டாக்டர் . க . கிருஷ்ணசாமி M . D .M .L .A ., அவர்களின் .சிறப்புப் பேட்டி..
புரட்சிகர மார்க்சிஸ்ட் இயக்கத்தில் முக்கியப் பொறுப்பில் இருந்தவர் நீங்கள். உங்கள் பொதுவுடமை பார்வை, இப்போது ஒரே ஒரு சாதிக்கான பார்வையாக சுருங்கிவிட்டதே?
முதலாளித்துவ நாடாக இருந்த ரஷ்யாவில், தொழிலாளர்களைத் திரட்டி புரட்சி செய்தார்கள். சீனாவில் நிலச்சுவந்தார்களுக்கு எதிராக விவசாயிகள் புரட்சி செய்தார்கள். ஆனால், இங்கே பண்ணையாளர்களுக்கு எதிராக விவசாயிகளை ஓரணியில் திரட்ட முடிந்ததா-? அதற்கு சாதி தடையாக இருக்கிறது. கீழவெண்மணியில் 1968ல் பண்ணையார்களுக்கு எதிராக அனைவருக்கும் தான் போராடினார்கள். ஆனால் கொளுத்தப்பட்டது தேவேந்திர குல வேளாளர்கள் மற்றும் பறையர் சமுக மக்கள் மட்டும் தானே. மற்ற சமுதாய விவசாயிகள் எல்லாம் பண்ணையார்களுக்கு ஆதரவாகவும், அடியாட்களாகவும் ஆகிவிட்டார்களே? இந்த மண்ணில் மார்க்சியத்தை நேரடியாக செயல்படுத்த முடியாது. சாதிப்பிரச்சினைக்கு தீர்வு காணாமல் வர்க்கமாக ஒன்றிணைய முடியாது. சர்க்கரை வியாதியுள்ள மனிதனுக்கு அறுவை சிகிச்சை செய்ய வேண்டுமென்றால், முதலில் சர்க்கரை வியாதியை குணப்படுத்த வேண்டும். இல்லையென்றால் ஆபரேஷன் வெற்றியடையாது. அதை தமிழக கம்யூனிஸ்ட் கட்சிகள் செய்யவில்லை. நாங்கள் செய்கிறோம். உண்மையான பொதுவுடமை இயக்கம் நாங்கள் தான்.மற்ற தலைவர்களாவது ஈழ அரசியல், தமிழ் ஆர்வலர் போன்ற சாயம் பூசிய சாதி அரசியல் செய்கிறார்கள். நீங்கள் அப்பட்டமான சாதித்தலைவராக தென்படுகிறீர்களே?
இது தவறான குற்றச்சாட்டு. அம்பேத்கர் மகர் என்ற ஒரு சாதியினரை வைத்துக் கொண்டு தான் ஒடுக்கப்பட்ட மக்களுக்கான போராட்டத்தை முன்னெடுத்தார். அதற்காக அவர் மகர் சாதிக்கு மட்டுமான தலைவராகி விடுவாரா? நாட்டில் உள்ள அனைத்து ஒடுக்கப்பட்ட மக்களுக்கான போராட்டத்திற்கு, அம்பேத்கருக்கு எப்படி மகர் மக்கள் பின்புலமாக இருந்தார்களோ அதைப்போலவே என்னுடைய போராட்டத்திற்கு தேவேந்திர குல வேளாளர் சமுதாய மக்கள் பின்புலமாக உள்ளார்கள். பிற சமுதாயத்திற்கும் சேர்த்து போராடுகிற போர் வீரர்களாகவே நாங்கள் அவர்களைக் கருதுகிறோம்.
-தென்மாவட்டங்களில் தேவேந்திர குல வேளாளருக்கும், தேவர் சமுதாயத்திற்கும் இடையே 1928ல் இருந்தே மோதல் ஏற்பட்டு வருகிறது. இதை வைத்து அரசியல் செய்யும் நீங்கள், இதற்கான தீர்வை நோக்கி எப்போதாவது நகர்ந்திருக்கிறீர்களா?
இந்தப் பிரச்சினைக்குத் தீர்வு ஆட்சியாளர்களின் கையில் தான் இருக்கிறது. ஒரு சாதிக்கு முன்னுரிமை தருவதையும் இன்னொரு சாதிக்கு பின் தள்ளுவதையும் ஆட்சியாளர்கள் முதலில் நிறுத்த வேண்டும். சிலை வைப்பது, பெயர் சூட்டுவது, தலைவர்களின் நினைவிடத்திற்குச் செல்வது போன்றவற்றில் காட்டுகிற வேறுபாட்டை நிறுத்த வேண்டும். அதன் மூலமாகத் தான் தென்மாவட்டங்களில் நடைபெறுகிற மோதல்களை நடத்து நிறுத்த முடியும். தேவேந்திர குல மக்கள் வேறு யார் மீதும் சாதி ரீதியான வெறுப்பை காட்டியதில்லை. அவர்கள் வேற்றுமைக்கும், வெறுப்புக்கும் ஆளானவர்கள். வெறுப்பை நீக்க வேண்டியவர்கள் எதிர்தரப்பினர் தான்..

'தி இந்து தமிழ்' நாளிதழ் இருட்டடிப்பு செய்த டாக்டர் . க . கிருஷ்ணசாமி M . D .M .L .A ., அவர்களின் .சிறப்புப் பேட்டி..


-1984 முதல் 1991 வரை நீங்கள் திமுககாரராகவே இருந்திருக்கிறீர்கள். தொடர்ந்து அங்கேயே இருந்திருந்தால் பட்டியல் சமுக மக்களுக்கு ஏதாவது செய்திருக்க முடியும் என்று கருதுகிறீர்களா?
திமுகவில் அதற்கான ஸ்பேஸ் எல்லாம் எப்போதோ போய்விட்டது. மாவட்ட அளவிலான தலைவர்கள் எல்லாம் சுய சாதிப்பற்றோடு இருந்து கொண்டு வெறுமனே அண்ணா, பெரியார், அம்பேத்கரின் பெயர்களைச் சொல்கிறார்கள். உண்மையிலேயே அவர்களது லட்சியங்களை உள்வாங்கிக் கொண்டு செயல்படுவதில்லை. எனவே தான் இதில் நீடிக்க முடியாது என்று வெளியேறினேன்.
--உங்கள் கட்சி தொடங்கி 14 ஆண்டுகள் ஆகிவிட்டது. நீங்கள் செய்ததை பட்டியலிட முடியுமா?
நிற்கதியாக நின்ற பட்டியல் சமுக மக்களுக்கான தமிழகத்தில் உருவான முதல் அரசியல் கட்சி புதிய தமிழகம் தான். மக்களுக்கான பிரச்சினையை எடுக்கவே ஆளே இல்லாத நிலையில் அதை முன்னெடுத்தது நாங்கள் தான். ஆரம்பத்தில், தமிழகத்தில் 22 ஆயிரத்திற்கும் மேற்பட்ட கிராமங்களில் இரட்டை தம்ளர் முறை இருந்தது அதை முதன்முதலில் சட்டசபையில் பதிவு செய்தது புதிய தமிழகம் கட்சியே. இப்போது அது வெகுவாக குறைந்திருக்கிறது. ஒரு கால கட்டத்தில் தமிழகத்தில் பட்டியல் சமுக மக்கள் தாக்கப்படாத நாளே இல்லை என்ற நிலை இருந்தது. இன்றைக்கு அது எவ்வளவோ குறைந்திருக்கிறது. குரலற்றவர்களின் குரலாக புதிய தமிழகம் இருக்கிறது. இடஒதுக்கீடு இருந்து பல உரிமைகளை காப்பாற்றித் தருகிறது. ஆதிக்க மனப்பான்மையுடன் யார் செயல்பட்டாலும் அதைத் துணிவோடு எதிர்த்து நிற்கும் வல்லமையை எங்கள் மக்களுக்கு ஊட்டியிருக்கிறோம்.
--கட்சி ஆரம்பிக்கும் முன், நீங்கள் ஒரு எம்எல்ஏ. கட்சி ஆரம்பித்து 14 ஆண்டுகள் ஆகிய பிறகு கூடுதலாக ஒரு எம்எல்ஏ. இதுதான் உங்கள் வளர்ச்சியா?
முற்போக்கு சக்தி ஒரு வெற்றியை பதிவு செய்துவிட்டால், பிற்போக்கு சக்திகள் எல்லாம் ஒன்று சேர்ந்துகொள்வார்கள். ஓட்டப்பிடாரத்தில் நாங்கள் ஒரு வெற்றி பெற்றதும், மற்ற தொகுதிகளில் எல்லாம் பிற்போக்கு சக்திகளும், எம் மக்களுக்கு எதிரானவர்களும் ஒன்று சேர்ந்துவிட்டன. இதற்கு சில அரசியல்கட்சிகளும் உடந்தையாக இருக்கின்றன. பணத்திற்கு எளிதாக இரையாகக் கூடிய சிலரை வைத்துக் கொண்டு, ஒவ்வொரு தேர்தலிலும் எங்களுக்கு பல்வேறு இடையூறுகளைச் செய்தார்கள். தேவேந்திரர் என்ற அடையாளத்துடன் போட்டி வேட்பாளர்களை நிறுத்துவது, எங்களைப் பற்றி அவதூறு பிரச்சாரம் செய்வது, நான் தேவேந்திர குலத்தானே இல்லை என்று வழக்குப் போடுவது என்று அவர்கள் செய்த சதிகளுக்கு அளவே கிடையாது. ஆனாலும், 99 சதவிகித தேவேந்திர குல மக்கள் எங்களோடு இருக்கிறார்கள். 2001ல் 10 தொகுதிகளில் போட்டியிட்டோம். வரும் தேர்தலில் எங்கள் வளர்ச்சி இன்னும் பிரகாசமாக இருக்கும்.உங்கள் கட்சியில் இரண்டாம் கட்டத் தலைவர்களே இல்லையே? உங்களுக்கு அடுத்து என்று யாரை அடையாளம் காட்ட விரும்புகிறீர்கள்?
கொள்கை ரீதியாக சிலரை வளர்த்துவிடுவதில் ஆர்வம் காட்டுகிறேன். உரிய நேரத்தில் அவர்கள் அடையாளம் காட்டப்படுவார்கள்.
-ஏற்கெனவே சட்டமன்ற உறுப்பினராக இருக்கிறீர்கள். இடையில் மக்களவைத் தேர்தல் வந்தபோது, நீங்களே வேட்பாளராக இறங்குகிறீர்கள். கட்சியில் வேறு யாரையும் நிறுத்தியிருக்க கூடாதா?
ஒவ்வொரு மக்களவைத் தேர்தலிலும் தமிழகத்தில் 7 எம்பிக்கள் பட்டியல் இன சமுதாயத்தில் இருந்து தேர்ந்தெடுக்கப்படுகிறார்கள். அவர்கள் எல்லாம் தங்கள் கட்சியின் குரலாகத் தான் ஒலிக்கிறார்களே தவிர இந்த மக்களுக்கான கருத்தைப் பதிவு செய்வதில்லை. அங்கே பேசப்பட வேண்டிய பிரச்சினைகள் நிறைய இருக்கிறது. அங்கே வலுவான குரலாக ஒலிக்க வேண்டும் என்பதற்காகவே, நாடாளுமன்றத்திற்குச் செல்ல வேண்டும் என்று தொடர்ந்து நான் முயற்சி செய்கிறேன். நாடாளுமன்றத்திற்கு தேர்ந்தெடுக்கப்பட்டிருந்தால், சட்டமன்ற உறுப்பினராக வேறொருவரைத் தான் நிறுத்தியிருப்பேன்.

தி இந்து தமிழ்' நாளிதழ் இருட்டடிப்பு செய்த டாக்டர் . க . கிருஷ்ணசாமி M . D .M .L .A ., அவர்களின் .சிறப்புப் பேட்டி

..இப்போது திமுக கூட்டணியில் இருக்கிறீர்கள். உங்கள் இலக்கு என்ன?
எண்ணிக்கையை வைத்து நாங்கள் ஒரு கூட்டணியில் அங்கம் பெறுவது இல்லை. ஒட்டுமொத்த சமுதாயத்திற்கான குறிக்கோளை அடைவதற்காகவே கூட்டணி வைக்கிறோம். ஒரு அரசின் செயல்பாடுகளை வைத்துத் தான் அடுத்த தேர்தலில் கூட்டணியை முடிவு செய்கிறோம். எங்களுக்கு கூடுதலாக சீட் கொடுத்தால், மற்ற சாதிக்காரர்கள் கோபித்துக் கொள்வார்களே என்ற தயக்கம் தேர்தல் நேரத்தில் அரசியல் கட்சிகளிடம் வந்துவிடுகிறது. பட்டியல் சமுக மக்களின் வளர்ச்சிக்கு பாடுபடுவோம் என்று சொன்னால் மட்டும் போதாது, எங்களுக்கு அதிமான வாய்ப்பு தருவதில் தான் அவர்கள் உண்மையிலேயே பெரியார், அம்பேத்கர்வாதிகளா என்பது தெரியவரும்.
-கூட்டணி ஆட்சி என்ற முழக்கத்துடன் திருமாவளவன் அணி திரட்டும் முயற்சியை முன்னெடுத்துள்ளாரே? ஈகோவை விட்டுவிட்டு அதில் இணைவீர்களா?
அவரது செயல் தும்பைவிட்டுவிட்டு வாலைப்பிடிப்பது போல் இருக்கிறது. தமிழக மக்கள் தொகையில் பட்டியல் சமுக மக்கள் 22 சதவிகிதம் பேர் இருக்கிறார்கள். இவர்களோடு 14 சதவிகித சிறுபான்மையினரையும், முக்குலத்தோர், கவுண்டர், வன்னியரல்லாத பிற்படுத்தப்பட்ட வகுப்புகளை சேர்ந்தவர்களையும் ஓரணியில் திரட்டினால், ஆட்சியையே பிடிக்க முடியும். இதைத் தான் உத்திரப்பிரதேசத்தில் கன்சிராம் செய்து காட்டினார். ஆனால், தமிழகத்தில் குறைந்தபட்சம் பட்டியல் சமுக மக்களிடையே கூட ஒற்றுமையை ஏற்படுத்தாமல், ஆட்சியில் பங்கு கேட்பது வேடிக்கையாக இருக்கிறது. வெறும் ராமதாஸ் 5 மாவட்டத்தில் உள்ள தன் சாதியினரை வைத்துக் கொண்டு, முதல்வர் வேட்பாளரையே ராமதாஸ் அறிவிக்கிறார். தமிழகத்தின் 30 மாவட்டங்களிலும் பரந்துகிடக்கும் பட்டியல் சமுக மக்களை ஒன்றிணைத்து அரசியல் செய்யாமல் விட்டது தவறு. பட்டியல் சமுக மக்களின் ஒற்றுமை தான் ஒட்டுமொத்த பிரச்சினைக்கும் தீர்வாக இருக்கும்.
தர்மபுரி கலவரத்தைத் தொடர்ந்து தமிழகம் முழுவதும் சுற்றுப்பயணம் செய்த ராமதாஸ், பிற்படுத்தப்பட்ட சமுதாயங்களை எல்லாம் பட்டியல் சமுக மக்களுக்கு எதிராக அணி திரட்டினார். அப்போது பட்டியல் சமுக மக்களை ஓரணியில் திரட்டும் முயற்சியில் நான் இறங்கினேன். அந்த கூட்டத்திற்கு வர மறுத்த திருமாவளவன், வேறு சில தலைவர்களையும் வரவிடாமல் தடுத்துவிட்டார். பிரச்சினைகள் அடிப்படையில் சேர்ந்து செயல்படாமல் இருந்துவிட்டு வெறும் கோஷங்களை மட்டும் எழுப்புவது பலன் தராது. இனியாவது பட்டியல் சமுக மக்களை ஓரணியில் திரண்டும் முயற்சியில் அவர் என்னோடு இணைந்து செயல்பட வேண்டும். அதைவிட்டுவிட்டு கூட்டணி ஆட்சி என்ற கோஷத்தோடு என்னை சந்திக்க வந்தால், அதற்கு உடன்பட நான் தயாரில்லை.
-தென்மாவட்டங்கள் என்றாலே தொழில்நிறுவனங்கள் பின்வாங்குவதற்கு சாதிக்கட்சிகளின் ஆதிக்கமும் ஒரு காரணம் என்கிறார்கள். தென்தமிழக வளர்ச்சிக்காக குரல் கொடுத்துள்ளீர்களா?
தொழில் தொடங்குவதற்கு ஏற்ற அடிப்படை கட்டமைப்பு வசதிகள் தென்மாவட்டங்களில் இல்லை. அதைச் செய்து கொடுக்க தமிழக அரசு கூடுதல் கவனம் செலுத்த வேண்டும். அத்தகைய வளர்ச்சியை தென்மாவட்டங்கள் பெற வேண்டும் என்றால், ஆண்டிற்கு ஒன்றிரண்டு முறையாவது சட்டசபை கூட்டத் தொடரை மதுரையில் கூட்ட வேண்டும் என்று நான் தொடர்ந்து வலியுறுத்தி வருகிறேன். அப்போது தான் தென்மாவட்ட பிரச்சினைகள் முன்னிலைப்படுத்தப்படும், தீர்வும் கிடைக்கும். மகாராஷ்டிரா மாநிலத்தில் மும்பையில் மட்டும் சட்டசபை கூட்டத் தொடர் நடப்பது கிடையாது, நாக்பூரிலும் நடத்துகிறார்கள். வேறு சில மாநிலங்களிலும் இதுபோல் நடக்கிறது.

வியாழன், 2 ஜூலை, 2015

கோவை அவினாசிலிங்கம் பல்கலைகழக பேராசிரியர்கள் பிரச்னைக்கு தீர்வு காண வேண்டும்:டாக்டர் .க .கிருஷ்ணசாமி . M .D .M .L .A .,வலியுறுத்தல்..ஆதரவு ..

''கோவை, அவினாசிலிங்கம் மகளிர் பல்கலை பிரச்னைக்கு ஒரு வார காலத்துக்குள் தீர்வு காண வேண்டும். இல்லையெனில் கல்வியாளர்களின் ஒத்துழைப்புடன் மாநிலம் தழுவிய போராட்டம் நடத்தப்படும்,'' என, புதிய தமிழகம் கட்சி தலைவர் டாக்டர் கிருஷ்ணசாமி கூறினார்.கோவையில் நேற்று செய்தியாளர்களிடம் அவர் கூறியதாவது:
அரசு உதவி பெறும் சில கல்வி நிறுவனங்கள், 'அரசு உதவி பெறும் நிறுவனம்' என்பதையே வெளியில் தெரிவிக்காமல், தங்களது சொந்த நிறுவனம் எனக்கூறி, நடத்தி வருகின்றன. அத்தகைய நிலைதான், தற்போது கோவை, அவினாசிலிங்கம் மகளிர் பல்கலையில் நிலவுகிறது.
வனத்துறைக்கு சொந்தமான இடத்தில், பெண்களின் மேம்பாட்டுக்காக, முன்னாள் கல்வியமைச்சர் அவினாசிலிங்கத்தால், 1957ல் இக்கல்லுாரி துவக்கப்பட்டது. கடந்த, 1988ம் ஆண்டு நிகர்நிலை பல்கலையாக தரம் உயர்த்தப்பட்டது.
ஆண்டுக்கு, 50 கோடி ரூபாய் மனிதவள மேம்பாட்டு துறையால் வழங்கப்படுகிறது. ஆசிரியர்கள், 205 பேர், பணியாளர்கள், 99 பேர் பணிபுரிகின்றனர். மாணவியர், 5,334 பேர் பயில்கின்றனர். இந்த பல்கலையை, சுய உதவி கல்வி நிறுவனமாக மாற்றும் முயற்சி நடக்கிறது.
'பல்கலையை நிர்வகிக்கும் அறக்கட்டளை தலைவரோ, அறங்காவலரோ, அவர்களது உறவினரோ, வேந்தராக நியமிக்கப்படக்கூடாது' என்பது, யு.ஜி.சி., விதி.
அதற்கு மாறாக, அறக்கட்டளை தலைவரான மீனாட்சிசுந்தரம், ஐந்தாண்டாக வேந்தராக செயல்படுகிறார். இந்த விதிமீறலால், மூன்று மாதமாக பணியாளர் சம்பளத்தை, யு.ஜி.சி., நிறுத்தி வைத்துள்ளது.
தற்போதுதான், ஆசிரியர்களுக்கு பல்கலை நிர்வாகத்தின் முறைகேடு தெரியவந்துள்ளது.
மக்கள் வரிப்பணத்தில் உருவாக்கப்பட்ட இக்கல்வி நிறுவனத்தை, வணிக நோக்கத்தில் மாற்ற இடம் தராமல், மனிதவள மேம்பாட்டுத்துறை, யு.ஜி.சி., இணைந்து பிரச்னைக்கு தீர்வு காண வேண்டும்.
மத்திய அரசு கட்டுப்பாட்டில் கொண்டு வர, ஒரு வார காலத்துக்குள் நடவடிக்கை எடுக்கவேண்டும். அறக்கட்டளையிலுள்ள பணத்தை முடக்க வேண்டும். வேந்தர் தாமாக முன்வந்து, பதவியை ராஜினாமா செய்யவேண்டும். அல்லது மத்திய அரசு அவரை பதவி நீக்கம் செய்யவேண்டும்.
தவறும்பட்சத்தில், முற்றிலும் அரசியலுக்கு அப்பாற்பட்டு, மாநிலம் முழுவதும் அனைத்து கல்வியாளர்களையும் சந்தித்து, அவர்களது ஒத்துழைப்புடன் மாநிலம் தழுவிய போராட்டம் நடத்தப்படும்.இவ்வாறு, அவர் கூறினார்.

சேலம் என்ஜீனியரிங் மாணவர் கோகுல்ராஜ் சாவு குறித்து சி.பி.ஐ. விசாரணை நடத்த வேண்டும்...டாக்டர் .க .கிருஷ்ணசாமி . M .D .M .L .A .,வலியுறுத்தல்.

சேலம் மாவட்டம் ஓமலூரை சேர்ந்த என்ஜினீயரிங் கல்லூரி மாணவர் கோகுல்ராஜ். நாமக்கல் மாவட்டத்தில் கல்லூரியில் விடுதியில் தங்கி படித்து வந்துள்ளார்.
அப்போது அங்கு வேற்று ஜாதி பெண்ணுடன் இவருக்கு காதல் ஏற்பட்டுள்ளது. கடந்த 23–ந் தேதி கோவிலுக்கு தோழியுடன் சென்ற போது மர்மநபர்களால் அழைத்து செல்லப்பட்டு கொலை செய்யப்பட்டு உள்ளார்.
அவரது தலையை ரெயில்வே தண்டவாளத்தில் வீசிச் சென்று உள்ளனர். இந்த சம்பவத்தில் போலீசார் இதுவரை வழக்குப்பதிவு செய்யவில்லை. இதை வன்மையாக கண்டிக்கிறோம். தமிழகத்தில் இதுநாள் வரை 105 காதல் ஜோடிகள் கொடூரமாக கொலை செய்யப்பட்டு உள்ளனர்.
கடந்த ஆண்டு தர்மபுரியில் இளவரசன் என்ற இளைஞர் காதல் விவகாரத்தில் இறந்தார். இந்த ஆண்டு நாமக்கலில் கோகுல் ராஜ் காதல் விவகாரத்தில் கொல்லப்பட்டு உள்ளார். தமிழகத்தில் இளைஞர்கள், பெண்களுக்கு பாதுகாப்பு இல்லை. கலப்பு காதல் ஜோடிகள் மீதான தாக்குதல் தொடர்ந்து வருகிறது.
எனவே மத்திய அரசு கோகுல்ராஜ் கொலை வழக்கை சி.பி.ஐ. விசாரிக்க உத்தரவிட வேண்டும். மேலும் தமிழகத்தில் தாழ்த்தப்பட்ட இளைஞர்கள் மீது நடத்தப்படும் தாக்குதல் குறித்து ஆய்வு செய்ய விசேஷ சட்டம் பிறப்பித்து கண்காணிக்க வேண்டும்.

ஆர்.கே.நகர் இடைத்தேர்தலில் அதிமுகவின் கிளையாக மாறிய தேர்தல் கமிஷன்... டாக்டர் . க . கிருஷ்ணசாமி . M .D .M .L .A .. குற்றசாட்டு .

ஆர்.கே.நகர் இடைத்தேர்தலில் அதிமுகவின் கிளையாக மாறிய தேர்தல் கமிஷன்... டாக்டர் . க . கிருஷ்ணசாமி . M .D .M .L .A .. குற்றசாட்டு ......கோவை: ‘ஆர்.கே.நகர் இடைத்தேர்தலில், தேர்தல் கமிஷனின் செயல்பாடு அ.தி.மு.க.வின் கிளைபோல் இருந்தது’ என்று கிருஷ்ணசாமி கருத்து தெரிவித்தார். கோவையில் நேற்று நிருபர்களிடம், புதிய தமிழகம் கட்சி தலைவர் கிருஷ்ணசாமி கூறியது: கோவையில் அவினாசிலிங்கம் பல்கலைக்கழகத்தில் நடக்கும் முறைகேடுகளை கண்டித்து ஆசிரியர்கள் மற்றும் பணியாளர்கள் போராட்டங்களில் ஈடுபட்டு வருகின்றனர். இதுகுறித்து அரசு நடவடிக்கை எடுக்காவிட்டால் கல்வியாளர்கள், சமூக ஆர்வலர்களை திரட்டி போராட்டம் நடத்தப்படும்.
ஆர்.கே.நகர் இடைத்தேர்தலை ஒரு தேர்தலாக கருத முடியாது. அதிமுக கட்சியின் தேர்தல் கிளை போன்று தேர்தல் கமிஷனின் செயல்பாடு இருந்தது. திமுக ஆட்சியில் துவங்கப்பட்ட மெட்ரோ ரயில் திட்டம் துவக்கத்தினை, அனைத்து அரசியல் கட்சியினரையும் அழைத்து பெரிய விழாவாக நடத்தாமல், வீடியோ கான்பரன்சிங் மூலமாக செய்தது ஏற்புடையதாக இல்லை. அனைத்து தரப்பு மக்களும் பயன்படுத்திட ரயில் கட்டணத்தை குறைக்க வேண்டும். இவ்வாறு அவர் கூறினார்.