எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

திங்கள், 29 டிசம்பர், 2014

திராவிட கட்சிகள் ஆட்சியில் அதிகரிக்கும் கவுரவக் கொலை: கிருஷ்ணசாமி சாடல்...

மதுரை: ''திராவிட கட்சிகள் ஆட்சியில் தொழில் வளருகிறதோ இல்லையோ கவுரவக் கொலைகள் அதிகரித்துள்ளன,'' என புதிய தமிழகம் தலைவர் கிருஷ்ணசாமி குற்றம் சாட்டினார்.
மதுரையில் நடந்த ஆர்ப்பாட்டத்தில் அவர் பேசியதாவது: கலப்பு திருமணம் செய்வோர் கொலையாவது தமிழகத்தில் அதிகரித்து வருகிறது. 20 மாதங்களில் 40 பேர் கொலையாகி உள்ளனர். காதல் திருமணம் செய்தவர்களை தாக்கும்படி பா.ம.க., எம்.எல்.ஏ., ஒருவரே தூண்டுகிறார். பெண் சிசு கொலைக்கும், கலப்பு திருமணம் செய்யும் பெண் கொலை செய்யப்படுவதற்கும் வித்தியாசம் இல்லை. ஐம்பது ஆண்டுகளாக தமிழகத்தில் தி.மு.க., அ.தி.மு.க., ஆட்சியில் இருந்துள்ளன. இவர்கள் ஆட்சியில் கவுரவக் கொலைகள் அதிகரித்துள்ளன. தொழில், வேலைவாய்ப்பு வசதிகள் அதிகரிக்கிறதோ இல்லையோ, கவுரவக் கொலைகள் அதிகரித்துள்ளன. தமிழர்களுக்காக குரல் கொடுப்பதாக கூறும் நெடுமாறன், சீமான் போன்றோர் இதை கண்டிக்காதது ஏன்? ஜாதி மறுப்பு திருமணம் செய்தவர்களுக்கு பாதுகாப்பு அளிக்கும் வகையில் சட்ட திருத்தம் கொண்டு வர வேண்டும், என்றார். 

கௌரவக் கொலைகளைத் தடுக்க தனிச் சட்டம் இயற்ற வேண்டும்'

கௌரவக் கொலைகளைத் தடுக்க மத்திய, மாநில அரசுகள் தனிச் சட்டம் இயற்ற வேண்டும் என்று புதிய தமிழகம் கட்சியின் நிறுவனத் தலைவர் டாக்டர் க.கிருஷ்ணசாமி கூறினார்.
திருவாரூர் மாவட்டம், கோட்டூர் அருகே கீழமருதூரைச் சேர்ந்த தாழ்த்தப்பட்ட சமூகத்தைச் சேர்ந்தவரும், கலப்பு திருமணம் செய்த மாற்றுத் திறனாளியுமான அமிர்தவள்ளி (30), அவரது கணவர் பழனியப்பன் (37), இத்தம்பதியின் 40 நாள்களே நிரம்பிய குழந்தை அகிலேஷ் ஆகியோர் அண்மையில் உறவினர்களால் கொல்லப்பட்டனர்.
இச்சம்பவத்தை கண்டிக்கும் வகையில், திருவாரூரில் புதிய தமிழகம் கட்சி சார்பில் சனிக்கிழமை நடைபெற்ற ஆர்ப்பாட்டத்துக்கு தலைமை வகித்து, கிருஷ்ணசாமி பேசியது:
தமிழகத்தில் அண்மைக்காலமாக கலப்புத் திருமணங்களை தடுக்கும் வகையில், கௌரவக் கொலைகள் அதிகரித்து வருகின்றன.
தர்மபுரியில் இளவரசன்- திவ்யா கலப்பு திருமணத்தால் ஏற்பட்ட உயிரிழப்புக்குப் பிறகு தமிழகத்தில் ஓர் அமைப்பினர் மாவட்டம்தோறும் கலப்புத் திருமணங்களுக்கு எதிரான உணர்வைத் தூண்டும் வகையில் பிரசாரம் செய்து வருகின்றனர். இது கண்டிக்கத்தக்கது.
கௌரவக் கொலைகளைத் தடுக்க, கலப்பு திருமணத் தம்பதியரை காக்க தனிச்சட்டம் இயற்ற மத்திய, மாநில அரசுகள் நடவடிக்கை எடுக்க வேண்டும் என்றார் அவர்.
ஆர்ப்பாட்டத்தில், கட்சியின் மாவட்ட இணைச் செயலர் செளந்திரபாண்டியன், மாவட்டச் செயலர் ராஜேந்திரன், நகரச் செயலர் தியாகராஜன் உள்ளிட்டோர் பங்கேற்றனர்.
 திருவாரூரில் கட்சி நிர்வாகிகளுடன் சனிக்கிழமை ஆர்ப்பாட்டத்தில் ஈடுபட்ட புதிய தமிழகம் கட்சியின் நிறுவனத் தலைவர் க. கிருஷ்ணசாமி.

கெளரவக் கொலைகளை தடுக்க தனிச்சட்டம் : டாக்டர் கே.கிருஷ்ணசாமி வலியுறுத்தல்...

கெளரவக் கொலைகளைத் தடுóத்திட தனிச்சட்டம் இயற்றவேண்டும் என புதிய தமிழகம் கட்சித் தலைவர் டாக்டர் கே.கிருஷ்ணசாமி வலியுறுத்தினார்.
 கெளரவக் கொலைகள் மற்றும் காவல் நிலைய சாவுகளைக் கண்டித்து புதிய தமிழகம் சார்பில் மதுரையில் திங்கள்கிழமை ஆர்ப்பாட்டம் நடைபெற்றது. இதில் பங்கேற்ற அவர் செய்தியாளர்களிடம் கூறியதாவது: தென்மாவட்டங்களில் கடந்த 20 மாதங்களில் 40 பேர் கெளரவக் கொலை செய்யப்பட்டுள்ளனர். வடமாவட்டங்களில் உள்ள குறிப்பிட்ட அமைப்பினர் தென்மாவட்டங்களில் உள்ளோருடன் சேர்ந்து படுகொலைகளில் ஈடுபடுகின்றனர். ஆகவே இதுகுறித்து அரசு தீவிர விசாரணை நடத்திடவேண்டும்.
 கெளரவக் கொலைகளைத் தடுக்க சாதி மறுப்புத் திருமணம் செய்வோருக்கு அரசு உரிய பாதுகாப்பு அளிக்கவும், சிறப்பு சலுகைகள் அளிக்கவும் முன்வரவேண்டும். திராவிட ஆட்சியில்தான் சீர்திருத்த திருமணம் நடைமுறைப்படுத்தப்பட்டது.
 கெளரவக் கொலைகளைத் தடுக்க அனைத்து அமைப்பினர் பங்குபெறும் வகையில் புதிய தமிழகம் சார்பில் மாநில அளவில் கருத்தரங்கம் நடத்தப்படவுள்ளது.
 மாநிலத்தில் காவல் நிலையச் சாவுகள் நடந்துவருகின்றன. செம்பட்டி, இளையான்குடி உள்ளிட்ட இடங்களில் நடந்த காவல் நிலையச் சாவுகள் தொடர்பாக உரிய நடவடிக்கை இல்லை. ஆகவே காவல் நிலையச் சாவுகளை தடுக்கும் வகையில் அரசு நடவடிக்கை எடுக்கவேண்டும் என்றார்.
 ஆர்ப்பாட்டத்தில் புதிய தமிழகம் மதுரை புறநகர் மாவட்டச் செயலர் பி.பாஸ்கர், மதுரை செய்தித்தொடர்பாளர் தெய்வம், மாநிலச்செயலர் மதுரம் பாஸ்கர் உள்ளிட்ட ஏராளமானோர் கலந்துகொண்டனர்.

அரசு சிமின்ட் ஆலையை தனியாருக்கு தாரைவார்க்க சதி; புதிய தமிழகம் கிருஷ்ணசாமி குற்றச்சாட்டு...

ராஜபாளையம் : ""சிவகாசி அருகே ஆலங்குளம் அரசு சிமின்ட் ஆலையை தனியாருக்கு தாரை வார்க்க அரசியல் சதி நடக்கிறது,'' என, புதிய தமிழகம் கட்சி தலைவர் கிருஷ்ணசாமி குற்றம் சாட்டினார்.
இந்த ஆலையை நவீனப்படுத்த வேண்டும் உள்ளிட்ட கோரிக்கைகளை வலியுறுத்தி, ஆலங்குளத்தில் நேற்று நடந்த ஆர்ப்பாட்டத்தில்கலந்து கொண்ட கிருஷ்ணசாமி தெரிவித்ததாவது: ஆயிரக்கணக்கானவர்கள் வேலை பார்த்த 40 ஆண்டுகளுக்கும் மேல் உள்ள இந்த அரசு சிமின்ட் ஆலையை நவீனப்படுத்தவில்லை. சட்டசபையில் இதற்காக குரல் கொடுத்தேன். அதன்விளைவாக 2012-2013 பட்ஜெட்டில் 165 கோடி நிதி ஒதுக்கியதாக அறிவிப்பு வந்தது. இரு ஆண்டுகளுக்கு மேல் ஆகியும் பணி நடக்கவில்லை.
இந்த ஆலையை நவீனப்படுத்தி உற்பத்தியை பெருக்கினால் தற்போது மூடை 390 ரூபாய்க்கு விற்பனையாகும் சிமின்ட்டை 110 ரூபாய்க்கு விற்க முடியும். இந்த சிமின்ட் ஆலையை தனியாருக்கு தாரை வார்க்க அரசியல் சதி நடப்பதாக குற்றம் சாட்டுகிறேன். ஆலையை மூடினால் அதற்கு இந்த மாவட்டத்தை சேர்ந்த இரு அமைச்சர்கள் தான் பொறுப்பு. அடுத்து தென்மாவட்ட அளவில் போராட உள்ளோம்,'' என்றார்.

கெளரவக் கொலைகள் மற்றும் காவல் நிலைய சாவுகளைக் கண்டித்து புதிய தமிழகம் சார்பில் மதுரையில் ஆர்ப்பாட்டம்..

கெளரவக் கொலைகள் மற்றும் காவல் நிலைய சாவுகளைக் கண்டித்து புதிய தமிழகம் சார்பில் மதுரையில் ஆர்ப்பாட்டம்.
கெளரவக் கொலைகளைத் தடுத்திட தனிச்சட்டம் இயற்றவேண்டும்
இதில் பங்கேற்று செய்தியாளர்களிடம் கூறியதாவது:
'திராவிட கட்சிகள் ஆட்சியில் தொழில் வளருகிறதோ இல்லையோ கவுரவக் கொலைகள் அதிகரித்துள்ளன. தென்மாவட்டங்களில் கடந்த 20 மாதங்களில் 40 பேர் கெளரவக் கொலை செய்யப்பட்டுள்ளனர். வடமாவட்டங்களில் உள்ள குறிப்பிட்ட அமைப்பினர் தென்மாவட்டங்களில் உள்ளோருடன் சேர்ந்து படுகொலைகளில் ஈடுபடுகின்றனர். காதல் திருமணம் செய்தவர்களை தாக்கும்படி பா.ம.க., எம்.எல்.ஏ., ஒருவரே தூண்டுகிறார். பெண் சிசு கொலைக்கும், கலப்பு திருமணம் செய்யும் பெண் கொலை செய்யப்படுவதற்கும் வித்தியாசம் இல்லை. ஐம்பது ஆண்டுகளாக தமிழகத்தில் தி.மு.க., அ.தி.மு.க., ஆட்சியில் இருந்துள்ளன. இவர்கள் ஆட்சியில் கவுரவக் கொலைகள் அதிகரித்துள்ளன. தொழில், வேலைவாய்ப்பு வசதிகள் அதிகரிக்கிறதோ இல்லையோ, கவுரவக் கொலைகள் அதிகரித்துள்ளன. தமிழர்களுக்காக குரல் கொடுப்பதாக கூறும் நெடுமாறன், சீமான் போன்றோர் இதை கண்டிக்காதது ஏன்?
கெளரவக் கொலைகளைத் தடுக்க சாதி மறுப்புத் திருமணம் செய்வோருக்கு அரசு உரிய பாதுகாப்பு அளிக்கவும், சிறப்பு சலுகைகள் அளிக்கவும் முன்வரவேண்டும். திராவிட ஆட்சியில்தான் சீர்திருத்த திருமணம் நடைமுறைப்படுத்தப்பட்டது.
கெளரவக் கொலைகளைத் தடுக்க அனைத்து அமைப்பினர் பங்குபெறும் வகையில் புதிய தமிழகம் சார்பில் மாநில அளவில் கருத்தரங்கம் நடத்தப்படவுள்ளது.
மாநிலத்தில் காவல் நிலையச் சாவுகள் நடந்துவருகின்றன
திண்டுக்கல் மாவட்டம் செம்பட்டி கிராமத்தை சேர்ந்த ராஜா என்ற தேவேந்திர குல சமுதாய இளைஞர் 2012 ஆகஸ்ட் 26ஆம் தேதி அன்று விசாரணைக்காக வேடஞ்சந்தூர் காவல் நிலையம் அழைத்து செல்ல பட்டவர் பிணமாகவே வெளியே வந்தார். இரண்டு வருடங்கள் ஆகியும் எந்த விசாரணையும் நடைபெற வில்லை .
இளையான்குடி காவல் நிலையத்தில் மாலைராஜ் என்ற தேவேந்திர குல இளைஞர் மரணம் அடைந்தார். காவல் நிலைய மரங்களுக்கும் இன்று வரை நியாயம் கிடைக்க வில்லை.ஆகவே காவல் நிலையச் சாவுகளை தடுக்கும் வகையில் அரசு நடவடிக்கை எடுக்கவேண்டும்.

ஆலங்குளம் அரசு சிமெண்ட் ஆலையை நவீன படுத்த கோரி ஆர்ப்பாட்டம்!!! டாக்டர் க.கிருஷ்ணசாமி...