எழுவோம் எழுவோம்.. தமிழராய் எழுவோம் ! விழ விழ எழுவோம்.. வீறுகொண்டு எழுவோம் !

புதன், 8 ஜனவரி, 2014

தி.மு.க. தலைமையில் மெகா கூட்டணி அமையும்: கிருஷ்ணசாமி...

)
தென்காசி: நாடாளுமன்ற தேர்தலில் தி.மு.க. தலைமையில் மெகா கூட்டணி அமையும் என்று புதிய தமிழகம் கட்சித் தலைவர் டாக்டர் கிருஷ்ணசாமி தெரிவித்துள்ளார்.

புதிய தமிழகம் கட்சியின் மாநில பொதுக்குழு கூட்டம் தென்காசியில் நடந்தது. அக்கட்சியின் நிறுவனத்தலைவர் டாக்டர் கிருஷ்ணசாமி தலைமை வகித்தார். மாநில, மாவட்ட, ஒன்றிய நிர்வாகிகள் கலந்து கொண்டனர்.
கூட்டத்தில் தாமிரபரணி நதி மாசுபடாமல் பாதுகாக்க மக்கள் இயக்கம் உருவாக்கப்படும்.
தமிழக அரசு பூரண மதுவிலக்கை அமல்படுத்த வேண்டும், பொதுக்குழு தீர்மானங்களை விளக்கி அனைத்த மாவட்டங்களிலும் ஜனவரி 22 ஆம் தேதி பொதுக்கூட்டம் நடத்துவது என்பது உள்ளிட்ட பல தீர்மானங்கள் நிறைவேற்றப்பட்டன.

அதன்பின் டாக்டர் கிருஷ்ணசாமி பேசும்போது, ''தி.மு.க. தலைமையிலான கூட்டணியில் புதிய தமிழகம் இடம் பெற்றிருப்பதற்கு பொதுக்குழுவில் முழு சம்மதம் தெரிவிக்கப்பட்டுள்ளது. எந்தெந்த தொகுதியில் போட்டியிடுவது என்பதை சொல்வதற்கு இன்னும் கால அவகாசம் உள்ளது.

தி.மு.க. கூட்டணியை வலுப்படுத்தும் வகையில் பல புதிய கட்சிகள் கூட்டணிக்கு வர வாய்ப்பு உள்ளது. இதனால் தி.மு.க. கூட்டணி மெகா கூட்டணியாக உருவாகும். புதிய தமிழகத்தை பொறுத்தவரை எப்பவுமே தனி சின்னத்தில் தான் போட்டியிடுவோம். தென் தமிழக மக்களின் வாழ்வுரிமையை மீட்டெடுக்கும் வகையிலும், அங்கீகாரம் கிடைக்கும் வகையிலும் நாடாளுமன்ற தேர்தலில் பிரசாரத்தை முன்நிறுத்துவோம்.

நாடாளுமன்ற தேர்தலில் பிரதமர் வேட்பாளர்களை முன்னிறுத்தி தேர்தல் நடத்திய வரலாறு இதுவரை கிடையாது. தேர்தலுக்கு பிறகு வெற்றி பெற்ற எம்.பி.க்களின் அடிப்படையில்தான் பிரதமர் தேர்ந்தெடுக்கப்பட்டு வந்திருக்கிறார். தேசிய அரசியலில் கடந்த 20 ஆண்டுகளில் மாநில, பிராந்திய கட்சிகளின் ஆதிக்கம் தான் அதிகம் இருந்திருக்கிறது" என்று கூறினார்.

பாராளுமன்ற தேர்தலில் தனி சின்னத்தில் போட்டி டாக்டர் கிருஷ்ணசாமி பேட்டி

தென்காசி,
பாராளுமன்ற தேர்தலில் புதிய தமிழகம் கட்சி தனி சின்னத்தில் தான் போட்டியிடும் என்று தென்காசியில் டாக்டர் கிருஷ்ணசாமி கூறினார்.
பொதுக்குழு கூட்டம்
புதிய தமிழகம் கட்சியின் மாநில பொதுக்குழு கூட்டம் தென்காசி தாய்பாலா திருமண மண்டபத்தில் நேற்று நடந்தது. கட்சி தலைவர் டாக்டர் கிருஷ்ணசாமி தலைமை தாங்கினார்.
கூட்டத்தில் நிறைவேற்றப்பட்ட தீர்மானங்கள் வருமாறு:–
இடைநிலை, பட்டதாரி ஆசிரியர் பணிக்கு நடத்தப்படும் தகுதித்தேர்விலும், சென்னையில் தொடங்கப்பட்ட பல் நோக்கு உயர் சிகிச்சை ஆஸ்பத்திரியில் டாக்டர்கள் மற்றும் பணியாளர்கள் நியமனத்திலும், இட ஒதுக்கீட்டை கடைபிடிக்காத தமிழக அரசை கண்டிப்பது, தமிழகத்தில் பூரண மது விலக்கை அமுல்படுத்த வலியுயுத்துவது, பாராளுமன்ற தேர்தலில் தி.மு.க தலைமையில் வலுவான கூட்டணி அமைக்க முயற்சிகள் மேற்கொண்டு வரும் கருணாநிதி, மு.க.ஸ்டாலினுக்கு பாராட்டு தெரிவிப்பது, என்பன உள்பட பல்வேறு தீர்மானங்கள் நிறைவேற்றப்பட்டன.
பேட்டி
முன்னதாக டாக்டர் கிருஷ்ணசாமி நிருபர்களுக்கு பேட்டியளித்தார். அப்போது அவர் கூறியதாவது:–
தென்காசி மாநில பொதுக்குழு கூட்டத்தில் தி.மு.க தலைமையிலான கூட்டணியில் புதிய தமிழகம் அங்கம் வகிக்க அனைவரும் சம்மதம் தெரிவித்தனர். பாராளுமன்ற தேர்தலில் எங்களுக்கு எத்தனை தொகுதி வேண்டும் என்பதெல்லாம் கூட்டணி முழுமை பெற்ற பிறகு அறிவிக்கப்படும். நாங்கள் தனி சின்னத்தில்தான் போட்டியிடுவோம்.
பிரதமர் வேட்பாளரை முன்னிறுத்தி இதுவரை பாராளுமன்ற தேர்தல்கள் நடைபெறவில்லை. தேர்தல் முடிந்த பிறகு வெற்றி பெற்ற கட்சிகளை வைத்து பிரதமர் தேர்வு செய்யப்படுவார். மாநில கட்சிகள், பிராந்திய கட்சிகளின் ஆதரவுடன்தான் அரசு அமையும். தமிழகத்தில் தி.மு.க தலைமையில் பெரிய கூட்டணி அமையும். அதில் பல கட்சிகள் இணையும். புதிய தமிழகத்தை பொறுத்த வரை தென் தமிழக மக்களின் வாழ்வு உரிமையை மீட்டெடுக்க நாடாளுமன்றத்தில் ஓங்கி குரல் கொடுக்க வேண்டும் என்பதுதான் நோக்கம்.
இவ்வாறு டாக்டர் கிருஷ்ணசாமி கூறினார்.
பொதுக்கூட்டத்தில் நெல்லை மேற்கு மாவட்ட பொறுப்பாளர் ஜெயக்குமார், மாநில இளைஞர் அணி செயலாளர் மதுரம் பாஸ்கர், மாநில மாணவர் அணி செயலாளர் பவுன்ராஜ், கிழக்கு மாவட்ட செயலாளர் சுப்பிரமணியன், துணை செயலாளர் இன்பராஜ், மேற்கு மாவட்ட செயலாளர் அரவிந்த் ராஜா, தென்காசி ஒன்றிய செயலாளர் சந்திரன், தொகுதி பொறுப்பாளர் முகமது அனீப் உள்பட பலர் கலந்து கொண்டனர்.

தென்காசி தாய்பாலா அரங்கத்தில் நடைபெற்ற புதிய தமிழகம் கட்சியின் மாநில பொதுக்குழு ...

ஞாயிறு, 5 ஜனவரி, 2014

புதிய தமிழகம் கட்சியின் மாநில பொதுக்குழு வரும் 6ம் தேதி தென்காசியில் கூடுகிறது.

புதிய தமிழகம் கட்சியின் மாநில பொதுக்குழு வரும் 6ம் தேதி தென்காசியில் கூடுகிறது.

இப்பொதுக்குழுகூட்டத்தில் திமுகவுடான கூட்டணி குறித்து இறுதி முடிவு எடுக்கப்படும்.

புதிய தமிழகம்...2014

புதிய தமிழகம் கட்சித் தலைவர் டாக்டர் அய்யா அவர்களை தி.மு.க. பொருளாளர் மு.க.ஸ்டாலின் அவர்கள் கோவை குனியமுத்தூரில் உள்ள டாக்டர் அய்யா அவர்களுடைய வீட்டில் இன்று நேரில் சென்று சந்தித்தார்.

எதிர்வரும் நாடாளுமன்ற தேர்தலையொட்டி, திமுக தலைமையில் அமைய இருக்கும் கூட்டணிக்கு, புதிய தமிழகம் கட்சியின் தலைவர் டாக்டர் கிருஷ்ணசாமி அவர்கள் ஆதரவு தருவதாக, தலைவர் கலைஞர் அவர்களை நேரில் சந்தித்து தெரிவித்துள்ளார். பிப்ரவரி மாதம் 15 - 16 தேதிகளில், திருச்சியில் நடைபெற உள்ள, திமுக 10-வது மாநில மாநாட்டில், கூட்டணி கட்சிகளின் தலைவர்கள் பங்கேற்க உள்ளனர். அந்த அடிப்படையில் இன்று கோவையில் நடைபெறும் கழக இளைஞரணி மாநில, மாவட்ட, மாநகர அமைப்பாளர்கள் - துணை அமைப்பாளர்கள் கூட்டத்தில் பங்கேற்க வந்தபோது, தலைவர் கலைஞர் அவர்கள் கைப்பட வழங்கிய மாநாட்டு அழைப்பிதழை, புதிய தமிழகம் கட்சியின் தலைவர் டாக்டர் கிருஷ்ணசாமி அவர்களிடம், அவரது இல்லத்தில் சந்தித்து வழங்கினேன். அவரும் மாநாட்டில் பங்கேற்பதாக மனமுவந்து ஒப்புதல் அளித்துள்ளார். திமுக அணியில் தேமுதிக சேர வேண்டும், அப்படி வந்தால் அவர்களை வரவேற்க காத்திருப்பதாக, தலைவர் கலைஞர் அவர்கள் தெரிவித்துள்ளார். முடிவு அவர்களிடம் உள்ளது. இன்று தேமுதிக பொதுக்குழு கூட்டப்பட்டு உள்ளது. பொறுத்து இருந்து பாருங்கள்.

புதிய தமிழகம் கட்சித் தலைவர் டாக்டர் அய்யா அவர்களை தி.மு.க. பொருளாளர் மு.க.ஸ்டாலின் அவர்கள் கோவை குனியமுத்தூரில் உள்ள டாக்டர் அய்யா அவர்களுடைய வீட்டில் இன்று நேரில் சென்று சந்தித்தார்.