எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

திங்கள், 3 பிப்ரவரி, 2014

சட்டசபை கூட்டம்: மனிதநேய மக்கள் கட்சி, புதிய தமிழகம் புறக்கணிப்பு 3–வது நாளாக தே.மு.தி.க பங்கேற்கவில்லை ...

சட்டசபை கூட்டத்தை நேற்று மனிதநேய மக்கள் கட்சியும், புதிய தமிழகமும் புறக்கணித்தது. புறக்கணிப்பு தொடர்பாக மனிதநேய மக்கள் கட்சி ராமநாதபுரம் தொகுதி உறுப்பினர் ஜவஹிருல்லா சட்டசபைக்கு வெளியே நிருபர்களிடம் கூறும்போது, ‘சட்டசபையில் பொதுமக்கள் பிரச்சினைகளை பற்றி பேச போதிய கால அவகாசம் தருவதில்லை. முஸ்லிம்கள் இட ஒதுக்கீடு பிரச்சினை, ஆசிரியர் தகுதித்தேர்வில் இட ஒதுக்கீடு என பல்வேறு விஷயங்கள் பற்றி முழுமையாக விவாதிக்க முடியாததால் சட்டமன்ற கூட்டத்தை மனிதநேய மக்கள் கட்சி புறக்கணிக்கிறது’ என்றார்.
புதிய தமிழகம் கட்சி தலைவர் (ஒட்டப்பிடாரம் தொகுதி) டாக்டர் கிருஷ்ணசாமி கூறும்போது, ‘கவர்னர் உரையின் மீது ஆளுங்கட்சி உறுப்பினர் பேசும்போது, சம்பந்தமில்லாமல் சபையில் இல்லாதவர்களை பற்றி பேசுகிறார். நாங்கள் எதுவும் பேசினால் அவை குறிப்பில் இருந்து நீக்கி விடுகிறார்கள். எனவே புதிய தமிழகம் கட்சி இன்றைய கூட்டத்தை புறக்கணிக்கிறது.’ என்றார். கூட்டத்தொடரில் முதல் நாள் மட்டும் பங்கேற்ற தே.மு.தி.க. உறுப்பினர்கள் தொடர்ந்து 3–வது நாளாக நேற்று (கடைசிநாள்) புறக்கணித்தனர்.சட்டமன்ற தி.மு.க. தலைவர் மு.க.ஸ்டாலின் ஏற்கனவே கூறியதுபோன்று, நேற்றும் தி.மு.க. உறுப்பினர்கள் சட்டசபைக்கு வரவில்லை.

சனி, 1 பிப்ரவரி, 2014

பேச அனுமதி மறுப்பு: புதிய தமிழகம், மனிதநேய மக்கள் கட்சி பேரவையில் இருந்து வெளிநடப்பு.


ச
 

புதிய தமிழகம் கட்சி எம்எல்ஏ டாக்டர் கிருஷ்ணசாமி, ஆசிரியர் தகுதித் தேர்வில் இடஒதுக்கீட்டை அமல்படுத்துவது குறித்து சட்டமன்றத்தில் பேச முயன்றார். அதற்கு அனுமதி மறுக்கப்பட்டதை கண்டித்து, அவர் வெளிநடப்பு செய்தார்.
சென்னை நீலாங்கரை காவல்நிலையத்தில் சிறுவன் துப்பாக்கியால் சுடப்பட்ட விவகாரம் குறித்து பேச அனுமதி மறுக்கப்பட்டதை கண்டித்து மனிதநேய மக்கள் கட்சி சட்டப்பேரவையில் இருந்து வெளிநடப்பு செய்தது.

பேரவையில் இருந்து புதிய தமிழகம் வெளிநடப்பு ..

சட்டப் பேரவையில் இருந்து புதிய தமிழகம் கட்சி எம்.எல்.ஏ. கிருஷ்ணசாமி வெள்ளிக்கிழமை வெளிநடப்பு செய்தார். திமுகவுக்கு ஆதரவு தெரிவித்து அவர் பேரவையில் இருந்து வெளியேறினார்.
இதன்பிறகு பேசிய கிருஷ்ணசாமி, அவையில் மரபுகளுக்கு மாறாகவும், ஜனநாயகத்துக்கு விரோதமாகவும் அவையில் இல்லாத ஒருவரைப் பற்றி மிகவும் தரக்குறைவாகப் பேசினார் அதிமுக உறுப்பினர் மார்க்கண்டேயன். இதற்கு எதிர்ப்புத் தெரிவித்து வெளிநடப்புச் செய்தேன் என்றார்.

824 பேருக்கு இலவச மிக்சி, கிரைண்டர், மின்விசிறிகள் டாக்டர் கிருஷ்ணசாமி எம்.எல்.ஏ. வழங்கினார்

ஓட்டப்பிடாரம் அருகே உள்ள மருதன்வாழ்வு ஊராட்சி ஒன்றிய நடுநிலைப் பள்ளியில் தமிழக அரசின் இலவச மிக்சி, கிரைண்டர், மின் விசிறி வழங்கும் விழா நடந்தது. பஞ்சாயத்து தலைவி வள்ளியம்மாள் ரவி தலைமை தாங்கினார். தாசில்தார் ராமகிருஷ்ணன் முன்னிலை வகித்தார். வருவாய் ஆய்வாளர் வெள்ளத்தாய் வரவேற்று பேசினார். புதிய தமிழகம் கட்சி தலைவர் டாக்டர் கிருஷ்ணசாமி எம்.எல்.ஏ., 824 பயனாளிகளுக்கு தமிழக அரசின் இலவச மிக்சி, கிரைண்டர், மின் விசிறிகளை வழங்கினார். பின்னர் பள்ளி வளாகத்தில் மரக்கன்றுகளை நட்டினார்.
மாவட்ட செயலாளர் கனகராஜ், நெல்லை மேற்கு மாவட்ட தலைவர் அரவிந்தராஜா, நெல்லை மாநகர மாவட்ட செயலாளர் செல்லப்பா, மாவட்ட பொருளாளர் கண்ணன், ஒன்றிய செயலாளர்கள் பாலமுருகன், ராமசுப்பு, ராமச்சந்திரன், உள்பட பலர் கலந்து கொண்டனர். துணை தாசில்தார் (சிறப்பு செயலாக்க திட்டம்) விமலா நன்றி கூறினார்.

ஆளுநர் உரையைப் புறக்கணித்து புதிய தமிழகம் கட்சி வெளிநடப்பு!

இன்று புதிய தமிழகம் கட்சி தலைவர் டாக்டர் கிருஷ்ணசாமி அவர்கள் ஆசிரியர் தகுதித் தேர்வில் இடஒதுக்கீடு வழங்காத தமிழக அரசைக் கண்டித்து சட்டசபையிலிருந்து ஆளுநர் உரையை புறக்கணித்து வெளிநடப்பு செய்தார்.

அப்போது செய்தியாளர்களிடம் பேசிய டாக்டர் கிருஷ்ணசாமி "தாழ்த்தப்பட்ட மக்களுக்கு ஆசிரியர் தகுதித் தேர்வில் இடஒதுக்கீடு வழங்காதது, தமிழ்நாடு அரசால் கொண்டுவரப்படக்கூடிய உயர் சிகிச்சை மருத்துவமனையில் மருத்துவர்கள் மற்றும் பணியாளர்கள் நியமனஙளில் இட ஒதுக்கீடு கடைபிடிக்காதது, தமிழகத்தில் அனைத்து மாவட்டங்களிலும் பரவி இருக்கக்கூடிய கடுமையான வறட்சி, குடிநீர் பஞ்சம், தமிழகத்திலே இருந்து பெரும்பெரும் தொழிலதிபர்கள் இந்த மாநிலத்திலிருந்து அண்டை மாநிலங்களுக்கு இடம்பெயருவது ஆகியன குறித்து எந்த விதமான ஆக்கப்பூர்வமான நடவடிக்கையும் எடுக்காத இந்த அரசைக் கண்டித்து இன்று புதிய தமிழகம் கட்சி சட்டப்பேரவையிலிருந்து ஆளுநர் உரையைப் புறக்கணித்து வெளிநடப்பு செய்கிறது" என்று கூறினார்.

விளக்கம் தராத அமைச்சர்கள்... டாக்டர் கிருஷ்ணசாமி வெளிநடப்பு ...

விளக்கம் தராத அமைச்சர்கள்... டாக்டர் கிருஷ்ணசாமி வெளிநடப்புசென்னை: தனது புகாருக்கு அமைச்சர்கள் விளக்கம் தரவில்லை என்று கூறி சட்டசபையிலிருந்து புதிய தமிழகம் கட்சித் தலைவர் டாக்டர் கிருஷ்ணசாமி வெளிநடப்பு செய்தார். சட்டசபையில் ஆளுநர் உரைக்கு நன்றி தெரிவிக்கும் தீர்மானம் மீதான விவாதம் நடந்தது. அதில் கலந்து கொண்டு டாக்டர் கிருஷ்ணசாமி பேசினார். அப்போது அவர், முதலீட்டாளர்கள் மீது தமிழக அரசு அக்கறை காட்டுவதில்லை என்று குற்றம் சாட்டினார். மேலும் இதுதொடர்பாக தமிழக தொழில்துறை அமைச்சரின் விளக்கத்தையும் கோரினார். மேலும், ஆசிரியர் தகுதி தேர்வில் இடஒதுக்கீடு வேண்டும் என்றும் அவர் கோரினார். அதற்கு கல்வித்துறை அமைச்சர் பழனியப்பன் விளக்கம் அளித்தார். பின்னர் எழுந்த கிருஷ்ணசாமி, இந்த பதிலில் திருப்தி இல்லை என்று கூறி மீண்டும் பேச முயன்றார். இதற்கு அனுமதி கிடைக்காததால் கிருஷ்ணசாமி வெளிநடப்பு செய்தார். அதேபோல மனித நேய மக்கள் கட்சி உறுப்பினர்களும் வெளிநடப்புச் செய்தனர். ஏற்கனவே திமுக தொடரைப் புறக்கணித்து விட்டது. தேமுதிகவும் புறக்கணித்து விட்டது. டாக்டர் கிருஷ்ணசாமியும் தொடர்ந்து வெளிநடப்புச் செய்து வருகிறார். மனித நேய மக்கள் கட்சியும் வெளிநடப்புச் செய்து வருகிறது. இதில் தேமுதிகவைத் தவிர மற்ற கட்சிகள் இரண்டுமே திமுக கூட்டணிக்கு சமீபத்தில் வந்தவை என்பது நினைவிருக்கலாம்.