விழுப்புரம்: புதிய தமிழகம் கட்சி பிரமுகர் படுகொலையைக் கண்டித்து,
விழுப்புரத்தில் கண்டன ஆர்ப்பாட்டம் நடந்தது. தூத்துகுடி மாவட்டம்,
ஸ்ரீவைகுண்டம் நகர செயலாளர் பாஸ்கர் படுகொலை செய்யப்பட்டதைக் கண்டித்து,
விழுப்புரம் மாவட்ட புதிய தமிழகம் கட்சி சார்பில் நேற்று மாலை கலெக்டர்
அலுவலகம் முன் கண்டன ஆர்ப்பாட்டம் நடந்தது. மாவட்ட செயலாளர் ரகுநாதன் தலைமை
தாங்கினார். மாவட்ட துணை செயலாளர் பாரதிராஜா, நகர செயலாளர் குமரன், மாவட்ட
பொருளாளர் அய்யனார் முன்னிலை வகித்தனர். இதில் புதிய தமிழகம் கட்சி
பிரமுகர் பாஸ்கர் படுகொலை செய்யப்பட்டதைக் கண்டித்தும், முக்கிய
குற்றவாளிகளை கைது செய்து நடவடிக்கை எடுக்க வலியுறுத்தியும் கண்டன கோஷங்கள்
எழுப்பினர். ஒன்றிய செயலாளர்கள் ஜெயபால், மகேஷ், ஒன்றிய தலைவர் குமார்,
நகர தலைவர் அன்பு, ஒன்றிய துணை செயலாளர் சாமுவேல், ஒன்றிய இளைரணி தலைவர்
பிரகலாதன் உட்பட பலர் கலந்து கொண்டனர்.
கருத்துகள் இல்லை:
கருத்துரையிடுக