எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

வெள்ளி, 8 ஆகஸ்ட், 2014

சட்டசபையில் பேச வாய்ப்பளிக்கவில்லை: மார்க்சிஸ்ட் கம்யூனிஸ்டு, புதிய தமிழகம் கட்சிகள் வெளிநடப்பு -


13சட்டசபையில் பேசுவதற்கு வாய்ப்பளிக்கவில்லை என்று கூறி மார்க்சிஸ்ட் கம்யூனிஸ்டு, புதிய தமிழகம் கட்சி எம்.எல்.ஏ.க்கள் வெளிநடப்பு செய்தனர்.
தமிழக சட்டசபையில் போலீஸ் மானிய கோரிக்கையில் எம்.எல்.ஏ.க்கள் விவாதித்தனர். ஒரு குறிப்பிட்ட பிரச்சினை பற்றி மார்க்சிஸ்ட் கம்யூனிஸ்டு கட்சி எம்.எல்.ஏ. பாலகிருஷ்ணன் பேசியபோது, முதல்–அமைச்சர் ஜெயலலிதா பதிலளித்தார்.
அப்போது, ‘‘ஜனநாயக ரீதியாக போராடினால் கைது செய்வதில்லை. நடுரோட்டில் அமர்ந்து போராட்டம் செய்தால் கைது செய்யப்படுவார்கள்’’ என்று முதல்–அமைச்சர் ஜெயலலிதா குறிப்பிட்டார்.
அதைத் தொடர்ந்து மார்க்சிஸ்ட் கம்யூனிஸ்டு கட்சி எம்.எல்.ஏ. பாலபாரதி ஒழுங்கு பிரச்சினையை எழுப்ப வேண்டும், அதற்கு அனுமதிக்க வேண்டும் என்று சபாநாயகர் பி.தனபாலிடம் கோரினார். ஆனால் அதற்கு சபாநாயகர் அனுமதி தரவில்லை.
அடுத்ததாக இந்திய கம்யூனிஸ்டு கட்சி எம்.எல்.ஏ. குணசேகரன் விவாதித்து முடித்த பிறகும் அனுமதி கேட்டு பாலபாரதி எழுந்து நின்றார். அப்போதும் அவர் பேசுவதற்கு சபாநாயகர் அனுமதிக்கவில்லை.
எனவே, மைக் தராத நிலையிலும் பாலபாரதி பேசிவிட்டு, வெளிநடப்பு செய்வதாக கூறி வெளியே சென்றார். அவரைத் தொடர்ந்து மற்ற மார்க்சிஸ்ட் கம்யூனிஸ்டு எம்.எல்.ஏ.க்களும் வெளிநடப்பு செய்தனர்.
அதுபோல புதிய தமிழகம் கட்சி எம்.எல்.ஏ. டாக்டர் கிருஷ்ணசாமியும் பேசுவதற்கு அனுமதி மறுத்ததால், அதைக் கண்டித்து வெளிநடப்பு செய்தார். ஆனாலும் வெளிநடப்பு செய்த அனைவரும் முதல்–அமைச்சர் ஜெயலலிதா பதிலளிப்பதற்கு முன்பதாகவே அவைக்கு திரும்பிவிட்டனர்.
முதல்–அமைச்சர் ஜெயலலிதா பதிலுரை நிகழ்த்தி, அறிவிப்புகளை வெளியிட்ட பிறகு பாலபாரதிக்கு அனுமதி வழங்கப்பட்டது. அப்போது அவர், ‘‘நானும், அண்ணாதுரை எம்.எல்.ஏ.யும் நடுச்சாலையில் அமர்ந்து போராடவில்லை. மக்கள் போராடும்போது போலீசார் தடியடி பிரயோகம் செய்யாமல், பிரச்சினையை சுமுகமாக முடிக்க முயற்சிக்க வேண்டும்’’ என்றார்.
வெளிநடப்பு செய்த நிலையில் சட்டசபைக்கு வெளியே பேசிய பாலகிருஷ்ணன், ‘‘கற்பழிப்பு குற்றம் தொடர்பாக முதல்–அமைச்சர் அளித்த விளக்கத்தை நாங்கள் ஏற்கவில்லை. சிறுமிகள் கூட கற்பழிக்கப்படுகின்றனர். மேலும் முதல்–அமைச்சர் கூறும் கருத்துக்கு பதிலளிக்க எங்களுக்கு அவகாசம் வழங்கவில்லை. எனவே வெளிநடப்பு செய்தோம்’’ என்றார்.

பேரவையில் இருந்து கிருஷ்ணசாமி வெளிநடப்பு...


சட்டப்பேரவையில் செவ்வாய்க் கிழமை கேள்வி நேரம் முடிந்ததும், புதிய தமிழகம் கட்சித் தலைவர் டாக்டர் கிருஷ்ணசாமி எழுந்து, தான் கொடுத்திருந்த கவன ஈர்ப்புத் தீர்மானங்கள் குறித்து கேட்டார்.
அதற்கு பதிலளித்த பேரவைத் தலைவர் ப.தனபால், ‘‘கவன ஈர்ப்புத் தீர்மானம் குறித்து சம்பந்தப்பட்ட துறையில் இருந்து பதில் வந்ததும், ஒவ்வொன்றாக எடுத்துக் கொண்டிருக்கிறேன்’’ என்றார்.
ஆனால், கிருஷ்ணசாமி உட்காராமல் தொடர்ந்து ஏதோ பேசிக் கொண்டே இருந்தார். அப்போது மானியக் கோரிக்கை மீதான விவாதத்தில் பேசுமாறு தேமுதிக உறுப்பினர் தினகரனை பேரவைத் தலைவர் அழைத்தார். இதையடுத்து கிருஷ்ணசாமி அவையில் இருந்து வெளிநடப்பு செய்தார்.
அவைக்கு வெளியே நிருபர்களிடம் அவர் கூறும்போது, ‘‘இந்தக் கூட்டத் தொடர் தொடங்கியதில் இருந்து 50-க்கும் அதிகமான முக்கிய பிரச்சினைகள் குறித்து கவன ஈர்ப்புத் தீர்மானங்களை கொடுத்திருந்தேன்.
அதில் ஒன்றைக்கூட விவாதத் துக்கு எடுத்துக் கொள்ளவில்லை. இலங்கை ராணுவம் நடத்தும் கருத்தரங்கில் பாஜக தலைவர்கள் பங்கேற்கின்றனர்.
திருநெல்வேலி கோபால சமுத்திரத்தில் இரு பிரிவினர் இடையே மோதல் நடந்து வருகிறது. இதுபற்றி எல்லாம் பேச வேண்டும் என்றால் அதற்கு அனுமதி கிடைப்பதில்லை. இதைக் கண்டித்து வெளிநடப்பு செய்தேன்’’ என்றார்.

உச்ச நீதிமன்ற நீதிபதிகள் குழு நீதிபதி கட்ஜுவை விசாரிக்க வேண்டும்: டாக்டர் கிருஷ்ணசாமி பேட்டி..


‘‘சக நீதிபதி பற்றி கருத்து கூறிய, நீதிபதி கட்ஜுவிடம் உச்ச நீதிமன்ற நீதிபதிகள் விசாரிக்க வேண்டும்’’ என்று புதிய தமிழகம் கட்சி தலைவர் டாக்டர் கிருஷ்ணசாமி வலியுறுத்தினார்.
சட்டப்பேரவையில் புதன் கிழமை கேள்வி நேரத்துக்குப் பிறகு, புதிய தமிழகம் கட்சி தலைவர் டாக்டர் கிருஷ்ணசாமி திடீரென எழுந்து பேச அனுமதி கேட்டார். அதற்கு சபாநாயகர், ‘காலையில்தானே கடிதம் கொடுத்தீர்கள். பிறகு பேசலாம்’ என்றார். அதைத் தொடர்ந்து, வெளிநடப்பு செய்த கிருஷ்ண சாமி நிருபர்களிடம் கூறியதாவது:
சென்னை உயர் நீதிமன்ற முன்னாள் நீதிபதி ஒருவரை பற்றி, இதே நீதிமன்றத்தில் பணியாற்றி பின்பு உச்ச நீதிமன்றத்தில் நீதிபதியாக இருந்த கட்ஜு, பதவி வகித்த 7 ஆண்டு பிறகு, அந்த நீதிபதியை பற்றி கூறியுள்ள கருத்து பற்றி அவையிலேயே எழுப்ப விரும்பினேன். அதற்கு அனுமதி மறுத்த காரணத்தால் பேரவையில் இருந்து வெளிநடப்பு செய்தேன்.
பதவியில் இருந்தபோது எதுவும் கருத்து தெரிவிக்காமல், ஓய்வு பெற்ற பிறகு சக நீதிபதி ஒருவர் பற்றி இதுபோன்ற கருத்து களை தெரிவிக்க ஆரம்பித்தால், நீதி துறையின் மாண்பே கெட்டு விடும். நீதிபதி கூறியுள்ள கருத்து நிச்சயமாக அவராக கூறியதாக இருக்காது. இவ்வாறு கிருஷ்ணசாமி கூறினார்.

டாக்டர் கிருஷ்ணசாமி வெளிநடப்பால் அவையில் சிரிப்பலை..




சட்டசபையில் கவன ஈர்ப்பு தொடர்பான விவாதம் முடிந்த பிறகு, உறுப்பினர்கள் ஒரு சிலர் எழுந்து, முக்கியத்துவம் வாய்ந்த பிரச்சினை குறித்து பேச அனுமதி கேட்டனர். அதில் டாக்டர் கிருஷ்ணசாமியும் (புதிய தமிழகம்) ஒருவர். அவர் பேசும்போது, நான் இந்த அவையில் 50-க்கு மேற்பட்ட கவன ஈர்ப்புகளை கொண்டு வந்துள்ளேன். ஆனால் எதுவும் விவாதிக்கப்படவில்லை என்றார். தொடர்ந்து அவர் பேச முயன்றபோது, சபாநாயகர் அவருக்கு அனுமதி அளிக்கவில்லை. 

அதனைத் தொடர்ந்து, வலது கையை உயர்த்திக்காட்டி, அவையை விட்டு வெளியேறுவதாக டாக்டர் கிருஷ்ணசாமி கூறி புறப்பட்டார். அப்போது அவரது கையை உறுப்பினர் சரத்குமார் (தென்காசி தொகுதி) பிடித்து, தாங்கள் எழுத வாங்கிய என்னுடைய பேனாவை தந்துவிட்டு போங்கள் என்று

சைகையிலேயே குறிப்பிட்டார். இதனால் அவையில் சிரிப்பலை எழுந்தது. அதன்பின்னர், சட்டை பையில் இருந்த பேனாவை எடுத்து சரத்குமாரிடம் கொடுத்துவிட்டு உறுப்பினர் கிருஷ்ணசாமி வெளியேறினார்

சனி, 2 ஆகஸ்ட், 2014

புதிய தமிழகம் கோட்டையில் கொடை விழா...

இலங்கை ராணுவ இணையத்தில் ஜெ.வை பற்றி விமர்சனம்: ஜவாஹிருல்லா, கிருஷ்ணசாமி கண்டனம்...





மீனவர் பிரச்சனை குறித்து ஜெயலலிதா, நரேந்திர மோடி இடையேயான கடித பரிமாற்றம் குறித்து கொச்சைப்படுதும் வகையில் செய்தி வெளியானதற்கு தமிழகத்தில் பல்வேறு கண்டன குரல்கள் எழுந்தன. 

சட்டமன்ற வளாகத்தில், மனிதநேய மக்கள் கட்சியின் சட்டமன்ற உறுப்பினர் ஜவாஹிருல்லா கூறுகையில், ஒரு முதல் அமைச்சர், நாட்டின் பிரதமருக்கு எழுதிய கடிதத்தை இலங்கை ராணுவ இணையதளத்தில் தரக்குறைவாக ஒரு தலைப்பிட்டு கட்டுரை வெளிவந்திருக்கிறது. இது கண்டனத்துக்கு உரியது.

இந்த பிரச்சனையை சிறப்பு கவன ஈர்ப்பு தீர்மானமாக எழுப்புவதற்கு நாங்கள் முயற்சித்தபோது, சபாநாயகர் அதற்கு மறுப்பு தெரிவித்திருக்கிறார் என்றார்.

புதிய தமிழகம் கட்சியின் தலைவர் டாக்டர் கிருஷ்ணசாமி கூறுகையில், இலங்கை ராணுவ இணையதளத்தில் தமிழ்நாடு அரசுக்கு தலைமை தாங்குபவர்களை பற்றி கொச்சைப்படுத்தக் கூடிய வகையிலும், கச்சத்தீவு இலங்கைக்கு சொந்தமானது என்றும், கச்சத்தீவு இந்தியாவுக்கு சொந்தமானது இல்லை என்பது போல் கருத்துக்களை தெரிவிக்கக் கூடிய வகையில் செய்தியை போட்டுள்ளார்கள். இது தமிழகத்தில் உள்ள மக்களை புண்படுத்தும் அளவிற்கு உள்ளது என்றார். 

புதிய தமிழகம் கோட்டையில் திருவிழா..