எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

சனி, 28 பிப்ரவரி, 2015

புதிய தமிழகம் கட்சி நிர்வாகி கொலை: சி.பி.சி.ஐ.டி. போலீஸ் விசாரணை தொடக்கம்...

தூத்துக்குடி மாவட்டம் ஸ்ரீவைகுண்டம் பிச்சனார் தோப்பை சேர்ந்தவர் பாஸ்கர் (வயது 28), புதிய தமிழகம் கட்சியின் நகர செயலாளராக இருந்த இவர், கடந்த 22–ந்தேதி மர்ம கும்பலால் வெட்டிக்கொலை செய்யப்பட்டார். கொலையாளிகளை கைது செய்ய வேண்டும் என்று வலியுறுத்தி பாஸ்கரின் உறவினர்கள் 4 நாட்களாக போராட்டம் நடத்தினர். இதனால் அப்பகுதியில் பதற்றம் ஏற்பட்டது.
இதையடுத்து ஸ்ரீவைகுண்டம் தாலுகாவில் 144 தடை உத்தரவு பிறப்பித்து கலெக்டர் ரவிக்குமார் உத்தரவிட்டார்.
இந்நிலையில் நேற்று பாஸ்கரின் உடல் அவரது உறவினர்களிடம் ஒப்படைக்கப்பட்டது. பின்னர் மதியம் பாஸ்கர் உடல் பலத்த பாதுகாப்புடன் அடக்கம் செய்யப்பட்டது.
இந்த கொலை சம்பவம் தொடர்பாக ஸ்ரீவைகுண்டம் தெப்பக்குள தெருவை சேர்ந்த கணேசன் (வயது 23), விக்னேஷ்(22), பாதாளம் (23), இசக்கி ஆனந்த் (20), சிவா (25) ஆகிய 5 பேரை போலீசார் கைது செய்தனர்.
இதற்கிடையே அசம்பாவித சம்பவங்கள் ஏற்படாதவாறு இருக்க ஸ்ரீவைகுண்டம் தாலுகாவில் 144 தடை உத்தரவு பிறப்பித்து கலெக்டர் ரவிக்குமார் உத்தரவிட்டார். தற்போது அந்த தடை உத்தரவை மார்ச் 9–ந்தேதி மாலை 6 மணி வரை நீட்டித்து கலெக்டர் உத்தரவிட்டுள்ளார்.
இந்நிலையில் பாஸ்கர் கொலை வழக்கை சி.பி.சி.ஐ.டி. விசாரணைக்கு மாற்றி நேற்று முன்தினம் தமிழக அரசு உத்தரவிட்டது. இதையடுத்துசி சி.பி.சி.ஐ.டி. ஏ.டி.ஜி.பி.கரன்சின்ஹா உத்தரவின் பேரில் சி.பி.சி.ஐ.டி. எஸ்.பி. அன்பு, டி.எஸ்.பி. பொன்னுதுரை ஆகியோர் தலைமையிலான இன்ஸ்பெக்டர்கள் சிவகுமார், மனோகர், கலையரசன் ஆகியோர் இன்று பிற்பகல் ஸ்ரீவைகுண்டத்திற்கு வருகின்றனர். பின்னர் அவர்கள் ஸ்ரீவைகுண்டம் மற்றும் சுற்று வட்டார கிராமங்களில் விசாரணையை தொடங்கவுள்ளனர்.

ஸ்ரீவைகுண்டம் செல்ல கிருஷ்ணசாமிக்கு அனுமதி: உயர்நீதிமன்றம் உத்தரவு..


ஸ்ரீவைகுண்டம் தாலுகாவில் 144 தடை உத்தரவு பிறப்பிக்கப்பட்ட பிச்சனார்தோப்பிற்கு செல்ல கிருஷ்ணசாமிக்கு ஐகோர்ட் அனுமதி அளித்துள்ளது.

புதிய தமிழகம் கட்சியின் நிறுவன தலைவரும், ஓட்டப்பிடாரம் தொகுதி எம்எல்ஏவுமான கிருஷ்ணசாமி, ஐகோர்ட் மதுரை கிளையில் தாக்கல் செய்த மனு: புதிய தமிழகம் கட்சியின் ஸ்ரீ வைகுண்டம் நகர செயலாளர் லட்சுமணன் (எ) பாஸ்கர் கடந்த பிப்.22ல் கொலை செய்யப்பட்டார். உண்மை குற்றவாளிகள் இதுவரை கைது செய்யப்படவில்லை.

இதனிடையே ஸ்ரீவைகுண்டம் தாலுகாவில் 144 தடை உத்தரவு பிறப்பிக்கப்பட்டுள்ளது. இதனால் மாணவர்கள் பள்ளிக்கு செல்ல முடியவில்லை. பொதுமக்களின் இயல்பு வாழ்க்கை பாதித்துள்ளது. எம்எல்ஏவான என்னால் கூட அந்த பகுதிக்குள் செல்ல முடியாத நிலை ஏற்பட்டுள்ளது. ஒரு பகுதியில் நடந்த கொலைக்காக தாலுகா முழுவதும் 144 தடை உத்தரவு பிறப்பித்தது தவறு. தடை உத்தரவு பிறப்பிப்பதற்கு உரிய காரணம் கூறப்படவில்லை. எனவே தடை உத்தரவை சட்ட விரோதம் எனக் கூறி ரத்து செய்ய வேண்டும். இவ்வாறு மனுவில் கூறப்பட்டிருந்தது.

இந்த மனு நீதிபதிகள் எஸ்.தமிழ்வாணன், வி.எஸ்.ரவி ஆகியோர் முன்பு நேற்று விசாரணைக்கு வந்தது. அப்போது டாக்டர் கிருஷ்ணசாமி ஆஜராகி, தடை உத்தரவில் ஒரு குறிப்பிட்ட சமூகத்தைச் சேர்ந்தவர்கள் பெரும்பான்மையாக உள்ளதாக குறிப்பிட்டுள்ளது. இது சட்டவிரோதம் எனவே அதை ரத்து செய்ய வேண்டும் என நீதிபதியிடம் கூறினார்.

இதையடுத்து நீதிபதிகள், குறிப்பிட்ட சமூகத்தினர் பெரும்பான்மையாக உள்ளதால் பிரச்னை ஏற்படும் என கூறுவதை ஏற்க முடியாது. நமது நாடு மதசார்பற்ற நாடு. எதற்காக 144 தடை உத்தரவு போடப்பட்டது என்பது தெரியாமலேயே உத்தரவு பிறப்பிக்கப்பட்டுள்ளது. எனவே மனுதாரர் மார்ச் 1ம் தேதி காலை 11 முதல் 1.30 மணி வரை கொலை செய்யப்பட்ட லட்சுமணனின் கிராமமான பிச்சனார்தோப்பிற்கு சென்று வரலாம்.

அவருடன் 15 பேர் 3 கார்களில் செல்லலாம். மைக்கில் பேசவோ, கோஷமிடவோ கூடாது. தேவையான போலீஸ் பாதுகாப்பு அளிக்க வேண்டும் எனக் கூறிய நீதிபதிகள், மனு குறித்து அரசு தரப்பில் பதில் மனு தாக்கல் செய்ய உத்தரவிட்டு விசாரணையை 2 வாரம் தள்ளி வைத்தனர்.

ஸ்ரீவைகுண்டம் செல்ல டாக்டர் கிருஷ்ணசாமிக்கு உயர் நீதிமன்றம் அனுமதி

புதிய தமிழகம் கட்சியின் நிறுவனர் டாக்டர் கிருஷ்ணசாமி, தூத்துக்குடி மாவட்டம் ஸ்ரீவைகுண்டம் செல்வதற்கு, சென்னை உயர் நீதிமன்றம் வெள்ளிக்கிழமை நிபந்தனையுடன் அனுமதி அளித்துள்ளது.
ஸ்ரீவைகுண்டத்தில், புதிய தமிழகம் கட்சியின் நகரச் செயலர் லட்சுமணன் என்ற பாஸ்கரன் பிப்ரவரி 22இல் கொலை செய்யப்பட்டார். இதனால், ஸ்ரீவைகுண்டம் தாலுகாவில் 144 தடை உத்தரவு பிறப்பிக்கப்பட்டது. மேலும், அப்பகுதிக்கு டாக்டர் கிருஷ்ணசாமி செல்வதற்கு போலீஸார் அனுமதிக்கவில்லை.
அதையடுத்து, ஸ்ரீவைகுண்டம் செல்ல தனக்கு அனுமதி வழங்கவும், 144 தடை உத்தரவை ரத்து செய்யவும் உத்தரவிடக் கோரி, டாக்டர் கிருஷ்ணசாமி உயர் நீதிமன்ற மதுரை கிளையில் மனு தாக்கல் செய்திருந்தார்.
அந்த மனுவில், ஸ்ரீவைகுண்டத்தில் புதிய தமிழகம் கட்சியின் நிர்வாகி கொலை செய்யப்பட்டுள்ளார். போலீஸார் கொலையாளிகளைக் கைது செய்யவில்லை. மேலும், குற்றவாளிகளுக்கு உதவியாக போலீஸார் விசாரணையை கிடப்பில் போட்டுள்ளனர். ஸ்ரீவைகுண்டம் பகுதியை கலவரப் பகுதியைப் போல மாற்றியுள்ளனர். 144 தடை உத்தரவால் பேருந்துகள் இயங்கவில்லை.
பள்ளி, கல்லூரிகளுக்கு மாணவர்கள் செல்ல முடியவில்லை. தூத்துக்குடி மாவட்ட ஆட்சியர் தடை உத்தரவு பிறப்பிக்க தகுந்த காரணம் இல்லை. இந்தத் தடை உத்தரவு சட்டவிரோதமானது. எனவே, அதற்குத் தடைவிதிக்க வேண்டுóம் என அதில் குறிப்பிடப்பட்டுள்ளது.
இம்மனு நீதிபதிகள் எஸ். தமிழ்வாணன், வி.எஸ். ரவி ஆகியோர் அடங்கிய அமர்வு முன்பு வெள்ளிக்கிழமை விசாரணைக்கு வந்தது. அப்போது, டாக்டர் கிருஷ்ணசாமி நேரில் ஆஜராகி, ஸ்ரீவைகுண்டம் தாலுகாவில் எனது தொகுதிக்கு உள்பட்ட பகுதிகள் உள்ளன. எனவே, எம்.எல்.ஏ. என்ற முறையில் நான் அங்கு செல்ல உரிமை உள்ளது என்றார்.
பின்னர், டாக்டர் கிருஷ்ணசாமி மார்ச் 1ஆம் தேதி ஸ்ரீவைகுண்டம் செல்ல நீதிபதிகள் அனுமதி அளித்தனர். அன்றைய தினம் காலை 11 மணியில் இருந்து மதியம் 1.30 மணி வரையில் அவர் அங்கு இருக்கலாம். தூத்துக்குடி விமான நிலையத்தில் இருந்து 15 பேருடன் 3 வாகனங்களில் செல்லலாம். அதற்கு, போலீஸார் உரிய பாதுகாப்பு அளிக்கவேண்டும். ஸ்ரீவைகுண்டத்துக்கு செல்லும் வாகன எண்களைப் போலீஸாரிடம் தெரிவிக்கவேண்டும் என்ற நிபந்தனைகளும் விதிக்கப்பட்டன. மேலும், இந்த மனுவுக்கு மாவட்ட ஆட்சியர் பதிலளிக்க உத்தரவிட்டு, விசாரணையை ஒத்திவைத்தனர்.
தூத்துக்குடி மாவட்ட ஆட்சியருக்கு கண்டிப்பு
வழக்கு விசாரணையின்போது நீதிபதி எஸ். மதிவாணன், தூத்துக்குடி ஆட்சியரின் தடை உத்தரவு நகலைப் படித்துப் பார்த்தார். அதில், இடம்பெற்றுள்ள வாசகங்களுக்கு அவர் ஆட்சேபம் தெரிவித்தார். பின்னர் அவர் பிறப்பித்த உத்தரவில், 144 தடை உத்தரவை எந்த அடிப்படையில் பிறப்பிக்க வேண்டும் என மாவட்ட ஆட்சியருக்குத் தெரியவில்லை.
குறிப்பிட்ட பிரிவினர் அதிகம் உள்ள பகுதி என்றும், குறிப்பிட்ட வகுப்பைச் சேர்ந்தவர் கொல்லப்பட்டுள்ளார் என்பதையும் அதில் குறிப்பிட்டு, அரசியல் பிரமுகர்கள் அங்கு சென்றால் மோதல் ஏற்படும் என ஆட்சியர் அச்சம் தெரிவித்துள்ளார். இது ஜனநாயக நாடு. யாரும் எங்கும் சென்று வரலாம். தடை உத்தரவுக்கு இப்படிக் காரணம் கூறுவது சரியல்ல. இது குறித்து, மாவட்ட ஆட்சியர் உரிய விளக்கம் அளிக்கவேண்டும் என உத்தரவிட்டார்.

வியாழன், 26 பிப்ரவரி, 2015

புதிய தமிழகம் நிர்வாகி கொலையில் மணல் கொள்ளையர் தொடர்பு : கிருஷ்ணசாமி குற்றச்சாட்டு ...

tamil news, tamil news paper, tamil newspaper, tamil evening news paper
நெல்லை: ஸ்ரீவைகுண்டம் புதிய தமிழகம் செயலாளர் கொலையில் தாமிரபரணி மணல் கொள்ளையருக்கு தொடர்பு உள்ளது என டாக்டர் கிருஷ்ணசாமி குற்றம் சாட்டினார். ஸ்ரீவைகுண்டத்தில் கொலை செய்யப்பட்ட புதிய தமிழகம் கட்சி நகர செயலாளர் பாஸ்கரன் உடலை வாங்க அவரது பெற்றோர் மறுத்ததால் அது நெல்லை அரசு மருத்துவக்கல்லூரி மருத்துவமனை பிணவறையில் வைக்கப்பட்டுள்ளது. அங்கு வந்து பாஸ்கரனின் உடலுக்கு அஞ்சலி செலுத்திய டாக்டர் கிருஷ்ணசாமி நிருபர்களிடம் கூறியதாவது: 

தமிழகத்தில் கடந்த ஆண்டில் மட்டும் 102 கவுரவ, சாதி கொலைகள் நடந்ததை நான் சுட்டிக்காட்டியதற்கு சட்டம்-ஒழுங்கு பாதுகாப்பாக உள்ளது என முதலமைச்சர் பன்னீர்செல்வம் சட்டமன்றத்தில் பதிலளித்தார். அதை சமிக்ஞையாக எடுத்துக்கொண்டு ஒரு பிரிவினர் தென்மாவட்டங்களில் மற்ற பிரிவு மக்களை தொடர்ந்து படுகொலை செய்து வருகின்றனர்.ஸ்ரீவைகுண்டம் பாஸ்கரன் போலீஸ் நிலையத்திலிருந்து 50 அடி தூரத்தில் கொலை செய்யப்பட்டுள்ளார். இவரது கொலையில் தாமிரபரணியில் மணல் கொள்ளையடித்த முக்கிய பிரமுகர் தொடர்பு உள்ளது. வள்ளியூர், தச்சநல்லூரிலும் பிற சமுதாய மக்களை ஒரு பிரிவினர் கொலை செய்துள்ளனர். விரைவில் சென்னையில் அனைத்து சமுதாய தலைவர்களை கூட்டி கலந்தாலோசித்து இதற்கு தகுந்த நடவடிக்கை எடுப்போம். இவ்வாறு அவர் கூறினார்.

பாவூர்சத்திரத்தில் 2 மாணவர்கள் கொலை: உண்மை குற்றவாளிகள் மீது நடவடிக்கை எடுக்க கிருஷ்ணசாமி கோரிக்கை...

பாவூர்சத்திரத்தில் 2 மாணவர்கள் கொலை: உண்மை குற்றவாளிகள் மீது நடவடிக்கை எடுக்க கிருஷ்ணசாமி கோரிக்கை

நெல்லை மாவட்டம் சுரண்டை அருகே இனாம்வெள்ளகால் கிராமத்தைச் சேர்ந்த மாரிச்செல்வன், முருகன் என்ற 2 மாணவர்கள், பாவூர்சத்திரம் அருகே கொலை செய்யப்பட்டு கிடந்தனர். இந்த நிலையில், இனாம்வெள்ளகால் கிராமத்துக்கு புதிய தமிழகம் கட்சி தலைவர் டாக்டர் கிருஷ்ணசாமி எம்.எல்.ஏ. நேற்று வந்து, கொலை செய்யப்பட்ட மாணவர்களின் குடும்பத்தினருக்கு ஆறுதல் கூறினார்.
கொலை செய்யப்பட்ட 2 மாணவர்களின் படங்களுக்கு மாலை அணிவித்து அஞ்சலி செலுத்தினார்.
இதுதொடர்பாக டாக்டர் கிருஷ்ணசாமி எம்.எல்.ஏ. கூறியதாவது:– 
2 மாணவர்கள் கொல்லப்பட்டு, சுமார் 25 நாட்கள் ஆகியும், இதுவரை யாரும் கைது செய்யப்படாதது கண்டிக்கத்தக்கது. குறும்பலாப்பேரியை சேர்ந்த இறந்துபோன அழகர் என்ற சுடலைதான், 2 மாணவர்கள் கொலைக்கு காரணம் என்று போலீசார் கூறுகின்றனர். இதை நாங்கள் கண்டிக்கிறோம்.
போலீசாரின் நடவடிக்கை பாரபட்சமாக உள்ளது. கொலையில் தொடர்புடைய உண்மையான குற்றவாளிகள் மீது நடவடிக்கை எடுக்க வேண்டும். இதற்காக இந்த வழக்கை சி.பி.ஐ. விசாரணைக்கு மாற்றி அரசு உத்தரவிட வேண்டும். இல்லை என்றால் கோர்ட்டில் வழக்கு தொடர்ந்து, சி.பி.ஐ.க்கு மாற்ற முயற்சி செய்வோம்.
இவ்வாறு டாக்டர் கிருஷ்ணசாமி கூறினார்.
 

ஸ்ரீவைகுண்டத்தில் 144 போலீஸ் தடையுத்தரவு...கொலை வழக்கு சிபிசிஐடிக்கு மாற்றம்

தூத்துக்குடி ;புதிய தமிழகம் கட்சி பிரமுகர் கொலைவழக்கு சி.பி.சி.ஐ.டி., விசாரணைக்கு மாற்றி உத்தரவிடப்பட்டது. ஸ்ரீவைகுண்டம் தாலுகாவில் 144 போலீஸ் தடையுத்தரவு பிறப்பிக்கப்பட்டுள்ளது.
தூத்துக்குடி மாவட்டம் ஸ்ரீவைகுண்டத்தை சேர்ந்தவர் பாஸ்கரன் 26, புதிய தமிழகம் கட்சியின் நகர செயலாளர். கடந்த 22ம் தேதி ஒரு கும்பலால் வெட்டிக்கொலை செய்யப்பட்டார். இதுவரையிலும் குற்றவாளிகள் கைது செய்யப்படவில்லை. பிரேத பரிசோதனைக்கு பிறகு அவரது உடலை வாங்க உறவினர்கள் மறுத்துவிட்டனர். இந்த கொலைக்கு பிறகு ஸ்ரீவைகுண்டம்-வல்லநாடு சாலையில் பஸ் போக்குவரத்து நிறுத்தப்பட்டதால் நேற்று அந்த பகுதி மக்கள் பஸ்களை மீண்டும் இயக்க வலியுறுத்தி மறியல் போராட்டத்தில் ஈடுபட்டனர். நெல்லை டி.ஐ.ஜி.,சுமித்சரண், தூத்துக்குடி எஸ்.பி.,துரை ஆகியோர் அங்கு சென்று பேச்சுவார்த்தை நடத்தினர். விரைவில் பஸ் இயக்க நடவடிக்கை எடுக்கப்படும் என தெரிவித்தனர்.
144 தடையுத்தரவு:
புதிய தமிழகம் கட்சி தலைவர் கிருஷ்ணசாமி நேற்று ஸ்ரீவைகுண்டத்திற்கு வருவதாக இருந்தது. அவர் சென்னையில் இருந்து தூத்துக்குடிக்கு விமானத்தில் வந்தார். விமானநிலையத்தில் அவரை சந்தித்த தூத்துக்குடி எஸ்.பி.,துரை <உள்ளிட்டவர்கள், ஸ்ரீவைகுண்டத்தில் 27ம் தேதி வரையிலும் 144 தடையுத்தரவு பிறப்பிக்கப்பட்டுள்ளதால் அரசியல் தலைவர்கள் யாரும் அங்கு செல்ல தடைவிதிக்கப்பட்டிருப்பதையும், பாஸ்கரன் கொலை வழக்கு சிபிசிஐடி விசாரணைக்கு மாற்றப்பட்டதையும் தெரிவித்தனர். எனவே இதில் குற்றவாளிகள் மீது கடும் நடவடிக்கை எடுக்கப்படும் எனவும் தெரிவித்தனர்.