எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

வியாழன், 19 ஜூன், 2014

டாக்டர்.கலைஞர் அவர்களுடன் டாக்டர்.க.கிருஷ்ணசாமி அவர்கள் சந்திப்பு..


தி.மு.க தலைவர் டாக்டர்.கலைஞர் அவர்களை  புதிய தமிழகம் கட்சி தலைவர் இன்று காலை கோபாலபுரம் இல்லத்தில் சந்தித்து பேசினார். பின்னர் செய்தியாளர்களிடம் டாக்டர்.க.கிருஷ்ணசாமி அவர்கள் கூறியதாவது:-

வளர்ந்த ஐரோப்பிய நாடுகளிலும், ஆசியா மற்றும் தென்அமெரிக்கா நாடுகளிலும் உலகின் பெரும்பாலான நாடுகளிலும் விகிதாச்சார அடிப்படையிலான தேர்வு முறையே அமலில் உள்ளது. விகிதாச்சார தேர்வு முறை மூலமாக ஒவ்வொரு கட்சியும் பெற்ற வாக்குகளின் விகிதத்திற்கு ஏற்ப அக்கட்சிகளுக்கு சட்டமன்றம் மற்றும் நாடாளுமன்றத்தில் பிரதிநிதிகள் கிடைப்பர். இதன் மூலம் ஜனநாயகம் வலுப்பெறும்; கட்சிகளிடையே தோன்றும் பிரிவினைகள், மக்களிடையே தோன்றும் சாதி, மத, மொழி, பிராந்திய மனப்பான்மைகள் மறைந்து போகும்   என்பதை வலியுறுத்தி விகிதாச்சார தேர்வு முறை குறித்து ஒத்த கருத்துள்ள கட்சிகளை ஒருங்கிணைத்து விழிப்புணர்வு ஏற்படுத்த    டாக்டர்.கலைஞர் அவர்கள் தலைமையில் தேசிய கருத்தரங்கம் நடத்தவேண்டும் என கேட்டுக்கொண்டேன் என டாக்டர். க.கிருஷ்ணசாமி அவர்கள் கூறினார்.
அப்போது மாநில நிர்வாகிகள்  வி.கே.அய்யர்,துறைமுகம் கண்ணன்  ஆகியோர் உடன் இருந்தனர்.

செவ்வாய், 17 ஜூன், 2014

சென்னையில் நடந்த ஆர்ப்பாட்டத்தில் தமிழக அரசுக்கு டாக்டர் கிருஷ்ணசாமி அவர்கள் விடுத்த எச்சரிக்கை...

சென்னையில் நடந்த ஆர்ப்பாட்டத்தில் தமிழக அரசுக்கு டாக்டர் கிருஷ்ணசாமி அவர்கள் விடுத்த எச்சரிக்கை.1995 கொடியங்குளம் கலவரத்தின் போது நாங்கள் ஆயுதம் எந்தி போராடியது போலவும்,அகிம்சை வழியில் போராடுவதும் வன்முறையாளர்கள் மீது தமிழக அரசு எடுக்கும் நடவடிக்கையை பொருத்தே உள்ளது.

புதிய தமிழகம் கட்சியின் அரசியல் உயர்நிலைக் குழுக்கூட்டம்...

நடைபெற்ற நாடாளுமன்றத் தேர்தல் முடிவுகள் குறித்து கருத்தறிய புதிய தமிழகம் கட்சியின் அரசியல் உயர்நிலைக் குழுக்கூட்டம் இன்று 17.06.2014 புதிய தமிழகம் கட்சியின் நிறுவனர்-தலைவர் டாக்டர்.க.கிருஷ்ணசாமி எம்.டி.,எம்.எல்.ஏ அவர்கள் தலைமையில் சென்னை, நுங்கம்பாக்கம், வி.கங்காதரன் தெருவிலுள்ள புதிய தமிழகம் கட்சி தலைமை அலுவலகத்தில் காலை 9 மணி முதல் நடைபெற்றது. அதில் நிறைவேற்றப்பட்ட தீர்மானங்கள்:
1) நடைபெற்ற நாடாளுமன்றத் தேர்தலுக்குப் பிறகு நாடெங்கும் பெண்கள், தாழ்த்தப்பட்ட மக்கள், பழங்குடியினருக்கு எதிராக அதிகரித்துவரும் வன்கொடுமைகள் குறித்து புதிய தமிழகம் கட்சி ஆழ்ந்த கவலை கொள்கிறது. உ.பி.மாநிலத்தில் பதுகன் மாவட்டத்தில் கற்பழித்து கொடூரமாக தூக்கிலிடப்பட்டு 2 தலித் பெண்கள் கொலை, தமிழகத்தில் திருநெல்வேலி மாவட்டம் சங்கரன்கோவில் வட்டம் உடப்பன்குளத்தில் 3 தலித் இளைஞர்கள் படுகொலை, அதேபகுதியில் அழகுனேரி கிராமத்தைச் சேர்ந்த செல்வக்குமார் என்ற தலித் இளைஞர் தீயிட்டு படுகொலை, விருதுநகர் மாவட்டம் வத்திராயிருப்பு ஒன்றியம் கூமாபட்டியைச் சேர்ந்த பாலமுருகன் என்ற இளைஞர் அடித்துக் கொலை உட்பட தூத்துக்குடி மாவட்டம் மணக்கரை கிராமத்தில் 44 தாழ்த்தப்பட்ட மக்களுடைய வீடுகள் சூறையாடப்பட்டதற்கும், 3 இளைஞர்கள் தாக்கப்பட்டதற்கும், கோவை மாவட்டம் பொள்ளாச்சியில் 2 சிறுமிகள் கற்பழிக்கப்பட்டதற்கும் புதிய தமிழகம் கட்சி தனது கடும் கண்டனத்தைத் தெரிவித்துக்கொள்கிறது.
நாடாளுமன்றத் தேர்தல் வெற்றி மத்திய, மாநில அரசுகளின் கண்களை மூடி மறைத்துவிடக்கூடாது என்பதற்காகவும், மேலாதிக்க சாதி, மத வெறிக்கு துணைபோய் விடக்கூடாது எனவும் மத்திய, மாநில அரசுகளை புதிய தமிழகம் கட்சி எச்சரிக்கிறது. ஆதிக்கச் சாதிவெறியோடு நடத்தப்பட்ட இச்சம்பவங்களில் ஈடுபட்ட உண்மைக் குற்றவாளிகளைக் கண்டறிந்து தண்டித்திடவும், எதிர்காலத்தில் இதுபோன்ற வன்முறை சம்பவங்கள் நடந்திடா வண்ணம் நடவடிக்கை எடுத்திடவும் புதிய தமிழகம் கட்சி வலியுறுத்துகிறது.

சென்னையில் இன்று (16-06-2014) டாக்டர் க.கிருஷ்ணசாமி அவர்கள் தலைமையில் நடந்த மாபெரும் கண்டன ஆர்ப்பாட்டம்

சென்னை 16:-தென்தமிழகத்தில் பட்டியலின மக்கள் மீது நடத்தப்படும் தாக்குதல்கள் - தமிழகம் மற்றும் உத்திரபிரதேச மாநிலத்தில் நடைபெற்றுவரும் பாலியல் வன்கொடுமைகளை கண்டித்து டாக்டர்.க.கிருஷ்ணசாமி எம்.எல்.ஏ தலைமையில் ஆர்ப்பாட்டம்
புதிய தமிழகம் கட்சி நிறுவனர்-தலைவர் டாக்டர்.க.கிருஷ்ணசாமி எம்.எல்.ஏ அவர்கள் தலைமையில் சென்னை சேப்பாக்கம் விருந்தினர் மாளிகை அருகே தென்தமிழகத்தில் பட்டியலின மக்கள் மீது தொடர்ந்து நடத்தப்படும் வன்கொடுமை தாக்குதல்களையும், தமிழகத்தில் பொள்ளாச்சி, உத்திரபிரதேச மாநிலத்தில் தாழ்த்தப்பட்ட சிறுமியர், இளம்பெண்கள் மீதான பாலியல் வன்கொடுமைகளை கண்டித்தும் ஆர்ப்பாட்டம் நடைபெற்றது அப்போது அவர் கூறியதாவது:-
நடந்து முடிந்த நாடாளுமன்ற தேர்தலுக்கு பிறகு தாழ்த்தப்பட்ட மக்கள் மீது தொடர்ந்து தாக்குதல் நடைபெற்று வருகிறது. குறிப்பாக உத்திரபிரதேச மாநிலத்தில் கடந்த இரண்டு வாரங்களுக்கு முன் இரண்டு தாழ்த்தப்பட்ட இளம் பெண்கள் பாலியல் பலாத்காரம் செய்யப்பட்டு தூக்கில் தொங்கவிடப்பட்டனர்.
அண்மைகாலமாக தென்தமிழத்தில் தாழ்த்தப்பட்ட மக்களுக்கெதிராக அதிகரித்து வரும் வன்கொடுமைகள் அதிகரித்து வருகிறது கடந்த மே மாதம் மூன்றாவது வாரத்தில் கோவில்பட்டி - நெல்லை தனியார் பேரூந்து நடத்துனர் சங்கரன்கோவில் தாலூகா அழகனேரி கிராமத்தை சேர்ந்த செல்வகுமார் த/பெ.தங்கராஜ் என்பவர் சில ஆதிக்க சாதியினரால் தீயிட்டு கொளுத்தப்பட்டு அகால மரணமடைந்துள்ளார். அந்த சம்பவம் நடத்துனருக்கும், பயணச்சீடு வாங்காத பயணிகளுக்கும் ஏற்பட்ட தகராறில் நடந்த சம்ப்வம் என்று சொல்லப்பட்டாலும் உண்மையில் அது திட்டமிட்ட கொலையாகும். சாதிய வெறியோடு நடத்தப்பட்ட கெளரவ கொலையாகும்.
இரண்டாவதாக அதே சங்கரன் கோவில் அருகே உடப்பன்குளம் என்ற கிராமத்தில் பல்வேறு சமுதாயத்தை சார்ந்தவர்கள் வாழ்கிறார்கள். அதில் பட்டியலின பிரிவில் உள்ள தேவேந்திர குல வேளாளர்கள் வெறும் 40 குடும்பங்கள் மட்டுமே. அந்த நாற்பது குடும்பங்களுக்கு குடிநீர் பிடிப்பது.மாயானப் பாதைக்கு செல்வது, நடைபாதை போன்ற பல அடிப்படை உரிமைகள் அங்கு வாழக்கூடிய பிறசமூகங்கள் மறுக்கப்பட்டு வந்ததும் அதனுடைய தொடர்ச்சியாக வால்பாறையிலிருந்து திருமண நிகழ்ச்சிகு வந்து திரும்பிய 2 பேர் உட்பட மூன்று பேர் அதே கிராமத்திற்கு அருகாமையில் கொடூரமாக கொலை செய்யப்பட்டுள்ளனர்.
இரண்டு வாரங்களுக்கு முன்பு தூத்துக்குடி மாவட்டம் திருவைகுண்டம் தாலூகா மணக்கரை என்ற கிராமத்தில் அதே பட்டியலினப் பிரிவில் தேவேந்திர குல வேளாளர் இனத்தைச் சார்ந்த 30 வீடுகள் அடித்து நொறுக்கப்பட்டிருக்கின்றன. 8 பைக்குகள்,2 ஆம்னி பஸ் பலத்த சேதமடைந்துள்ளன, 30 வீடுகளிலும் அந்த மக்களுடைய வீடுகள் குடியிருக்கமுடியா வகையில் வீட்டிலிருந்த சமையல் பாத்திரங்கள், அடுப்புகள் அனைத்தும் நொறுக்கப்பட்டுள்ளன.
அதேபோல இரண்டு தினங்களுக்கு முன்பு 10 வயதிற்குட்பட்ட தாழ்த்தப்பாட்ட சமூகத்தை சார்ந்த இளம் சிறுமிகள் மிக கொடூரமாக பாலியல் பலாத்காரம் செய்யப்பட்டு ஆபத்தான நிலையில் மருத்துவமனையில் சிகிச்சை பெற்று வருகிறார்கள்.
இப்படி தொடர்ந்து தாழ்த்தப்பட்ட மக்களுக்கெதிராக நடைபெற்று வரும் தாக்குதல்களை தடுத்து நிறுத்திட மத்திய, மாநில அரசுகள் நடவடிக்கை எடுக்க வலியுறுத்தி கண்டன ஆர்ப்பாட்டம் நடைபெறுகிறது. 1989 ஆம் ஆண்டு வன்கொடுமை சட்டத்தின்படி நடவடிக்கை எடுக்க வேண்டும் தவறினால் தமிழகம் தழுவிய போராட்டம் நடத்தப்படும் என டாக்டர். க.கிருஷ்ணசாமி அவர்கள் கூறினார்.
ஆர்ப்பாட்டத்தில் தமிழகத்தின் அனைத்து மாவட்ட செயலாளர்கள்,ஒன்றிய,நகர, தொண்டர்கள் திரளாக கலந்துகொண்டு தங்களது கண்டன குரல்களை எழுப்பினார்கள்..

சென்னையில் இன்று (16-06-2014) டாக்டர் க.கிருஷ்ணசாமி அவர்கள் தலைமையில் நடந்த மாபெரும் கண்டன ஆர்ப்பாட்டம்

ஞாயிறு, 15 ஜூன், 2014

சென்னையில் ஜூன்-16 டாக்டர் க.கிருஷ்ணசாமி அவர்கள் தலைமையில் புதிய தமிழகம் சார்பாக மாபெரும் கண்டன ஆர்ப்பாட்டம்..

உ.பியில் ஒடுக்கப்பட்ட சமூகத்தை சார்ந்த இரண்டு சிறுமிகள் படுகொலையை கண்டித்தும்,தென் தமிழகத்தில் கடந்த பத்து ஆண்டுகளாக சமூக நல்லிணக்கத்தோடு வாழ்ந்த மக்களிடையே வன்முறையில் ஈடுபடுபவர்களை தடுக்க தவறிய தமிழக அரசை கண்டித்தும் சென்னையில் ஜூன்-16 ல் சேப்பாக்கம் விருந்தினர் மாளிகை முன்பு காலை 10 மணிக்கு ஒடுக்கப்பட்ட மக்களின் பிரச்சனையை தீர்வை நோக்கி சரியான முறையில் போராடும் "சமூக விஞ்ஞானி" டாக்டர் க.கிருஷ்ணசாமி அவர்கள் தலைமையில் மாபெரும் கண்டன ஆர்ப்பாட்டம்.

சென்னையில் ஜூன்-16 டாக்டர் க.கிருஷ்ணசாமி அவர்கள் தலைமையில் புதிய தமிழகம் சார்பாக மாபெரும் கண்டன ஆர்ப்பாட்டம்..