எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

திங்கள், 2 பிப்ரவரி, 2015

ஐ.ஏ.எஸ். அதிகாரி உமாசங்கர் மதமாற்றம் செய்வற்கு காரணம் அரசுதான் என்பதை உணரவேண்டும்:கிருஷ்ணசாமி ..

புதிய தமிழகம் கட்சி தலைவர் டாக்டர் கிருஷ்ணசாமி இன்று மதுரையில் செய்தியாளர்களிடம் பேசியபோது,  ‘’மதுரை, தேனி, திண்டுக்கல், சிவகங்கை உள்ளிட்ட தென் மாவட்டங்களில் தாழ்த்தப்பட்ட மக்கள் மீது வன் கொடுமை அதிகரித்து வருகிறது. இதுகுறித்து நாடாளுமன்றத்தில் எழுப்பப்பட்ட கேள்விக்கு பதில் அளித்த மத்திய மந்திரி, தென்தமிழகத்தில் மிக அதிக அளவில் வன்கொடுமை நடந்து இருப்பதாக கூறி உள்ளார்.

உதாரணமாக கடந்த ஒரு மாதத்திற்குள் மதுரையில் மட்டும் 5–க்கும் மேற்பட்ட சம்பவங்கள் நடந்துள்ளது. திருமங்கலத்தை அடுத்துள்ள கள்ளிக்குடி குராயூர் கிராமத்தில் தூங்கி கொண்டிருந்தவர்கள் மீது சமூக விரோதிகள் கற்களை வீசி உள்ளனர்.

இதில் வெள்ளைச்சாமி என்பவர் கொலை செய்யப்பட்டார். அவர் இறந்து 16 நாள் ஆகியும் இதுவரை குற்றவாளிகள் கைது செய்யப்படவில்லை.  எனவே,  மாவட்ட கலெக்டர் வன்கொடுமை சட்டத்தின் கீழ் வழக்குப்பதிவு செய்து நடவடிக்கை எடுக்க வேண்டும். இதேபோன்று சம்பவங்கள் பல்வேறு இடங்களில் நடந்துள்ளது.

தாழ்த்தப்பட்ட மக்களுக்கு எதிராக வன்கொடுமை களமாக தென்மாவட்டங்கள் மாறி வருகிறது. இதனை தடுத்து நிறுத்த அரசு சிறப்பு புலனாய்வு குழுவை அமைக்க வேண்டும். வன்கொடுமை வழக்குகளை விரைந்து விசாரிக்க தனி நீதிமன்றத்தையும் அமைக்க வேண்டும். இந்த சம்பவம் நடைபெறும் இடங்களில் துணை ராணுவத்தை நிறுத்த வேண்டும்.

இது தொடர்பாக மனு கொடுக்க ஆளுநரிடம் நேரம் ஒதுக்கிதருமாறு கேட்டேன். ஆனால் இதுவரை நேரம் ஒதுக்கவில்லை. இன்னும் 2 நாட்களில் நேரம் ஒதுக்கா விட்டால் ஆளுநர் ரோசையா மீது ஜனாதிபதியிடம் புகார் கூறுவேன். ஐ.ஏ.எஸ். அதிகாரி உமாசங்கர் மதமாற்றம் செய்து வருவதாக புகார் கூறப்படுகிறது. இதற்கு காரணம் அரசுதான் என்பதை உணரவேண்டும்’’என்று கூறினார்.

விருதுநகர் மாவட்டம் முழுவதும் வருகின்ற 6 ஆம் தேதியன்று கடையடைப்பு போராட்டம்..

ராஜபாளையம்: விருதுநகர் மாவட்டம் முழுவதும் வருகின்ற 6 ஆம் தேதியன்று கடையடைப்பு போராட்டம் நடைபெறும் என்று புதிய தமிழகம் கட்சி அறிவித்துள்ளது.
விருதுநகர் மாவட்டம் ராஜபாளையத்தில் டெங்கு காய்ச்சலால் இதுரை 23 குழந்தைகள் பலியாகி உள்ளனர். இன்னும் பல குழந்தைகள் மருத்துவமனைகளில் சிகிச்சை பெற்று வருகிறார்கள். துப்புரவு பணிகளை சரிவர செய்யாமல் சுகாதார சீர்கேடு ஏற்பட்டதால் வந்த ஆபத்து தான் இது. அ.தி.மு.க ஆட்சிக்கு வந்து மூன்றரை ஆண்டுகளாகிறது. இந்த கால கட்டத்தில் உள்ளாட்சி அமைப்புகளின் சுகாதார பணிகளுக்கு ஒதுக்கப்பட்ட நிதியில் பல கோடி ரூபாய் ஊழல் நடந்துள்ளது. அதனால் தமிழகம் முழுவதும் ஒரு இலக்கு நிர்ணயம் செய்து சுகாதார பணிகளை முழுமையாக நிறைவேற்ற வேண்டும். அப்படி செய்தால் மட்டுமே எதிர்காலத்தில் டெங்கு போன்ற நோய்கள் வராமல் தடுக்க முடியும். டெங்கு காய்ச்சலால் பலியானவர்களின் குடும்பங்களுக்கு தலா ரூபாய் 10 லட்சம் நிவாரணத்தொகை வழங்க வேண்டும்.
ராஜபாளையம் அருகே உள்ள ஆலங்குளம் அரசு சிமெண்ட் ஆலையை நவீனப்படுத்த ரூபாய் 165 கோடி நிதி ஒதுக்கீடு செய்யப்படும் என்று இந்த அரசு பொறுப்பேற்றவுடன் அறிவித்தது. அந்த நிதி இதுவரை ஒதுக்கப்படவில்லை. இதை உடனடியாக ஒதுக்கி இந்த சிமெண்ட் ஆலையை நவீனப்படுத்த வலியுறுத்தி வருகிற 6 ஆம் தேதி விருதுநகர் மாவட்டம் முழுவதும் கடையடைப்பு போராட்டம் புதிய தமிழகம் கட்சி சார்பில் தோழமை கட்சிகளின் ஆதரவுடன் நடத்தப்படும்..

செண்பகவல்லி அணையைச் சீரமைக்க வலியுறுத்தியும், கரும்பு விவசாயிகளுக்கு உரிய தொகை விரைவாக வழங்கக்கோரியும் இம் மாதம் 15 ஆம் தேதி வாசுதேவநல்லூரில் புதிய தமிழகம் ஆர்ப்பாட்டம்.

திருநெல்வேலியில் புதிய தமிழகம் கட்சித் தலைவர் டாக்டர் க.கிருஷ்ணசாமி எம்.எல்.ஏ அவர்கள் செய்தியாளர்களிடம் கூறியதாவது:-
தமிழகத்தில் கட்டடங்கள், தொழிற்சாலைகளில் அடிக்கடி விபத்துகள் ஏற்படுகின்றன. அதற்கு நிவாரணத்தொகை மற்றும் விசாரணை கமிஷனை அமைப்பதோடு அரசு நடவடிக்கை நின்று கொள்வதும் தொடர்ந்து வருகிறது. வருங்காலங்களில் இதுபோன்ற விபத்துகள் ஏற்படாமல் தடுக்க அரசு கொள்கைமுடிவுகளை வகுக்க வேண்டும். தேவைப்பட்டால் புதிய சட்டத்தை இயற்ற வேண்டும்.
தமிழகத்தில் கரும்பு விவசாயிகள் போதிய விலை கிடைக்காமல் அவதியடைந்து வருகிறார்கள். அரசு நிர்ணயித்த விலையை கூட முறையாகவோ, சரியான காலத்திலோ கொடுக்காமல் தனியார் சர்க்கரை ஆலைகள் இழுத்தடிக்கிறார்கள். கரும்புக்கு டன் ஒன்றுக்கு ரூ.3,500 தமிழக அரசு வழங்க வேண்டும்.
மேற்குத்தொடர்ச்சி மலையில் உள்ள செண்பகவல்லி அணை கடந்த 40 ஆண்டுகளாக சீரமைக்கப்படாததால் திருநெல்வேலி, தூத்துக்குடி, விருதுநகர் மாவட்டத்தின் சில பகுதிகள் வறட்சிக்கு ஆளாகியுள்ளன. ஆகவே, அந்த அணையைச் சீரமைக்க மத்தியஅரசு, கேரள அரசுடன் பேச்சுவார்த்தை நடத்தி தீர்வு காண வேண்டும். இதை வலியுறுத்தியும், கரும்பு விவசாயிகளுக்கு உரிய தொகைகளை விரைவாக வழங்கக்கோரியும் இம் மாதம் 15 ஆம் தேதி வாசுதேவநல்லூரில் ஆர்ப்பாட்டம் நடத்தப்படும்.
இலங்கை அகதிகள் நாடு திரும்பது தொடர்பாக தமிழக முதல்வர் ஓ.பன்னீர்செல்வம், பிரதமருக்கு எழுதியுள்ள கடிதத்தை மறுபரிசீலனை செய்ய வேண்டும். எந்த ஒரு குடிமகனும் பிற நாட்டில் எவ்வளவு வசதிகளோடு வசித்தாலும், தங்களது சொந்த மண்ணில் பெற்ற முழுமையான உரிமையோடு வாழ்க்கையை நடத்த முடியாது. ஆகவே, விரும்பும் அகதிகள் அனைவரையும், இலங்கைக்கு அனுப்ப வேண்டும் என்பதே புதிய தமிழகம் கட்சியின் நிலைப்பாடு.
இந்தியாவின் பிற மாநில முதல்வர்கள் வெளிநாட்டு முதலீடுகளை ஈர்க்க தேவையான நடவடிக்கைகளை எடுத்து வரும்போது, நம் மாநிலத்தில் இருக்கின்ற தொழிற்சாலைகளும் மூடப்படும் அவலம் தொடர்கிறது. அரசு இயந்திரம் ஸ்தம்பித்துள்ளது. இதை மக்கள் கவனிப்பார்கள். அரசு இயந்திரம் செயல்பட்டால் மட்டுமே மக்களுக்கு முன்னேற்றம் கிடைக்கும்.

புதிய தமிழகம் போராளி.. திரு.பொட்டு பொட்டன் அவர்களுக்கு வீரவணக்கம்!

ஞாயிறு, 1 பிப்ரவரி, 2015

துப்புரவுபணிகளுக்கு ஒதுக்கப்பட்ட நிதியில் உள்ளாட்சி அமைப்புகள் முறைகேடு..டாக்டர் கிருஷ்ணசாமி

துப்புரவுபணிகளுக்கு ஒதுக்கப்பட்ட நிதியில் உள்ளாட்சி அமைப்புகள் முறைகேடு செய்துள்ளன என்று புதிய தமிழகம் தலைவர் டாக்டர் கிருஷ்ணசாமி ராஜபாளையத்தில் தெரிவித்தார்.
விருதுநகர் மாவட்டம் ராஜபாளையம் உள்பட தமிழகத்தின் பல்வேறு பகுதிகளிலும் டெங்கு காய்ச்சல் தீவிரமாக பரவி வருகிறது. கடந்த மூன்றரை ஆண்டுகளாக அனைத்து உள்ளாட்சி அமைப்புகளும் சுகாதாரம் மற்றும் துப்பரவுப் பணிக்கு ஒதுக்கிய நிதியை முறைகேடாக பயன்படுத்தியதாலேயே இது ஏற்பட்டுள்ளது. டெங்கு காய்ச்சலில் பலியானவர் குடும்பத்துக்கு தலா ரூபாய் 10 லட்சம் நிவாரண நிதி வழங்கவேண்டும் என்றும், ஆலங்குளம் சிமிண்ட் ஆலையை நவீனப்படுத்த விரைந்து நடவடிக்கை எடுக்கக்கோரி வரும் 6-ஆம் தேதி விருதுநகர் மாவட்ட அளவில் புதியதமிழகம் கட்சி சார்பில் பொது வேலை நிறுத்தப் போராட்டம் நடைபெறும் என்று தெரிவித்தார்.
உடன் விருதுநகர் மேற்கு மாவட்டச் செயலர் ராஜலிங்கம், மாநில இளைஞரணிச் செயலர் பாஸ்கர்மது மற்றும் நிர்வாகிகள் உடனிருந்தனர்.

தமிழக அரசு இயந்திரம் ஸ்தம்பித்துள்ளது: டாக்டர் க.கிருஷ்ணசாமி

தமிழக அரசு இயந்திரம் ஸ்தம்பித்த நிலையில் உள்ளது என குற்றஞ்சாட்டினார் புதிய தமிழகம் கட்சியின் தலைவர் டாக்டர் க.கிருஷ்ணசாமி.
திருநெல்வேலியில் செய்தியாளர்களிடம் ஞாயிற்றுக்கிழமை டாக்டர் க.கிருஷ்ணசாமி மேலும் கூறியதாவது:
தமிழகத்தில் கட்டடங்கள், தொழிற்சாலைகளில் அடிக்கடி விபத்துகள் ஏற்படுகின்றன. அதற்கு நிவாரணத்தொகை மற்றும் விசாரணை கமிஷனை அமைப்பதோடு அரசு நடவடிக்கை நின்று கொள்வதும் தொடர்ந்து வருகிறது. வருங்காலங்களில் இதுபோன்ற விபத்துகள் ஏற்படாமல் தடுக்க அரசு கொள்கைமுடிவுகளை வகுக்க வேண்டும். தேவைப்பட்டால் புதிய சட்டத்தை இயற்ற வேண்டும்.
தமிழகத்தில் கரும்பு விவசாயிகள் போதிய விலை கிடைக்காமல் அவதியடைந்து வருகிறார்கள். அரசு நிர்ணயித்த விலையை கூட முறையாகவோ, சரியான காலத்திலோ கொடுக்காமல் தனியார் சர்க்கரை ஆலைகள் இழுத்தடிக்கிறார்கள். கரும்புக்கு டன் ஒன்றுக்கு ரூ.3,500 தமிழக அரசு வழங்க வேண்டும்.
மேற்குத்தொடர்ச்சி மலையில் உள்ள செண்பகவல்லி அணை கடந்த 40 ஆண்டுகளாக சீரமைக்கப்படாததால் திருநெல்வேலி, தூத்துக்குடி, விருதுநகர் மாவட்டத்தின் சில பகுதிகள் வறட்சிக்கு ஆளாகியுள்ளன. ஆகவே, அந்த அணையைச் சீரமைக்க மத்தியஅரசு, கேரள அரசுடன் பேச்சுவார்த்தை நடத்தி தீர்வு காண வேண்டும். இதை வலியுறுத்தியும், கரும்பு விவசாயிகளுக்கு உரிய தொகைகளை விரைவாக வழங்கக்கோரியும் இம் மாதம் 15 ஆம் தேதி வாசுதேவநல்லூரில் ஆர்ப்பாட்டம் நடத்தப்படும்.
இலங்கை அகதிகள் நாடு திரும்பது தொடர்பாக தமிழக முதல்வர் ஓ.பன்னீர்செல்வம், பிரதமருக்கு எழுதியுள்ள கடிதத்தை மறுபரிசீலனை செய்ய வேண்டும். எந்த ஒரு குடிமகனும் பிற நாட்டில் எவ்வளவு வசதிகளோடு வசித்தாலும், தங்களது சொந்த மண்ணில் பெற்ற முழுமையான உரிமையோடு வாழ்க்கையை நடத்த முடியாது. ஆகவே, விரும்பும் அகதிகள் அனைவரையும், இலங்கைக்கு அனுப்ப வேண்டும் என்பதே புதிய தமிழகம் கட்சியின் நிலைப்பாடு.
சிரீரங்கம் இடைத்தேர்தலில் தி.மு.க. வேட்பாளருக்கு ஆதரவு தெரிவித்து அங்கு எங்களது கட்சி சார்பில் பிரசாரம் மேற்கொள்ளப்படும். இடைத்தேர்தலில் அரசு இயந்திரத்தின் அதிகார துஷ்பிரயோகத்தையும் மீறி தி.மு.க. வேட்பாளர் வெற்றி பெறுவார்.
இந்தியாவின் பிற மாநில முதல்வர்கள் வெளிநாட்டு முதலீடுகளை ஈர்க்க தேவையான நடவடிக்கைகளை எடுத்து வரும்போது, நம் மாநிலத்தில் இருக்கின்ற தொழிற்சாலைகளும் மூடப்படும் அவலம் தொடர்கிறது. அரசு இயந்திரம் ஸ்தம்பித்துள்ளது. இதை மக்கள் கவனிப்பார்கள். அரசு இயந்திரம் செயல்பட்டால் மட்டுமே மக்களுக்கு முன்னேற்றம் கிடைக்கும் என்றார் அவர்.

தமிழகத்தில் ஒரு ஆட்சி இருக்கிறதா? இல்லையா? :புதியதமிழகம் கட்சியின் தலைவர் கிருஷ்ணசாமி பேட்டி

திருவரங்கம் சட்டமன்ற இடைத்தேர்தல் நேரத்தில் திருச்சியில் சங்கம் ஒட்டலில் பத்திரிக்கையாளர்களை சந்தித்த புதியதமிழகம் கட்சியின் தலைவர் கிருஷ்ணசாமி திருவரங்கம் தேர்தல் குறித்து பேசும் போது: 

ஜனநாயகத்தின் அடிப்படை அம்சமாக விளங்க்கூடியவைகளில் நாடாளுமன்ற சட்டமன்ற தேர்தல்கள் எந்த அளவிற்கு நேர்மையாகவும், வெளிப்படையாக நடைபெறுகிறதோ அதை பொறுத்தே ஒரு நாட்டில் வலுவடையக்கூடிய தன்மையை நிர்ணயிக்கும் ஆனால் அண்மைக்காலமாக தமிழகத்தில் நடைபெற்றக்கூடிய பொதுதேர்தல்களோ அல்லது இடைத்தேர்தல்களோ ஜனநாயகத்தை கேலிக்கூத்தாக ஆக்க கூடியதாக இருக்கின்றன. அதற்கு உதாரணமாக கடந்த நாடாளுமன்ற தேர்தலில் அனைத்து தொகுதியிலிலும் வாக்காளர்களுக்கு பணம் கொடுத்து வாக்குகள் வாங்கப்பட்ட சுழ்நிலை உருவாக்கப்பட்டது. இடைத்தேர்தலை பொறுத்தமட்டில் ஜனநாயகத்தையே தாழ்த்த கூடிய வகையில் முற்றிலும் வாக்காளர்களை விலைபேசக்கூடிய நிலை உள்ளது.

இப்படிப்பட்ட கூழ்நிலையில் தமிழகத்தில் சொத்துகுவிப்பு வழக்கில் ஜெ. தண்டனை பெற்று தேர்தலில் போட்டியிடும் வாய்ப்பை இழந்த பிறகு நடக்க கூடிய இடைத்தேர்தல் என்பதால் ஜனநாயக விதிமுறைகளுக்கு மாறாக முன் உதாரணமாக நடக்கும் என்று எதிர்பார்க்கவில்லை. எனினும் எவ்வளவு மோசமான சுழ்நிலைகள் உருவானாலும் கூட ஜனநாயகத்தின் கடமையை நிறைவேற்ற வேண்டிய பொறுப்பு ஒவ்வொரு குடிமகனுக்கும் அதே போல சமூக இயக்கங்களுக்கும், அரசியல் கட்சிகளுக்கும் உண்டு.

ஸ்ரீரங்கம் சட்டமன்ற தொகுதியை பொறுத்தவரையில் புதியதமிழகம் கட்சிக்கு 180 கிராமங்களில் கிளைகளும், 60,000 மேற்பட்ட வாக்குகள் உண்டு. அந்த அடிப்படையில் தான் கடந்த சட்டமன்ற தேர்தலில் ஜெ. போட்டியிட்ட போது அவருக்காக நானே பிரச்சாரத்தில் ஈடுபட்டேன்.

புதியதமிழகம் கட்சி போட்டியிடவில்லை. திமுக தலைவர் கலைஞர் அவர்கள் திமுக வேட்பாளாரை பொதுவேட்பாளராக ஏற்றுக்கொண்டு ஆதரவளிக்க வேண்டும் என்றும், திமுக பொருளாளர் ஸ்டாலின் என்னிடம் தொலைபேசியில் திமுக வேட்பாளருக்கு ஆதரவளிக்க வேண்டும் என்று என்னிடம் கேட்டுக்கொண்டதற்கு இனங்க திமுக வேட்பாளர் ஆனந்த அவர்களுக்கு புதிய ஆதரவளிக்கிறது. அவருடைய பெற்றிக்கு புதிய தமிழகம் பொறுப்பாளர்கள் முனைப்புடன் செயல்படுவார்கள். சுழ்நிலையை பொறுத்து ஆனந்த அவர்களுக்கு பிரச்சாரம் செய்வேன்.

நாங்கள் ஏற்கனவே நாடாளுமன்ற தேர்தலில் திமுகவுடன் அங்கம் வகித்தது. தமிழகத்தை பொறுத்தவரையில் சட்டத்தின் ஆட்சி நடைபெறவில்லை. தமிழகத்தில் ஒரு ஆட்சி இருக்கிறதா? இல்லையா என்கிற மிகப்பெரிய கேள்வி எழுந்துக் கொண்டுயிருக்கிறது.

சட்டத்திற்கு புறமான ஆட்சி செய்து கொண்டுயிருக்கும் ஆளுங்கட்சியை எதிர்த்து போட்டியிடும் பிரதான எதிர்கட்சியான  திமுகவின் வேட்பாளரை ஆதரிக்கிறோம். ஜனநாயகத்தில் போர் என்று வந்துவிட்டால் கீழே படுத்துக்கொள்ள முடியாது. எதிர்த்து சண்டையிட வேண்டும். தேர்தலை சந்திக்காதவர்கள் எப்படி அரசியல்கட்சி நடத்த முடியும் என்றார்.

சந்திப்பின் போது புதியதமிழக கட்சியின் நிர்வாகிகள் சங்கர், அய்யப்பன், குணா ஆகியோர் உடன் இருந்தனர்.