எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

வியாழன், 11 ஜூலை, 2013

"தேசிய மாநாடு....புதிய தமிழகம்


தருமபுரியில் கடந்த ஆண்டு பட்டியலின சமூகத்தைச் சேர்ந்த இளவரசன் என்ற இளைஞனும், வன்னிய சமூகத்தைச் சேர்ந்த திவ்யாவும் காதலித்து சாதிமறுப்புத் திருமணம் செய்துகொண்ட நாள் முதல் இளவரசன் மரணம் அடைந்த தருணம் வரை தமிழகத்தில் நடந்து வரக்கூடிய பல்வேறு சமூக சிக்கல்கள் குறித்து கலந்தாலோசிக்க சமூக ஆர்வலர்கள், முற்போக்கு எழுத்தாளர்கள், அரசியல் கட்சித் தலைவர்கள் அடங்கிய ஆலோசனை கூட்டம் 9.7.2013 அன்று புதிய தமிழகம் கட்சித் தலைவர் டாக்டர்.க.கிருஷ்ணசாமி எம்.எல்.ஏ. தலைமையில் நடைபெற்றது. இதில் சமூக சமத்துவ படை கட்சியின் தலைவர் திருமதி.ப.சிவகாமி இ.அ.ப. (ஓய்வு), அருந்ததி மக்கள் கட்சியின் தலைவர் வலசை ரவிச்சந்திரன் விடுதலை சிறுத்தைகள் கட்சி சார்பாக பாவண்ணன், முற்போக்கு எழுத்தாளர் மனுஷ்யபுத்திரன், மக்கள் சிவில் உரிமைக் கலகத்ஹ்டின் தமிழ்நாடு-புதுச்சேரி தலைவர் பேரா.சரஸ்வதி, மனித உரிமை ஆர்வலர் பேரா.அ.மார்க்ஸ், வழக்கறிஞர் திரு.அ.சரவணன், பழங்குடி இருளர் பாதுகாப்புச் சங்கத்தின் ஒருங்கிணைப்பாளர் பேரா.கல்விமணி ஆகியோர் கலந்து கொண்டனர். இக்கூட்டத்தில் கீழ்க்கண்ட தீர்மானங்கள் நிறைவேற்றப்பட்டன.

1)தமிழகத்தில் அண்மைக்காலமாக ஒடுக்கப்பட்ட மக்களுக்கு எதிராக அதிகரித்து வரும் வன்கொடுமைகள், அண்மையில் தருமபுரியில் நடந்த இளவரசன்-திவ்யா காதல் திருமணம் உள்ளிட்டு சாதி மறுப்புத் திருமணம் செய்யும் தம்பதிகளுக்கு எதிராக நடைபெறும் வன்கொடுமைகள் மற்றும் கவுரவக் கொலைகள் ஆகியவை குறித்து
சனநாயக சக்திகள், மனித உரிமை ஆர்வலர்கள், முற்போக்கு சிந்தனையாளர்கள் மற்றும் சமூக அக்கறையுள்ள அரசியல் கட்சிகள் ஆழ்ந்த கவலை கொள்கின்றன. இந்த வன்கொடுமைகளை ஆதரித்து ஆதிக்க சாதி சக்திகளை ஒன்றிணைத்து தமிழத்தில் சமூக அமைதியை குலைக்கும் வகையில் செயல்பட்டு வரும் பாட்டாளி மக்கள் கட்சியை இக்கூட்டம் வன்மையாக கண்டிக்கிறது.

2)இந்திய அரசியல் சாசனம் வழங்கியிருக்கும் தனிமனித உரிமையாகிய காதல் திருமணங்கள், சாதிகடந்த திருமணங்களுக்கு எதிராக பிரச்சாரம் செய்து, வன்முறையைத் தூண்டியும், ஏழுகோடி தமிழ் மக்களுக்கும் தலைகுனிவை ஏற்படுத்தும் மேற்குறிப்பட்ட சமூகக் கொடுமைகளை ப்பட்டது.அறவே தடுத்து நிறுத்தும் பொருட்டு தமிழக அரசு, கவுரவக் கொலைகளைத் தடுக்கும் அவசர சட்டத்தைக் கொண்டு வரவேண்டும்.

3)மேற்குறிப்பிட்ட கோரிக்கையை, மத்திய, மாநில அரசுகளிடம் வலியுறுத்தும் பொருட்டு வருகின்ற 31.07.2013 அன்று (காலை பிரதிநிதிகள் மாநாடு, மாலை பொதுமக்கள் மாநாடு) அனைத்துக் கட்சித் தலைவர்கள், தேசியத் தலைவர்கள், சமூக ஆர்வலர்கள், முற்போக்கு சிந்தனையாளர்கள், எழுத்தாளர்கள், மனித உரிமை ஆர்வலர்கள் ஆகியோர் பங்கேற்கும் "தேசிய மாநாடு" நடத்துவது என முடிவு செய்யப்பட்டது.

செவ்வாய், 9 ஜூலை, 2013

சந்தர்ப்பம் எப்படி உள்ளதோ அதன்படி கூட்டணி: கிருஷ்ணசாமி பேச்சு



தேவேந்திரகுல வேளாளர் இனத்தை பட்டியல் இனத்தில் சேர்க்க வேண்டும் என்று புதிய தமிழகம் கட்சி சார்பில் புதுக்கோட்டையில் உண்ணாவிரத போராட்டம் திங்கள்கிழமை நடந்தது. இந்தப் போராட்டத்தில் அக்கட்சியின் தலைவர் டாக்டர் கிருஷ்ணசாமி எம்.எல்.ஏ.,வும் கலந்து கொண்டார்.
போராட்டத்தில் பேசிய அவர், 
கடந்த சட்டமன்ற தேர்தலில் தேவேந்திரகுல வேளாளர் இனத்தை பட்டியல் இனத்தில் சேர்போம் என்று தமிழக ஜெயலலிதா சொன்னார். தேர்தல் வாக்குறுதியை நிறைவேற்றவில்லை. அதனால் தான் இந்த உண்ணாவிரதம். 
சட்டமன்ற தேர்தலில் அ.தி.மு.கவுக்கு ஆதரவு கொடுத்துவிட்டு இப்போது ராஜ்யசபா தேர்தலுக்கு தி.மு.கவுக்கு ஆதரவு கொடுப்பது பற்றி கேட்கிறார்கள். அதே போல அடுத்த பாராளுமன்றத் தேர்தலிலும் இந்த கூட்டனி தொடருமா என்று கேட்கிறார்கள். 
இப்போதைக்கு இந்த கூட்டனி அமைந்துள்ளது. பாராளுமன்றத் தேர்தலுக்கு இன்னும் காலம் உள்ளது. அப்போது சந்தர்ப்பம் எப்படி உள்ளதோ அதன்படி கூட்டனி அமைப்போம். இவ்வாறு கூறினார்.
-இரா.பகத்சிங்.

புதன், 3 ஜூலை, 2013

தேவேந்திரகுல வேளாளராக அறிவிக்க வலியுறுத்தி புதிய தமிழகம் உண்ணாவிரதம்


பள்ளன், குடும்பன், காலாடி, மூப்பன், பன்னாடி, தேவேந்திரகுலத்தான் ஆகிய அனைவரையும் தேவேந்திரகுல வேளாளர் என அரசாணை வெளியிட வலியுறுத்தி தஞ்சாவூர் பனகல் கட்டடம் முன் புதிய தமிழகம் கட்சியினர் திங்கள்கிழமை உண்ணாவிரதப் போராட்டம் மேற்கொண்டனர்.
இந்தப் போராட்டத்தை முடித்து வைத்த அக்கட்சியின் நிறுவனத் தலைவர் கே. கிருஷ்ணசாமி பேசியது:
தமிழகத்தில் பள்ளன், குடும்பன், காலாடி, மூப்பன், பன்னாடி, தேவேந்திரகுலத்தான் என உள்ள 6 சமுதாய மக்களையும் தேவேந்திரகுல வேளாளர் என அரசாணை வெளியிட வேண்டும். தமிழகத்தில் தாழ்த்தப்பட்ட மக்களுக்கான இட ஒதுக்கீட்டில் உள் ஒதுக்கீடு வழங்கியதால் உயர் பதவிக்குச் செல்ல முடியவில்லை. எனவே இதை மறுபரிசீலனை செய்ய வேண்டும்.
தியாகி சுந்தரலிங்கனார், இமானுவேல் சேகரனார் பிறந்த நாளுக்கு முக்கியத்துவம் அளித்து சிறப்பாகக் கொண்டாட அரசு நடவடிக்கை எடுக்க வேண்டும் ஆகிய கோரிக்கைகளை வலியுறுத்தி ஜூன் 6-ம் தேதி முதல் ஒவ்வொரு மாவட்டம், ஒன்றியத்தில் இந்த உண்ணாவிரதப் போராட்டம் நடைபெற்று வருகிறது.
இந்தப் போராட்டம் ஜூலை மாதம் வரை நடைபெறுகிறது. அடுத்த கட்டப் போராட்டம் ஆகஸ்டு மாதம் 15-ம் தேதிக்குப் பிறகு நடத்தப்படும் என்றார் கிருஷ்ணசாமி. இந்தப் போராட்டத்துக்குக் கட்சியின் மாவட்டச் செயலர் குணா தலைமை வகித்தார். துணைச் செயலர் ஜயராமன், தஞ்சாவூர் ஒன்றியச் செயலர் தியாகராஜன், சட்ட ஆலோசகர்கள் சுகுமாறன், சதீஷ் உள்ளிட்டோர் கலந்து கொண்டனர்.
முன்னதாக, துணைச் செயலர் சசிகுமார் வரவேற்றார். பட்டுக்கோட்டை ஒன்றிய செயலர் குழந்தைசாமி நன்றி கூறினார்.

திங்கள், 1 ஜூலை, 2013

லால்குடியில் புதிய தமிழகம் உண்ணாவிரதம்


லால்குடியில் புதிய தமிழகம் உண்ணாவிரதம்


லால்குடி, : லால்குடியில் புதிய தமிழகம் கட்சி சார்பில் உண்ணாவிரத போராட்டம் நடைபெற்றது. இம்மானுவேல் சேகரனார் நினைவு நாளை அரசு விழாவாக அறிவிக்க வேண்டும். தாழ்த்தப்பட்டோருக்கான உள் இடஒதுக்கீட்டை ரத்து செய்ய வேண்டும் என பல்வேறு கோரிக்கைகளை வலியுறுத்தி பஸ் நிலையம் அருகில் உண்ணாவிரத போராட்டம் நடைபெற் றது.
 ஒன்றிய செயலாளர் நம்பிராஜ் தலைமை வகித்தார். தொண்டரணி செயலாளர் மணிகண் டன், மகளிரணி தலைவி கலாவதி, அவைத்தலை வர் செல்வமணி, ஒன்றிய பொறுப்பாளர்கள் பிர பாகர், செல்வமணி ஆகி யோர் முன்னிலை வகித்த னர்.  புதிய தமிழகம் கட் சியின் மாநில தலை வர் டாக்டர் கிருஷ்ண சாமி கலந்து கொண்டு பேசி னார்.
நகர செயலாளர் சர வணன் வரவேற்றார். புள்ளம்பாடி ஒன்றிய செயலாளர் முருகானந் தம் நன்றி கூறினார்.

செவ்வாய், 25 ஜூன், 2013

கனிமொழிக்கு புதிய தமிழகம் ஆதரவு ! டாக்டர் கிருஷ்ணசாமி அறிவிப்பு...



 டெல்லி மேல்-சபை தேர்தலில் 6 இடங்களுக்கு 7 பேர் போட்டியிடுகிறார்கள்.
அ.தி.மு.க. சார்பில் 4 பேரும், அதன் ஆதரவுடன் இந்திய கம்யூனிஸ்டும் போட்டியிடுகிறது. அ.தி.மு.க. கூட்டணியில் 170 எம்.எல்.ஏக்கள் ஆதரவு இருப்பதால் 5 பேரும் வெற்றி பெறுவது உறுதியாகி விட்டது. மீதம் உள்ள ஒரு இடத்துக்கு தி.மு.க. சார்பில் கனிமொழியும், தே.மு.தி.க. சார்பில் இளங்கோவனும் மனு செய்துள்ளனர். இந்த இரு கட்சிகளுக்கும் போதிய ஆதரவு இல்லாததால் மற்ற கட்சிகளின் ஆதரவை திரட்டி வருகிறார்கள். அ.தி.மு.க. கூட்டணியில் இருந்த மனிதநேய மக்கள் கட்சி எம்.எல்.ஏக்கள் ஜவாஹிருல்லா, அஸ்லம் பாஷா ஆகியோர் நேற்று தி.மு.க. தலைவர் கருணாநிதியை சந்தித்து இந்த நிலையில் இன்று புதிய தமிழகம் கட்சியும் கனிமொழிக்கு ஆதரவு தெரிவித்துள்ளது. அந்த கட்சியின் தலைவரும், எல்.எல்.ஏ.வுமான டாக்டர் கிருஷ்ணசாமி, மற்றொரு எம்.எல்.ஏ.வான நிலக்கோட்டை ராமசாமி ஆகியோர் இன்று பகல் 12.30 மணிக்கு தி.மு.க. தலைவர் கருணாநிதியை சி.ஐ.டி.காலனியில் உள்ள வீட்டில் சந்தித்து ஆதரவு தெரிவித்தனர். அப்போது தி.மு.க. பொருளாளர் மு.க.ஸ்டாலின், கனிமொழி ஆகியோரும் உடன் இருந்தனர்.


சந்திப்புக்குப் பின் டாக்டர் கிருஷ்ணசாமி நிருபர்களிடம் கூறியதாவது:-

டெல்லி மேல்-சபை தேர்தலில் 6-வது எம்.பி.யை தேர்வு செய்வதற்கான போட்டியில் கனிமொழிக்கு ஆதரவு அளிப்பது என்று புதிய தமிழகம் கட்சி முடிவு செய்துள்ளது. எங்கள் கட்சியின் 2 வாக்குகள் வீணாகி விடக்கூடாது என்பதற்காக நாங்கள் இந்த முடிவை எடுத்துள்ளோம்.

அ.தி.மு.க. சார்பில் 4 பேரும், அ.தி.மு.க.வின் எஞ்சிய வாக்குகள் மூலம் இந்திய கம்யூனிஸ்டு டி.ராஜாவும் வெற்றி பெறும் நிலையில் உள்ளனர். இதனால் அ.தி.மு.க.வுக்கு எங்கள் வாக்கு தேவையில்லாமல் போய்விட்டது. எனவே கனிமொழிக்கு வாக்களிக்க முடிவு செய்துள்ளோம்.

இவ்வாறு அவர் கூறினார்.

தொடர்ந்து அவரிடம் நிருபர்கள் 'நீங்கள் அளித்துள்ள ஆதரவு பாராளுமன்ற தேர்தல் கூட்டணிக்கு அச்சாரமாக அமையுமா என்று கேட்டதற்கு, தேர்தலுக்கு இன்னும் ஓராண்டு உள்ளது. இப்போது அதுபற்றிய பேச்சே எழவில்லை என்று கிருஷ்ணசாமி கூறினார்.

மேலும் அ.தி.மு.க. கூட்டணியில் நீடிக்கிறீர்களா? என்று கேட்டதற்கு அ.தி.மு.க.வுக்கு எங்கள் வாக்கு தேவையில்லை என்ற நிலையில்தான் தி.மு.க.வை ஆதரிக்கிறோம். அதற்கு மேல் எதுவும் சொல்ல முடியாது என்றார். 

கனிமொழிக்கு புதிய தமிழகம் ஆதரவு : மாநிலங்களவை தேர்தலில் வெற்றி வாய்ப்பு உறுதி?



எதிர்வரும் மாநிலங்களவை தேர்தலில் திமுகவுக்கு புதிய தமிழகம் கட்சி தனது ஆதரவை அளிக்க முன்வந்துள்ளது.
 இன்று சென்னையில் திமுக தலைவர் கருணாநிதியை அவரது இல்லத்தில் சந்தித்துப் பேசிய கிருஷ்ணசாமி பிறகு செய்தியாளர்களை சந்தித்த போது இது பற்றி அறிவித்தார்.

அதிமுக மற்றும் இந்திய கம்யூனிஸ்டு கட்சி வேட்பாளர்களுக்கு போதுமான ஆதரவு உள்ளது. எனவே, எங்கள் கட்சியின் வாக்குகள் வீணாகக் கூடாது என்பதற்காக திமுகவுக்கு ஆதரவ்ளிக்க முடிவு செய்துள்ளோம் என்றார் அவர்.

புதிய தமிழகம் கட்சிக்கு 2 சட்டமன்ற உறுப்பினர்கள் உள்ளனர். மனித நேய மக்கள் கட்சி ஏற்கனவே திமுகவுக்கு ஆதரவு தெரிவித்துள்ள நிலையில், தற்போது கனிமொழியின் வெற்றி கிட்டத்தட்ட உறுதி செய்யப்பட்டுள்ளது.

மாநிலங்களவை தேர்தலில் 6வது இடத்தை கைப்பற்ற திமுக சார்பில் கனிமொழியும், தேமுதிக சார்பில் இளங்கோவனும் நிறுத்தப்பட்டுள்ளனர். திமுகவுக்கு மொத்தம் 23 எம்.எல்.ஏக்களும், தேமுதிகவுக்கு 29 எம்.எல்.ஏக்களும் உள்ளனர். எனினும் தேமுதிகவில் 7 பேர் அதிருப்தியாளர்களாக உள்ளனர்.  இதனால் அந்தக் கட்சிக்கு 22 எம்.எல்.ஏக்களே உள்ளனர்.

இந்நிலையில் புதிய தமிழகம், மனித் நேய மக்கள் கட்சி என்பன திமுகவுக்கு ஆதரவு தெரிவித்துள்ளதால் திமுகவின் பலம் தற்போது 25 ஆக உயர்ந்துள்ளது. இதனால் ஆறாவது இடத்தை கனிமொழி கைப்பற்றும் வாய்ப்பு அதிகரித்துள்ளது.

முன்னதாக தேமுதிக, காங்கிரஸைச் சந்தித்து தமது வேட்பாளருக்கு ஆதரவு கோரியிருந்தது. திமுகவும், காங்கிரஸை சந்தித்து மீண்டும் ஆதரவு கோரியிருந்தது குறிப்பிடத்தக்கது.

கனிமொழிக்கு புதிய தமிழகம் ஆதரவு :


மேலவை தேர்தலில் தி.மு.க.வின் வேட்பாளராக அறிவிக்கப்பட்டுள்ள கனிமொழிக்கு  புதிய தமிழகம் ஆதரவு அளிக்கும் என்று தகவல் கசிந்துள்ளது.
தமிழகத்தில் இருந்து தேர்வு செய்யப்பட உள்ள 6 பேருக்கான மேலவை தேர்தலில் அ.தி.மு.க. 4 வேட்பாளர்களையும், அ.தி.மு.க.வின் ஆதரவுடன் இந்திய கம்யூனிஸ்டு கட்சி மூலம் 5-வது வேட்பாளரையும் நிறுத்தியுள்ளன. 6-வது வேட்பாளராக தி.மு.க.வின் சார்பில் கனிமொழியும் தே.மு.தி.க. சார்பில் இளங்கோவனும் களத்தில் உள்ளனர்.
சட்டமன்ற தேர்தலின் போது அ.தி.மு.க. கூட்டணியில் அங்கம் வகித்த மனிதநேய மக்கள் கட்சி நேற்று தி.மு.க.வுக்கு தனது ஆதரவைத் தெரிவித்தது. இச்சூழலில் அக்கூட்டணியில் அங்கம் வகித்த மற்றொரு கட்சியான புதிய தமிழகமும், தி.மு.க.வுக்கு ஆதரவு தெரிவிக்கும் என்று தெரிகின்றது. அக்கட்சியின் தலைவர் கிருஷ்ணசாமி தி.மு.க. தலைவர் கருணாநிதியை இன்று சந்தித்து தனது ஆதரவை தெரிவிப்பார் தகவல் கசிந்துள்ளது.

மனிதநேய மக்கள் கட்சி மற்றும் புதிய தமிழகம் ஆகிய கட்சிகளின் ஆதரவுடன் தி.மு.க.வின் எண்ணிக்கை 27 ஆக உயரும்.  5 உறுப்பினர்களை கொண்ட காங்கிரஸ் கட்சி ஆதரிக்கும் பட்சத்தில் தி.மு.க.வின் பலம் 32-ஆக உயர்ந்து கனிமொழியின் வெற்றி உறுதியாகும்.