எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

வியாழன், 27 பிப்ரவரி, 2014

எடுத்தேன் கவிழ்த்தேன் என்று ஜெ.செயல்பட்டதால் வந்த சிக்கல் இது- டாக்டர் கிருஷ்ணசாமி ..

 எடுத்தேன் கவிழ்த்தேன் என்று முதல்வர் ஜெயலலிதா செயல்பட்டதால்தான் இப்போது ராஜீவ் காந்தி கொலை வழக்கில் தண்டனை விதிக்கப்பட்ட ஏழு பேரையும் விடுவிப்பதில் சிக்கல் ஏற்பட்டுள்ளது என்று புதிய தமிழகம் கட்சித் தலைவர் டாக்டர் கிருஷ்ணசாமி கூறியுள்ளார். சட்டசபை வளாகத்தில் செய்தியாளர்களிடம் கிருஷ்ணசாமி பேசுகையில், தமிழக முதல்வர், தமிழகத்தில் உள்ள அனைத்துக் கட்சிகளையும் கலந்து ஆலோசித்து ஓரிரு நாட்கள் காலதாமதம் ஆனாலும் கூட, எல்லா விதமான சட்ட விதிமுறைகளையும் ஆலோசித்து மத்திய அரசின் இணக்கத்தோடு நடவடிக்கை எடுத்திருந்தால், இது நிச்சயமாக வெற்றிகரமாக இருந்திருக்கும். எடுத்தேன், கவிழ்த்தேன் என்ற நடவடிக்கையின் விளைவாக தற்போது மீண்டும் அவர்கள் 3 பேரின் விடுதலைக்கு சிக்கல் ஏற்பட்டுள்ளது. இதற்கு முழுபொறுப்பையும் தமிழக முதல்வரே ஏற்றுக்கொள்ள வேண்டும் என்றார் கிருஷ்ணசாமி.
எடுத்தேன் கவிழ்த்தேன் என்று ஜெ.செயல்பட்டதால் வந்த சிக்கல் இது- டாக்டர் கிருஷ்ணசாமி

புதிய தமிழகம் கட்சி தலைவர் டாக்டர் அய்யா அவர்கள் இல்லத்தில் IUML தலைவர் திரு .காதர் மொய்தின் அவர்கள் சந்திப்பு...

செவ்வாய், 18 பிப்ரவரி, 2014

திருச்சி மாநாட்டில் கிருஷ்ணசாமி பேச்சு..

திருச்சி: தி.மு.க கூட்டணிக்கு யாராவது வந்தால் அவர்களுக்குத்தான் லாபமே தவிர எந்தவிதக் குறைவும் ஏற்பட்டுவிடாது என்று புதிய தமிழகம் கட்சித் தலைவர் கிருஷ்ணசாமி பேசினார்.
 
திருச்சியில் இரண்டு நாட்கள் நடைபெற்ற திமுக 10வது மாநில மாநாட்டில் கூட்டணி கட்சித் தலைவர் என்கிற முறையில் கலந்து கொண்டு சிறப்புரையாற்றிய  கிருஷ்ணசாமி எம்.எல்.ஏ, "கடந்த மூன்று வருடத்திற்கு முன்பு சட்டமன்றத் தேர்தலில் அதிமுக கூட்டணியில் இருந்தோம். மூன்று வருடத்திற்குள் ஒரு மாற்று முடிவு எடுக்கும் சூழல் ஏன் வந்தது?
பெரும்பாலும் ஆளும்கட்சி கூட்டணியில் இருந்து யாரும் வெளியே வரமாட்டார்கள்.வரக்கூடிய சூழ்நிலை உருவாகாது. ஆனால் எங்களுக்கும்  மனிதநேய மக்கள் கட்சிக்கும் அந்த சூழல் வந்துவிட்டது. நானும், மனித நேய மக்கள் கட்சியும் ஒரு முடிவு எடுத்து அதிமுக கூட்டணியில் இருந்து விலகி திமுக கூட்டணிக்கு வந்திருக்கிறோம் என்று சொன்னால் எந்தவித உள்நோக்கமும், சுயநலமும் இல்லை.

தமிழக சட்டமன்றத்தில் தமிழ்நாட்டு மக்களுக்காக பேச வாய்ப்பு கிடைக்கும் என்று நினைத்துத்தான் அதிமுக கூட்டணிக்கு சென்றோம். ஆனால் திமுக எம்எல்ஏக்கள் உள்ளே நுழைந்தாலே வெளியேற்றப்படுகிறார்கள். நாங்கள் பேசினால் அவை குறிப்பில் இருந்து நீக்கப்படுகிறது. நாங்கள் அவை மரபை மீறியதில்லை. ஆனாலும் எங்களுக்கு  சட்டமன்றத்தில் பேச வாய்ப்பில்லை என்று சொன்னால் அதிமுகவோடு கூட்டணி வைத்து என்ன பலன். இனிமேல் திமுக கூட்டணிக்கு யாராவது வந்தால் அவர்களுக்குத்தான் லாபமே தவிர, நமக்கொன்றும் எந்தவிதக் குறைவும் ஏற்பட்டுவிடப்போவது கிடையாது" என்றார்.

திமுக கூட்டணிக்கு வந்தாலே லாபம்தான்- டாக்டர் கிருஷ்ணசாமி

திருச்சி: திமுக கூட்டணியில் யார் வந்து சேர்ந்தாலும், லாபம் வந்து சேருகிறவர்களுக்குத்தான் என்று கூறியுள்ளார் புதிய தமிழகம் தலைவர் டாக்டர் கிருஷ்ணசாமி. திருச்சி திமுக மாநில மாநாட்டில் அவர் கலந்து கொண்டு பேசுகையில்தான் இப்படிக் கூறினார். மாநாட்டில் அவர் பேசுகையில், மூன்று வருடத்திற்கு முன்பு சட்டமன்றத் தேர்தலில் அதிமுக கூட்டணியில் இருந்தோம். மூன்று வருடத்திற்குள் ஒரு மாற்று முடிவு எடுக்கும் சூழல் ஏன் வந்தது? பெரும்பாலும் ஆளும்கட்சி கூட்டணியில் இருந்து யாரும் வெளியே வரமாட்டார்கள். வரக்கூடிய சூழ்நிலை உருவாகாது. ஆனால் எங்களுக்கும் மனிதநேய மக்கள் கட்சிக்கும் அந்த சூழல் வந்துவிட்டது. நானும், மனித நேய மக்கள் கட்சியும் ஒரு முடிவு எடுத்து அதிமுக கூட்டணியில் இருந்து விலகி திமுக கூட்டணிக்கு வந்திருக்கிறோம் என்று சொன்னால் எந்தவித உள்நோக்கமும், சுயநலமும் இல்லை. தமிழக சட்டமன்றத்தில் தமிழ்நாட்டு மக்களுக்காக பேச வாய்ப்பு கிடைக்கும் என்று நினைத்துத்தான் அதிமுக கூட்டணிக்கு சென்றோம். ஆனால் திமுக எம்எல்ஏக்கள் உள்ளே நுழைந்தாலே வெளியேற்றப்படுகிறார்கள். நாங்கள் பேசினால் அவை குறிப்பில் இருந்து நீக்கப்படுகிறது. நாங்கள் அவை மரபை மீறியதில்லை. ஆனாலும் எங்களுக்கு சட்டமன்றத்தில் பேச வாய்ப்பில்லை என்று சொன்னால் அதிமுகவோடு கூட்டணி வைத்து என்ன பலன். இனிமேல் திமுக கூட்டணிக்கு யாராவது வந்தால் அவர்களுக்குத்தான் லாபமே தவிர, நமக்கொன்றும் எந்தவிதக் குறைவும் ஏற்பட்டுவிடப்போவது கிடையாது என்றார் அவர்.

புதன், 12 பிப்ரவரி, 2014

ஆசிரியர் தகுதி தேர்வில் இடஒதுக்கீட்டு பிரிவினருக்கு 5 சதவீத தளர்வு போதாது புதிய தமிழகம் தலைவர் டாக்டர் கிருஷ்ணசாமி பேட்டி..



சென்னை சேப்பாக்கம் சட்டமன்ற விடுதியில் புதிய தமிழகம் கட்சியின் தலைவர் டாக்டர் க.கிருஷ்ணசாமி நிருபர்களுக்கு பேட்டியளித்தார். அப்போது அவர் கூறியதாவது:–
ஆசிரியர் தகுதித்தேர்வில் இடஒதுக்கீட்டு பிரிவினருக்கு 5 சதவீதம் மதிப்பெண் தளர்வு அளிக்கப்படும் என்று தமிழக அரசு அறிவித்தது. ஆனால் இது போதாது. பிற்படுத்தப்பட்டோர், மிகவும் பிற்படுத்தப்பட்டோர், மாற்றுத்திறனாளி பிரிவினருக்கு என தனித்தனியாக மதிப்பெண் தளர்வு கொடுக்க வேண்டும்.
மழையின்றியும், வேறு வழியில்லாமலும் பால் உற்பத்தியாளர்கள் பாலின் விலையை உயர்த்தியுள்ளனர். அவர்களின் நிலையினை புரிந்தும், நுகர்வோருக்கு பாதிப்பு ஏற்படுத்தாத வகையிலும் தமிழ்நாடு அரசு நடவடிக்கை எடுக்கவேண்டும். ஆம் ஆத்மி கட்சியின் மூத்த தலைவர் பிரசாந்த் பூஷன் நேற்றுமுன்தினம் 2ஜி ஸ்பெக்ட்ரம் ஒதுக்கீட்டில் தொடர்புடையவர்கள் பேசியதாக கூறப்படும் உரையாடல் பதிவுகளை வெளியிட்டார். இதில் உண்மைத்தன்மை இல்லை. முறையாக இதனை நீதிமன்றத்தில்தான் சமர்ப்பித்து இருக்க வேண்டும். எனவே பிரசாந்த் பூஷன் மீது விசாரணை கமிஷன் அமைக்கப்பட வேண்டும்.
இவ்வாறு அவர் கூறினார். அப்போது கட்சியின் தென்சென்னை மாவட்ட செயலாளர் செ.ராஜேந்திர பிரசாத், பகுதி செயலாளர்கள் செல்வகுமார், தில்குமார் ஆகியோர் உடன் இருந்தார்.

சமூக நீதி போராளிக்கு நன்றி! நன்றி!! நன்றி!!

தென்காசியில் புதிய தமிழகம் கட்சி ஆலோசனை கூட்டம்



தென்காசியில் புதிய தமிழகம் கட்சி ஆலோசனை கூட்டம் நடந்தது. டாக்டர் கிருஷ்ணசாமி எம்.எல்.ஏ. கலந்துகொண்டு பேசினார்.
ஆலோசனை கூட்டம்
புதிய தமிழகம் கட்சி சார்பில் தென்காசி பாராளுமன்ற தொகுதியில் உள்ள கிளைகளுக்கான புதிய நிர்வாகிகள் பதவி ஏற்பு விழா, நிர்வாகிகளுக்கு பாராட்டு விழா, ஆலோசனை கூட்டம் ஆகியவை தென்காசி இசக்கி மகால் வளாகத்தில் நடைபெற்றது. கட்சி தலைவர் டாக்டர் கிருஷ்ணசாமி எம்.எல்.ஏ. தலைமை தாங்கினார்.
மாவட்ட செயலாளர்கள் அரவிந்த் ராஜா, சுப்பிரமணியன், விருதுநகர் மாவட்ட செயலாளர் ராம்ராஜ், மாநில இளைஞர் அணி செயலாளர் மதுரம் பாஸ்கர் ஆகியோர் முன்னிலை வகித்தனர். நெல்லை மாவட்ட பொறுப்பாளர் ஜெயக்குமார் வரவேற்றுப் பேசினார்.
கூட்டத்தில் டாக்டர் கிருஷ்ணசாமி எம்.எல்.ஏ. பேசியதாவது:-
தி.மு.க. அணிக்கு ஆதரவு
பாராளுமன்ற தேர்தலில் தி.மு.க. கூட்டணிக்கு ஆதரவு அளிக்கிறோம். எனவே இப்போதே கூட்டணி கட்சியினருடன் அறிமுகமாகி நன்கு பழகிக்கொள்ளுங்கள். தென்காசி தொகுதியில் இருந்து வெற்றி பெற்று பாராளுமன்றத்துக்கு சென்றவர்களால், இந்த தொகுதிக்கு இதுவரை எந்த வளர்ச்சியும் கிடைக்கவில்லை. இதை மக்கள் புரிந்து கொண்டுள்ளனர்.
புதிய தமிழகம் கட்சியின் மீது மக்களுக்கு நம்பிக்கை உள்ளது. எனவே தேர்தல் பணிகளை இப்போதே தொடங்குங்கள். சுவர்களில் விளம்பரம் எழுத இடம் பிடித்துக் கொள்ளுங்கள். வாக்காளர் பட்டியலில் பெயர்களை சரிபார்த்துக் கொள்ளுங்கள். தீவிரமாக தேர்தல் பணியாற்றுங்கள்.
இவ்வாறு அவர் கூறினார்.
மாவட்ட துணை செயலாளர் இன்பராஜ், நெல்லை மாநகர் மாவட்ட செயலாளர் செல்லப்பா, தென்காசி தொகுதி சிறுபான்மை பிரிவு செயலாளர் முகம்மது கனிப், கடையநல்லூர் ஒன்றிய செயலாளர் மகேஷ் உள்பட பலர் கலந்து கொண்டனர். முடிவில், தென்காசி ஒன்றிய செயலாளர் கணேசன் நன்றி கூறினார்.