எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

வெள்ளி, 14 மார்ச், 2014

தென்காசி தொகுதி வெற்றி நிச்சயம்".


தென்காசி நாடாளுமன்ற தேர்தலில் புதிய தமிழகம் தலைவர் டாக்டர் கிருஷ்ணசாமி அவர்களின் வெற்றி வாய்ப்பு மிகவும் பிரகாசமாக உள்ளது.

கடந்த நாடாளுமன்ற தேர்தலின் போது டாக்டர் கிருஷ்ணசாமி அவர்களும் சரத்குமாரும் இணைந்து போட்டியிட்டதில் டாக்டர் கிருஷ்ணசாமி அவர்கள் தி.மு.க, அ.தி.மு.க இல்லாத ஒரு சுயேட்சை வேட்பாளர் போலவே தன்னைப் பிரகடனப்படுத்தி வேட்பாளராக களம் கண்டார்.

அப்போது அவர் பெற்ற வாக்குகள் ஒரு லட்சத்தி முப்பத்தைந்தாயிரம் என்பது குறிப்பிடத்தக்கது.

2009 ல் எதிர்த்து நம்முடைய வேட்பாளர் "கை" சின்னத்தில் போட்டியிட்ட வெள்ளைப்பாண்டி கம்யூனிஸ்ட் கட்சியைச் சார்ந்த தோழர் லிங்கம் அவர்களிடம் முப்பதாயிரம் வாக்குகள் வித்தியாசத்தில் தோல்வியைத் தழுவினார்.

தே.மு.தி.க சார்பில் இன்பராஜ் என்பவர் போட்டியிட்டு தன் பங்குக்கு வாக்குகளை பிரித்தார்.

ஆக, மூன்று பிரபல கட்சிகளுக்கு மத்தியில் சாதாரண சரத்குமாரை வைத்துக் கொண்டு 1,35,000 வாக்குகளை தனித்து நின்று டாக்டர் கிருஷ்ணசாமி அவர்கள் பெற்றார் என்பது குறிப்பிடத்தக்கது.

தற்போதைய சூழலில் தி.மு.க கூட்டணியின் வேட்பாளராக டாக்டர் கிருஷ்ணசாமி அவர்கள் களம் காணுகின்றார்.

இந்தத் தேர்தலில் தமிழகத்தில் ஐந்து முனைப் போட்டி நிலவும் என்று தெரிவிக்கின்றனர்.

ஒருவேளை ஐந்து முனைப் போட்டி வந்தால், கடந்த தேர்தலில் டாக்டர் கிருஷ்ணசாமி அவர்கள் பெற்ற வாக்குகளும், 6 சட்டமன்ற தொகுதியிலும் உள்ள உதயசூரியனுக்கும், விடுதலை சிறுத்தைகளுக்கும், முஸ்லிம் அமைப்புக்களுக்கும் விழும் வாக்குக்குகள் சிதறாமல் விழுந்தாலே போதும் டாக்டர் கிருஷ்ணசாமி அவர்கள் வெற்றி பெற்று விடுவார்.

தலைவர் கலைஞரின் கரங்களில் எங்கள் மாவட்ட செயலாளர் கே.கே.எஸ்.எஸ்.ஆர்.ஆர். அவர்களும், நெல்லை மாவட்ட செயலாளர் கருப்பசாமி பாண்டியன் அவர்களும் தென்காசி தொகுதியின் வெற்றிக்கனியை கலைஞரின் காலடிகளில் சமர்ப்பிப்பனர்.

திமுக கூட்டணியில் மமக, புதிய தமிழகத்துக்கு ஒரு இடம்..


 


பாராளுமன்றத் தேர்தலில் தி.மு.க. கூட்டணியில் இடம் பெற்றுள்ள அரசியல் கட்சிகளுக்கு தொகுதிகள் ஒதுக்கீடு செய்வது தொடர்பாக தி.மு.க. தலைமை, சென்னையில் உள்ள அண்ணா அறிவாலயத்தில் கூட்டணி கட்சி தலைவர்களுடன் பேச்சுவார்த்தை நடத்தியது. 
மனித நேய மக்கள் கட்சிக்கு ஒரு தொகுதியும், புதிய தமிழகம் கட்சிக்கு ஒரு தொகுதியும், இந்திய யூனியன் முஸ்லீம் லீக் கட்சிக்கு ஒரு தொகுதியும் ஒதுக்கப்பட்டுள்ளது. 
மனிதநேய மக்கள் கட்சியின் தலைவர் ரியாபி செய்தியாளர்களிடம் பேசியபோது, மனிதநேய கட்சிக்கு மயிலாடுதுறை பாராளுமன்றத் தொகுதி ஒதுக்கப்பட்டுள்ளதாக தெரிவித்தார். புதிய தமிழகம் கட்சிக்கு தென்காசி பாராளுமன்றத் தொகுதி ஒதுக்கப்பட்டுள்ளதாக அக்கட்சியின் நிறுவனர் டாக்டர் கிருஷ்ணசாமி தெரிவித்தார்.

பெரம்பலூர் தி.மு.க. வேட்பாளர் புதிய தமிழகம் கட்சி நிர்வாகிகளிடம் ஆதரவு திரட்டினார்


புதிய தமிழகம் கட்சியின் திருச்சி மாவட்ட செயல்வீரர்கள் கூட்டம் சத்திரம் பஸ் நிலையம் அருகே நடந்தது.
கூட்டத்தில் மாவட்ட மாணவரணி செயலாளர் கோபி வரவேற்று பேசினார். மாநகர் மாவட்ட செயலாளர் வக்கீல் சங்கர்,புறநகர் மாவட்ட செயலாளர் அய்யப்பன் ஆகியோர் தலைமை தாங்கினர். வாழையூர் குணா, சிவா ஆகியோர் முன்னிலை வகித்தனர். கூட்டத்தில் திருச்சி, பெரம்பலூர், கரூர் தொகுதி தி.மு.க. வேட்பாளர்களை ஒரு லட்சத்திற்கும் அதிகமான வாக்குகள் வித்தியாசத்தில் வெற்றி பெற செய்வதற்கு புதிய தமிழகம் கட்சி கிராமங்கள் தோறும் பிரசாரம் செய்து பாடுபடுவது என்று முடிவு செய்யப்பட்டது.
ஆசிரியர் தகுதி தேர்வில் இட ஒதுக்கீட்டினை முறையாக பின்பற்றாததாக கூறி அதற்கு தமிழக அரசை கண்டித்தும், தியாகி இம்மானுவேல் சேகரன் நினைவு நாள் மற்றும் பிறந்த நாளை அரசு விழாவாக அறிவிக்க கேட்டும் தீர்மானம் நிறைவேற்றப்பட்டது. பரமகுடி துப்பாக்கி சூடு சம்பவத்தில் சம்பத் கமிஷன் அறிக்கையை திரும்ப பெற வேண்டும், பாராளுமன்ற தேர்தலில் தேர்தல் ஆணையம் பாரபட்சமின்றி செயல்பட வேண்டும் போன்ற தீர்மானங்கள் நிறைவேற்றப்பட்டது.
இந்த கூட்டத்தில் பெரம்பலூர் பாராளுமன்ற தொகுதி தி.மு.க. வேட்பாளர் சீமானூர்பிரபு கலந்து கொண்டு பேசுகையில், சாதாரண குடும்பத்ததில் பிறந்த நான் பெரம்பலூர் தொகுதி வேட்பாளாராக தி.மு.க. சார்பில் அறிவிக்கப்பட்டுள்ளேன். என்னை வெற்றி பெற செய்தால் உங்களில் ஒருவனாக இருந்து உங்களுக்கு தேவையானவற்றை நிறைவேற்றி தருவேன். அதனால் என்னை புதிய தமிழகம் கட்சியின் வேட்பாளராக நினைத்து வெற்றி பெற செய்யுங்கள். இவ்வாறு அவர் பேசினார். பின்னர் புதிய தமிழகம் கட்சி நிர்வாகிகளுக்கு பொன்னாடை அணிவித்து ஆதரவு திரட்டினார்.
கூட்டத்தில் புதிய தமிழகம் கட்சியின் ஒன்றிய செயலாளர்கள் தினகரன், நம்பிராஜ், பிச்சை முத்து, துறையூர் முருகானந்தம், புள்ளம்பாடி முருகானந்தம், தம்பிதுரை, பகுதி செயலாளர் அசோக்தேவேந்திரன், மாநில இளைஞர் அணி செயலாளர் அசோக், சிறுபான்மை நலப்பிரிவு ஐதர்அலி, அண்ணாதுரை மற்றும் பலர் கலந்து கொண்டனர்.

தென்காசியில் போட்டியிடும் டாக்டர் கிருஷ்ணசாமி, லட்சக்கணக்கான ஓட்டுகள் வித்தியாசத்தில் வெற்றி பெறுவார் வீ.கருப்பசாமி பாண்டியன் பேச்சு..........



தென்காசி தொகுதியில் போட்டியிடும் தி.மு.க. கூட்டணி வேட்பாளர் டாக்டர் கிருஷ்ணசாமி லட்சக்கணக்காக ஓட்டுகள் வித்தியாசத்தில் வெற்றி பெறுவார் என்று வேட்பாளர் அறிமுக கூட்டடத்தில் தி.மு.க. மாவட்ட செயலாளர் வீ.கருப்பசாமி பாண்டியன் கூறினார்.
வேட்பாளர் அறிமுக கூட்டம்
தென்காசி பாராளுமன்ற தொகுதி தி.மு.க கூட்டணி சார்பில் போட்டியிடும் புதிய தமிழகம் கட்சி தலைவர் டாக்டர் கிருஷ்ணசாமியை தி.மு.க நிர்வாகிகளுக்கு அறிமுகம் செய்யும் கூட்டம் குற்றாலம் கேரளா பேலஸ் பங்களா வளாகத்தில் நேற்று காலை நடைபெற்றது. தி.மு.க மாவட்ட செயலாளர் கருப்பசாமி பாண்டியன் தலைமை தாங்கினார்.
முன்னாள் சபாநாயகர் ஆவுடையப்பன், முன்னாள் அமைச்சர்கள் டி.பி.எம்.மைதீன்கான், பூங்கோதை ஆகியோர் முன்னிலை வகித்தனர். கூட்டத்தில் வேட்பாளர் டாக்டர் கிருஷ்ணசாமி தி.மு.க நிர்வாகிகளுக்கு அறிமுகம் செய்து வைக்கப்பட்டார்.
கூட்டத்தில் தி.மு.க. மாவட்ட செயலாளர் வீ.கருப்பசாமி பாண்டியன் பேசியதாவது:–
இங்கு போட்டியிடும் டாக்டர் கிருஷ்ணசாமி பல தேர்தல்களை சந்தித்தவர். பொள்ளாச்சியில் கழக நாடாளுமன்ற வேட்பாளராக போட்டியிட்டவர். தேர்தல் அவருக்கு புதிது அல்ல. இவ்வாறு பணியாற்ற வேண்டும் என்பது அவருக்கு நன்றாகவே தெரியும்.
லட்சக்கணக்கான ஓட்டுகள்...
வருகிற 15, 16 ஆகிய தேதிகளில் மு.க.ஸ்டாலின், நெல்லை மாவட்டத்தில் சுற்று பயணம் செய்கிறார். அப்போது நமது அணியின் எழுச்சியை காட்ட வேண்டும். வேட்புமனு தாக்கலுக்கு முன்பாக பண பட்டுவாடாவை முடிக்க வேண்டும் என்று எதிர்அணியினர் தற்போது வீடு வீடாக கணக்கெடுப்பு நடத்துகிறார்கள். இன்று இரவு முதல் நீங்கள் ஊர்காவல் படையாக விளைந்த பயிரை பாதுகாக்கும் விவசாயி போல் ஊரை காப்பாற்றும் முயற்சியில் ஈடுபட வேண்டும்.
இதில் ஏதும் பிரச்சினைகள் ஏற்பட்டால் அதனை சட்ட ரீதியாக சந்திக்க 25 வக்கீல்கள் கொண்ட குழு அமைக்கப்பட்டுள்ளது. நமது கூட்டணி கட்சிகளின் தற்போதைய நிலையை பார்க்கும் போது டாக்டர் கிருஷ்ணசாமி லட்சக்கணக்கான ஓட்டுகள் வித்தியாசத்தில் வெற்றி பெறுவது உறுதியாகிவிட்டது.
மு.க.ஸ்டாலின் வரும்போது அவரது பிரசாரத்திற்கு இடையூறு இல்லாத அளவில் தொண்டர்கள் கட்டுப்பாடுடன் அவரை வரவேற்க வேண்டும். புதிய தமிழகம் தொண்டர்கள் உள்பட அனைவரும் எந்தவித ஆரவாரமும் இல்லாமல் வாக்காளர்களிடம் வாக்கு சேகரிக்க வேண்டும்.
இவ்வாறு தி.மு.க. மாவட்ட செயலாளர் கருப்பசாமி பாண்டியன் பேசினார்.
டாக்டர் கிருஷ்ணசாமி
தென்காசி பாராளுமன்ற தொகுதி தி.மு.க. கூட்டணி வேட்பாளர் டாக்டர் கிருஷ்ணசாமி பேசியதாவது:–
எனக்கு இந்த தொகுதியில் போட்டியிட வாய்ப்பளித்த தி.மு.க தலைவர் கருணாநிதி, மு.க.ஸ்டாலின், மாவட்ட செயலாளர் கருப்பசாமி பாண்டியன், முன்னாள் சபாநாயகர் ஆவுடையப்பன் மற்றும் அனைவருக்கும் எனது நன்றியை தெரிவித்து கொள்கிறேன்.
தென் தமிழகத்தில் சகோதரத்துவம், தொழில், கல்வி, மருத்துவம் போன்றவை நல்ல வளர்ச்சி பெற வேண்டும் என்பதற்காக புதிய தமிழகம் தொடங்கிய காலம் முதல் செயல்பட்டு வருகிறேன்.
சட்டமன்றத்தில் மட்டும் குரல் கொடுத்தால் இதற்கு போதாது. அதிக நிதி வேண்டி நமது குரல் டெல்லியில் ஒலிக்க வேண்டும். அதற்கு தென்காசி தொகுதி திறவுகோலாக உள்ளது. தி.மு.க முன்னணி நிர்வாகிகள் எனக்கு உற்று துணையாக, பக்க பலமாக இருக்க வேண்டும்.
சமுதாயத்தை மாற்றும் இயக்கம்
நான் புதிய தமிழகம் கட்சியை சேர்ந்தவன் என்று நீங்கள் எந்த தயக்கமும் வேண்டாம். 1984–ல் கழக வேட்பாளராக பொள்ளாச்சியில் போட்டியிட்டேன். அப்போது அந்த தொகுதியில் கழக நிர்வாகிகள் மற்றும் தொண்டர்களுடன் ஏற்பட்ட உறவை இப்போதும் தொடர்ந்து வைத்துள்ளேன்.
தி.மு.க அரசியல் இயக்கம் அல்ல. சமுதாயத்தை மாற்றும் இயக்கம். பொறுப்பாளர்கள் என்னிடம் எப்போதும் தொடர்பு கொள்ளலாம். நான் உங்களில் ஒருவன். நீங்கள் தீவிரமாக செயல்பட்டு கருணாநிதி தலைமையிலான இந்த கூட்டணியை வெற்றி பெற செய்ய வேண்டும். அதற்கு நமது கூட்டணி கட்சிகளின் பொறுப்பாளர்கள் மற்றும் தொண்டர்களுடன் இணைத்து செயல்பட வேண்டும்.
இவ்வாறு டாக்டர் கிருஷ்ணசாமி பேசினார்.
கலந்து கொண்டவர்கள்
நிகழ்ச்சியில், மாவட்ட பொருளாளர் ஷேக்தாவூது, முன்னாள் எம்.எல்.ஏ ரசாக், தி.மு.க தணிக்கை குழு உறுப்பினர் சுபசீதாராமன், தென்காசி ஒன்றிய செயலாளர் ராமையா, முன்னாள் நகர சபை தலைவர் கோமதி நாயகம், தென்காசி செயலாளர் ஆயான் நடராஜன், யு.எஸ்.டி. சீனிவாசன், அருண்குமார், குற்றாலம் நகர செயலாளர் ராஜாராம், புதிய தமிழகம் மாவட்ட பொறுப்பாளர் ஜெயக்குமார், மாவட்ட செயலாளர் சுப்பிரமணியன், துணை செயலாளர் இன்பராஜ், சிறுபான்மை பிரிவு செயலாளர் முகம்மது கனிப், ஒன்றிய செயலாளர்கள் சந்திரன், மகேஷ் உள்பட பலர் கலந்து கொண்டனர். முடிவில் முன்னாள் அமைச்சர் பூங்கோதை நன்றி கூறினார்.

வியாழன், 6 மார்ச், 2014

தென்காசி தொகுதியில் கிருஷ்ணசாமி போட்டி...

 தென்காசி தொகுதியில் புதிய தமிழகம் கட்சியின் வேட்பாளராக அக்கட்சியின் நிறுவன தலைவர் டாக்டர் கிருஷ்ணசாமி போட்டியிடுவார் என இன்று அறிவிப்பு வெளியானது.

இதுதொடர்பாக புதிய தமிழகம் கட்சி நிர்வாகிகள் கூறுகையில், கடந்த 3 பாராளுமன்ற தேர்தலில் எந்த கட்சியுடனும் கூட்டணி இல்லாமல் தனியாக போட்டியிட்டு டாக்டர் கிருஷ்ணசாமி 1 லட்சத்துக்கும் அதிகமான வாக்குகள் பெற்றார்.

எனவே இந்த முறை தென்காசி தொகுதியில் திமுக கூட்டணியில் புதிய தமிழகம் கட்சி சார்பில் டாக்டர் கிருஷ்ணசாமி போட்டியிட்டால் உறுதியாக அவர் வெற்றி பெறுவார் என்று எங்களின் விருப்பத்தை தெரிவித்திருந்தோம். அதன்படி இன்று டாக்டர் கிருஷ்ணசாமி வேட்பாளராக அறிவிக்கப்பட்டுள்ளார். அவரை 2 லட்சம் வாக்குகள் வித்தியாசத்தில் வெற்றிபெற செய்வோம் என்று கூறினர்.

டாக்டர் கிருஷ்ணசாமி போட்டியிடும் வேளையில் தேர்தல் வேலைகளை நாங்கள் மும்முரமாக செய்து கட்சியின் தலைவரை வெற்றிபெற அயராது உழைப்போம் என்று கூறினர். புதிய தமிழகம் கட்சி சார்பில் அதன் நிறுவன தலைவர் டாக்டர் கிருஷ்ணசாமியே வேட்பாளராக அறிவிக்கப்பட்டுள்ளதால் தென்காசி பாராளுமன்ற தொகுதி தேர்தல் களம் சூடுபிடிக்க தொடங்கி உள்ளது.

டாக்டர் கிருஷ்ணசாமி தென்காசி தொகுதியில் கடந்த 4 முறை போட்டியிட்டுள்ளார். 2009 பாராளுமன்ற தேர்தலில் 1,16,685 வாக்குகள் பெற்றுள்ளார். 2004 தேர்தலில் 1,01,122 வாக்குகள் பெற்றார். இந்த இரு தேர்தலிலும் டாக்டர் கிருஷ்ணசாமி 3-வது இடத்தை பிடித்துள்ளார். தற்போது 5-வது முறையாக போட்டியிடுகிறார்.

தென்காசி தொகுதி வேட்பாளராக அறிவிக்கப்பட்டுள்ள டாக்டர் கிருஷ்ணசாமி தற்போது ஓட்டப்பிடாரம் சட்டமன்ற தொகுதி உறுப்பினராக உள்ளார். எனவே அவர் எம்.எல்.ஏ. பதவியை ராஜினாமா செய்கிறார்.

இதனால் ஓட்டப்பிடாரம் சட்டமன்ற தொகுதியில் இடைத்தேர்தல் நடத்தும் சூழல் உருவாகி உள்ளது.

தென்காசி நாடாளுமன்ற தொகுதியில் கிருஷ்ணசாமி போட்டி!




தென்காசி நாடாளுமன்ற தொகுதியில் புதிய தமிழகம் சார்பில் அக்கட்சித் தலைவர் டாக்டர் கிருஷ்ணசாமி போட்டியிடுவார் என்று அக்கட்சி அறிவித்துள்ளது.

தி.மு.க தலைமையிலான ஜனநாயக முற்போக்கு கூட்டணியில் புதிய தமிழகம் கட்சி இடம் பெற்றுள்ளது. அண்மையில் நடந்த தொகுதி பங்கீட்டு பேச்சுவார்த்தையில் புதிய தமிழகம் கட்சிக்கு தென்காசி தொகுதி ஒதுக்கப்பட்டது.

இந்நிலையில் தென்காசி தொகுதியில், வேட்பாளரை தேர்வு செய்வதற்கான கட்சியின் உயர்நிலைக்குழு கூட்டம், புதிய தமிழகம் கட்சித் தலைவர் டாக்டர் கிருஷ்ணசாமி தலைமையில் சென்னையில் இன்று நடைபெற்றது.

இந்த கூட்டத்திற்கு பின்னர் செய்தியாளர்களிடம் பேசிய கிருஷ்ணசாமி, "கட்சியின் உயர்நிலைக்குழு எடுத்த முடிவின்படி தென்காசி நாடாளுமன்ற தொகுதியில் நானே போட்டியிடுகிறேன்" என்றார்.

தற்போது ஒட்டப்பிடாரம் சட்டமன்ற உறுப்பினராக இருக்கும் கிருஷ்ணசாமி, அந்த பதவியை ராஜினாமா செய்ய உள்ளார்.

தென்காசி தொகுதியில் 5-ஆவது முறையாக களமிறங்கும் புதிய தமிழகம் கிருஷ்ணசாமி


தென்காசி மக்களவைத் தொகுதியில் 5-ஆவது முறையாக புதிய தமிழகம் கட்சியின் நிறுவனர்- தலைவர் டாக்டர் கிருஷ்ணசாமி போட்டியிடுகிறார்.
தென்காசி மக்களவைத் தொகுதியில் திருநெல்வேலி மாவட்டத்தைச் சேர்ந்த தென்காசி, கடையநல்லூர், வாசுதேவநல்லூர், சங்கரன்கோவில் பேரவைத் தொகுதிகளும், விருதுநகர் மாவட்டத்தைச் சேர்ந்த ராஜபாளையம், ஸ்ரீவில்லிபுத்தூர் பேரவைத் தொகுதிகளும் உள்ளன.
கடந்த ஜனவரி 10-ஆம் தேதி தேர்தல் ஆணையத்தால் அறிவிக்கப்பட்ட வாக்காளர்கள் எண்ணிக்கையின்படி, இத் தொகுதியில் 6 லட்சத்து 73 ஆயிரத்து 136 ஆண் வாக்காளர்கள், 6 லட்சத்து 76 ஆயிரத்து 615 பெண் வாக்காளர்கள், 28 பிற வாக்காளர்கள் என மொத்தம் 13 லட்சத்து 49 ஆயிரத்து 779 வாக்காளர்கள் உள்ளனர்.
கடந்த 1957ஆம் ஆண்டுமுதல் இதுவரை நடைபெற்றுள்ள தேர்தல்களில் 9 முறை காங்கிரஸ் கட்சியும், அதிமுக, இந்திய கம்யூனிஸ்ட் கட்சிகள் தலா இரு முறையும், தமாகா ஒரு முறையும் வெற்றிபெற்றுள்ளன.
கடந்த 1998 மற்றும் 99ஆம் ஆண்டுகளில் நடைபெற்ற தேர்தல்களில் அதிமுக சார்பில் போட்டியிட்ட முருகேசன் வெற்றிபெற்றார். அதன்பிறகு நடைபெற்ற தேர்தல்களில் திமுக மற்றும் அதிமுகவுடன் கூட்டணி வைத்து இந்திய கம்யூனிஸ்ட் கட்சி இரு முறை வெற்றி பெற்றுள்ளது.
இந்தத் தொகுதியில் கடந்த 1998 முதல் புதிய தமிழகம் கட்சியின் நிறுவனர் டாக்டர் கிருஷ்ணசாமி தொடர்ந்து போட்டியிட்டு வருகிறார். 98-ஆம் ஆண்டு நடைபெற்ற தேர்தலில் தனித்துப் போட்டியிட்டு 1 லட்சத்து 23 ஆயிரத்து 350 வாக்குகள் பெற்றார். அதையடுத்து 99-ஆம் ஆண்டு நடைபெற்ற தேர்தலில் தமாகாவுடன் இணைந்து தேர்தலைச் சந்தித்த கிருஷ்ணசாமி 1 லட்சத்து 86 ஆயிரம் வாக்குகள் பெற்றார்.
தொடர்ந்து 2004 மற்றும் 2009-ஆம் ஆண்டு நடைபெற்ற தேர்தல்களில் தனித்துப் போட்டியிட்டு முறையே 1 லட்சத்து ஆயிரம் வாக்குகளும், 1 லட்சத்து 16 ஆயிரத்து 685 வாக்குகளும் பெற்றார்.தற்போது முதல்முறையாக திமுக கூட்டணியில் இணைந்து தென்காசி தொகுதியில் கிருஷ்ணசாமி போட்டியிடுகிறார்.
இத் தொகுதியில் தானே போட்டியிடப்போவதாக அறிவித்து இருப்பதன்மூலம், அவரது மகள் போட்டியிடப்போவதாக வெளியான தகவல்களுக்கும் அவர் முற்றுப்புள்ளி வைத்துள்ளார்.